iVolanikalou
Vunau kei na Veiyalayalati 94


Wase 94

Na ivakatakila sa soli yani mai vei Josefa Simici na Parofita mai Katiladi e Oaio, ena 2 ni Okosita, 1833. Eratou sa lesi ko Airame Simici, Rinoli Kauni kei Jereti Kata me ratou Komiti ni Taravale ena Lotu.

1–9, Na ivakaro e solia na Turaga me baleta na tara ni vale ni nodratou cakacaka na Mataveiliutaki; 10–12, Me na tara e dua na vale ni tabaivola; 13–17, Sa soli na ivotavota vakawa e so.

1 Kei na dua tale, au sa kaya vakaidina vei kemudou na awekaqu, au sa solia vei kemudou e dua na ivakaro, mo dou sa tekivuna e dua na cakacaka ni kena vakotori ka vakarautaki na itekitekivu ka yavu ni koro ni biteki kei Saioni, ena vanua oqo ko Katiladi, me tekivu mai na noqu vale.

2 Ka raica, me caka me vaka na kena aivalavala au sa solia vei kemudou.

3 Me vakatabui me noqu na imatai ni iwasewase ni qele ena ceva me na tara kina e dua na vale me nodratou na mataveiliutaki, me baleta na nodratou cakacaka na mataveiliutaki, me ciqomi kina na ivakatakila; kei na nodratou cakacaka ni veiqaravi vakalotu na amataveiliutaki, ena veika me baleta na lotu kei na matanitu.

4 Au sa kaya vakaidina vei kemudou, me tara na vale oqo me onosagavulu kalima na fiti na kena balavu, ka limasagavulu kalima na fiti na rabana e loma.

5 Ia me dua na itaba vale, e cake ka dua e ra, me vaka na kena ivakarau ka na vakatakilai vei kemudou.

6 Ia me vakatabui me nona na Turaga me tekivu mai na kena yavu, io me vakayacori me vaka na ivakarau ni matabete ena kena ivalavala ka na vakatakilai vei kemudou.

7 Ia me vakatabui vakatabakidua vua na Turaga me baleta na nodratou cakacaka na mataveiliutaki.

8 Ia dou kakua ni laiva me curu kina e dua na ka sa adukadukali; ka ni na tiko kina na noqu blagilagi, ka ni na tiko talega kina na noqu iserau.

9 Ia kevaka sa curu kina e dua na ka adukadukali, sa na yali kina na noqu lagilagi; ka na sega ni curu yani kina na noqu iserau.

10 Kei na dua tale, au sa kaya vakaidina vei kemudou, na ikarua ni iwasewase ni qele ena ceva me vakatabui tale ga vei au me tara kina e dua na vale me baleta na kena atabaki na bivakadewa ni noqu ivolanikalou, kei na veika kecega au na vakaroti kemudou kina.

11 Ia me onosagavulu kaono na fiti na kena balavu, ka limasagavulu kalima na fiti na rabana e loma; ia me rua na itaba vale, me dua e cake ka dua e ra.

12 Ia me vakatabui vakatabakidua na vale oqo me nona na Turaga me tekivu mai na kena yavu, me baleta na cakacaka ni tabaivola, na veika kecega au na vakaroti kemudou kina, me savasava, ka sega ni vakawaleni me vaka na ivalavala ni veika kecega ena soli yani vei kemudou.

13 Ia na ikatolu ni iwasewase ni qele, me soli vei Airame Simici na noqu tamata me nona ivotavota vakawa.

14 Ia na imatai kei na ikarua ni iwasewase ni qele ena vualiku, me soli vei rau ko Rinoli Kauni kei Jereti Kata na noqu tamata me nodrau ivotavota vakawa—

15 Me ratou vakayacora na cakacaka au sa lesia vei iratou, me ratou lewa na tara ni noqu vale me vaka ka’u na vakatakila vei kemudou koi au na Turaga na Kalou.

16 Raica me kakua mada ni tara na vale ruarua oqo me yacova ni’u sa vakarota vei kemudou.

17 Ia oqo sa tei yala mada eke na noqu vosa vei kemudou. Emeni.