Vunau kei na Veiyalayalati 9
    Footnotes

    Wase 9

    Na ivakatakila sa soli yani mai vei Josefa Simici na Parofita kivei Oliva Kaudari, e Amoni, Penisilivenia, Epereli, 1829. Sa vunauci o Oliva me dau yalovosota ka sa uqeti me vunivola tiko mada ga, ena gauna oqo, ena veika ena cavuta ko daunivakavakadewa, ka kakua ni tovolea me vakavakadewa.

    1–6, E so tale na ivolatukutuku makawa e se bera ni vakadewataki; 7–14, Sa vakadewataki na iVola i Momani ena vakasama kei na veivakadeitaki vakayalo.

    1 Raica, au sa kaya vei iko, na luvequ, baleta ni ko a sega ni avakadewataka me vaka na nomu gagadre mai vei au, ka tomana tale na nomu bvolavola vua na noqu tamata, ko Josefa Simici Lailai, sa dina sara au nanuma mo sa tomana tikoga me yacova ni ko sa vakaotia na ivolatukutuku oqo, kau sa tataunaka vei iko.

    2 Sa oti ko ya, raica, aeso tale na bivolatukutuku e tiko vei Au, kau na solia vei iko na kaukauwa mo rawa ni veivuke ena vakavakadewa.

    3 Mo vosota, na luvequ, ni sa noqu lewa yalomatua ka sega ni dodonu talega mo na vakavakadewa ena tiki ni gauna oqo.

    4 Raica, na cakacaka ko sa kacivi mo qarava sai koya mo daunivolavola nei Josefa na noqu tamata.

    5 Ka sa vakakina, raica, sa baleta ga ni o sega ni tomana tiko me vaka na nomu a tekivuna, ena itekivu ni nomu vakavakadewa, kau sa kauta tani mai kina vei iko na dodonu oqo.

    6 Mo kakua ni avosakudrukudru, na luvequ, ni sa noqu lewa yalomatua, me’u vakadodonutaki iko, ena tikina oqo.

    7 Raica, ko sa sega ni kila; ko a nanuma niu na solia vei iko, ia ko a sega mada ni vakasamataka mo a kerea ga vei au.

    8 Ia, raica, au sa kaya vei iko, sa dodonu mo avakasamataka vakavinaka ena nomu vakasama; oti e dodonu mo qai btaroga vei au kevaka e sa dodonu, ia kevaka e sa dodonu, au na vakauqeta na cyalomu ka na dkatakata mai na lomamu; o koya ko na qai evakila sara ni sa dodonu.

    9 Ia kevaka e sega tiko ni dodonu ko na sega ni vakila e dua na ka, ia ko na vakila na aberabera ni nomu vakasama ka na vakavuna mo na guilecava na veika e cala; o koya, ena sega kina ni rawa ni o vola na veika e tabu vakavo ga ke soli vei iko mai vei au.

    10 Ia oqo, kevaka mo a kila na ka oqo ke o sa rawa ni avakavakadewa; ia, e se sega ni ganita mo se vakavakadewa oqo.

    11 Raica, a sa ganita ena gauna ko a tekivu kina; ia ko a arere, ka sa oti yani na gauna, ka sa sega ni ganiti iko ena gauna oqo;

    12 Ia, ko sa sega beka ni raica niu sa solia vua na noqu tamata ko aJosefa na kaukauwa ka ra a buli kina? Ia au sa sega ni vakacala e dua vei kemudrau.

    13 Cakava na veika oqo kau sa vakarota vei iko, ko na sautu kina. Mo yalodina, ka kakua ni soro ki na aveitemaki.

    14 Mo tudei sara ena acakacaka au sa bkacivi iko kina, ena sega sara ni yali e dua na drau ni ulumu, ia ko na claveti cake ena siga mai muri. Emeni.