Veivuke ni Vuli
Veigauna


Veigauna

E rua na ivola ena Veiyalayalati Makawa. Erau tukuna e dua na itukutuku makawa lekaleka ni veika a yaco mai na gauna ni Veibuli me yacova na gauna e cavuti kina ko Sairusi ka vakatarai kina vei ira na Jiu me ra lesu tale ki Jerusalemi.

iMatai ni Veigauna

Wase 1ā€“9 e tuvai kina na itukutuku ni kawa mai vei Atama ki vei Saula. Na wase 10 e tukuna na mate nei Saula. Na wase 11ā€“22 e vakamuria lesu na veika a yaco e semati ki na nona veiliutaki ko Tevita. Na wase 23ā€“27 e vakamacalataka ni a buli me tui ko Solomoni ka ra qai tauyavutaki na Livai. Na wase 28 e vakamacalataka ni a vakaroti Solomoni ko Tevita me tara e dua na valetabu. Na wase 29 e tukuna na mate nei Tevita.

iKarua ni Veigauna

Na wase 1ā€“9 e vakamuria lesu na veika a yaco ka semati vata kei na nona veiliutaki ko Solomoni. Na wase 10ā€“12 e tukuna na nona veiliutaki na luvei Solomoni ko Riopoami, ka qai tawase rua kina na matanitu cokovata vaka-Isireli ki na matanitu e rua ena vualiku kei na ceva. Na wase 13ā€“36 e vakamacalataki kina na nodra veiliutaki na tui eso me yacova na gauna sa mai rawai kina na matanitu ko Juta mai vei Nepukanesa. E mai cava na ivola ena nona lewa ko Sairusi me ra vakalesui ki Jerusalemi na luvei Juta era tauri tu vakavesu.