iVolanikalou
Vunau kei na Veiyalayalati 115


Wase 115

Na ivakatakila sa soli yani mai vei Josefa Simici na Parofita e Fa Wesi, Misuri, ena 26 ni Epereli 1838, sa vakatakilai kina na inaki ni Kalou me baleta na kena tara cake na koro ko ya kei na Vale ni Turaga. Sa vagolei na ivakatakila oqo vei ira era tu ena itutu ni vakatulewa kei ira na lewe ni Lotu.

1–4, Sa vakatoka na Turaga me yaca ni Nona lotu na Lotu i Jisu Karisito ni Yalododonu Edaidai; 5–6, Era sa vanua ni veitaqomaki ka ivakaruru vei ira na Yalododonu ko Saioni kei na kena veiteki; 7–16, Era sa vakaroti na Yalododonu me ra tara e dua na vale ni Turaga e Fa Wesi; 17–19, Sa taura tu ko Josefa Simici na idola ni matanitu ni Kalou e vuravura.

1 Raica sa kaya vakaidina vakaoqo na Turaga, vei kemudou na noqu tamata ko aJosefa Simici Lailai, kei na noqu tamata talega ko bSidini Rikitoni, kei na noqu tamata talega ko cAirame Simici, kei ira tale ga na nomudou daunivakasala era sa lesi oti kei ira talega era na qai lesi e muri;

2 Vei iko tale ga aEtuwate Patereji na noqu tamata, kei rau na nona daunivakasala;

3 Vei ira tale ga na noqu tamata yalodina, ko ira na lewe ni matabose e cake ni noqu lotu mai Saioni, ni sai koya oqori na yacadra, kei ira na italatala qase kei ira na lewe ni noqu Lotu i Jisu Karisito ni Yalododonu Edaidai, ka sa tu e vuravura taucoko;

4 Ni sai koya oqo na yaca ena kacivi kina na noqu alotu ena veisiga mai muri, io bna Lotu i Jisu Karisito ni Yalododonu Edaidai.

5 Au sa kaya vakaidina vei kemudou kecega: Dou atucake ka cila yani, me bivakaraitaki vei ira na veimatanitu kecega na nomudou rarama;

6 Ia me yaco na avakasoqoni vata ena vanua ko bSaioni kei na kena cveiteki, me baleta na veitaqomaki, ka divakaruru mai na cava, kei na cudru ena gauna ena esovaraki mai kina ena kena sosoko ki vuravura taucoko.

7 Me vanua asavasava ka vakatabui me noqu, na koro ko Fa Wesi; ka me na vakatokai me savasava duadua, me vaka ni sa qele tabu dou tu kina.

8 O koya, au sa vakaroti kemudou kina mo dou atara e dua na noqu vale, me baleta na nodra vakasoqoni vata na noqu yalododonu, me ra bqaravi au.

9 Me tekivu na kena cakacaka, kei na tauyavu, kei na kena vakavakarau, ena vula ikatakata ka lako mai;

10 Me tekivutaki na cakacaka ena ikava ni siga ni vula ko Julai ka lako mai; io mai na gauna ko ya ka lako yani me ra na cakacaka sara vagumatua na noqu tamata ka tara vakaoti na vale ena yacaqu;

11 Ia ni oti e adua na yabaki mai na siga oqo, me ra tekivutaka tale na vakaduri ni yavu ni noqu bvale.

12 Ia me tekivu mai na gauna ko ya ka lako yani me ra na cakacaka sara vagumatua me yacova ni sa oti, io me tekivu mai na vatu ni tutu me yaco ki na kena delavuvu, me yacova ni sa sega tale ni dua na ka e tu e se bera ni vakacavari.

13 Au sa kaya vakaidina vei kemudou, me ratou na kakua tale ni dinau tu na noqu tamata ko Josefa, se na noqu tamata ko Sidini, se na noqu tamata ko Airame, me baleta na kena tara e dua na vale me noqu;

14 Ia me tara e dua na vale me noqu me vaka na kena aivakarau au na vakatakila vei iratou.

15 Ia kevaka era na sega ni tara na noqu tamata me vaka na ivakarau ka’u na vakatakila vei iratou na nodra mataveiliutaki, au na sega ni ciqoma mai ligadra.

16 Ia kevaka era na tara na noqu tamata me vaka na kena ivakarau ka’u na vakatakila vei iratou na nodra mataveiliutaki, io ko Josefa kei rau na nona daunivakasala, au na qai ciqoma mai ligadra na noqu tamata.

17 Kei na dua tale, au sa kaya vakaidina vei kemudou, au sa lewa me tara cake kusarawa na koro ko Fa Wesi ena nodra vakasoqoni vata na noqu yalododonu;

18 Ka vakatalega kina me lesi eso na vanua me baleta na aiteki ena veiyasana vakavolivolita, me vaka era na vakatakilai vei Josefa na noqu tamata, ena veigauna eso.

19 Ia raica, au na tiko vata kei koya, ka’u na vakatabui koya e matadra na tamata; ni’u sa solia vua na aidola ni matanitu oqo kei na cakacaka. Io ena vakakina. Emeni.