iVolanikalou
Vunau kei na Veiyalayalati 38


Wase 38

Na veika sa vakatakilai vei Josefa Simici na Parofita mai Feieti e Niu Ioka, ena 2 ni Janueri, 1831. A yaco oqo donuya e dua na gauna ni koniferedi ni Lotu.

1–6, Sa bulia na ka kecega ko Karisito; 7–8, Sa tiko ko Koya ena kedra maliwa na Nona Yalododonu, ka ra na raici Koya; 9–12, Era sa ca kecega na tamata e matana; 13–22, Sa vakarautaka ko Koya e dua na vanua yalataki vei ira na Nona Yalododonu ena bula oqo kei na gauna tawamudu; 23–27, Era sa vakaroti na Yalododonu me ra duavata ka veilomani me vaka na veitacini; 28–29, Sa yalataki ni na yaco na ivalu; 30–33, Ena soli mai cake na kaukauwa vei ira na Yalododonu me ra na lako yani ki na veimatanitu; 34–42, Era sa vakaroti ena Lotu me ra vukei ira na dravudravua kei ira sa leqa tu, ka vakasaqara na iyau ni gauna tawamudu.

1 A sa kaya vakaoqo na Turaga na nomudou Kalou, ko Jisu Karisito, aO Koya sa Bula ka Cecere Sara, na Alifa kei na Omeka na bivakatekivu kei na ivakataotioti, ko koya ga sa raica tu mai na raraba ni gauna tawamudu, kei ira na serafimi e cvuqa ni lomalagi, ni se dbera ni ebuli ko vuravura;

2 Ko koya sa akila na ka kecega, ni sa tu e mataqu na ka bkecega;

3 Koi au ga ka a vosa, ka sa abuli kina ko vuravura, sa yaco mai na ka kecega mai vei au.

4 Sai au ga sa kauta tani na aSaioni nei Inoki ki lomaserequ; kau sa kaya vakaidina, ko ira kecega era sa bvakabauta na yacaqu, ni koi Au na Karisito, ia ena yacaqu ga, ena vuku ni cdra au sa liviraka oti, au sa vakatakekere kina vei Tamaqu ena vukudra.

5 Ia raica, ko ira sa aivalavala ca, au sa vesuki ira ena bsinucodo ni butobuto me yacova na siga levu ni cveilewai, ka na yaco ena ivakataotioti kei vuravura;

6 Io era na vesuki tu ko ira sa ivalavala ca, io ko ira sa sega ni vakabauta na domoqu ka vakaukauwataka na lomadra, raica ena ca, ena ca, ena ca, na nodra vakarusai.

7 Ia raica, e dina, e dina au sa kaya vei kemudou ni sa vakaraici kemudou tiko na amataqu. Au sa tiko bmaliwai kemudou ga ka dou sa sega ni raici au rawa;

8 Ia ena yaco kusarawa mai na siga dou na araici au kina, ka kila ni sai Au; ni na cereki tani na ilati butobuto, ia ko ira sa sega ni bvakasavasavataki, era na sega ni ctu rawa ena siga ko ya.

9 Ia dou vakadreta na ivau ni tolomudou ka tu vakarau. Raica sa soli me nomudou na amatanitu, ia ena sega ni rawai kemudou na meca.

10 Au sa kaya vakaidina vei kemudou, dou sa asavasava, ia dou sa sega ni savasava taucoko sara; ka sa sega tale e dua meu btaleitaka vakalevu cake;

11 Ni sa ca kecega na atamata e mataqu; ka sa roboti vuravura na kaukauwa ni bbutobuto, ena kedra maliwa na luve ni tamata, e matadra na lewei lomalagi kecega—

12 Ka sa vakavuna me vakanomodi na ka kecega ka sa ararawa kecega na veigauna tawamudu, era sa waraka tu na bagilosi na ivakaro cecere me ctamusuki sobu ko vuravura, me kumuni vata na ka dca me ra evakamai; ia, raica, era sa cokovata mai na meca.

13 Ia oqo au sa na tukuna vei kemudou e dua na ka vuni, e dua na ka ka bosei mai ena dua na vanua vuni, me vakavuna na nomudou avakarusai ena dua na gauna lekaleka oqo, ia dou sega tiko ni kila;

14 Ia oqo au sa tukuna vei kemudou, ka dou sa kalougata kina, sega ni baleta na nomudou caka cala, sega talega ni baleta na yalomudou tawavakabauta; ni sa dina sara ni so vei kemudou era sa kila tu na nodra cala e mataqu, ia au na vosoti kemudou ena vuku ni nomudou malumalumu.

15 O koya, mo dou aqaqa me tekivu oqo ka lako yani; dou kakua ni brere, ni sa nomudou na matanitu.

16 Ia me baleta na nomudou vakabulai au sa solia kina vei kemudou e dua na ivakaro, niu sa rogoca na nomudou masu, ko ira na adravudravua era sa vosakudrukudru vei au, ko ira na bvutuniyau au sa vakayacora me ra vakakina, kau sa lewa na ka bula kecega, niu sa dau nanumi ira cvakatautauvata na tamata kecega.

17 Au sa vakavutuniyautaki vuravura, ia raica oqori na aitutu ni yavaqu, ia au na lako mai meu mai tu tale kina.

18 Kau sa dulaka tu ka lomasoli meu solia vei kemudou na iyau e cecere cake, io e dua na vanua yalataki, na vanua sa dave kina na sucu kei na oni, io ena sega ni tau kina na cudru ni Turaga ena gauna sa lesu tale mai kina;

19 Kau na solia vei kemudou na vanua me nomudou ivotavota vakawa, kevaka ko na vakasaqara vagumatua e lomamu taucoko.

20 Ia oqo na noqu yalayala vei kemudou, au na solia na vanua ko ya me nomudou ivotavota vakawa, ka me nodratou aivotavota vakawa talega na nomudou kawa ka sega ni mudu, me yacova na ivakataotioti kei vuravura, io dou na taukena tale ena gauna tawamudu, io ka sega sara ni mudu.

21 Ia, au sa kaya vakaidina vei kemudou ni na yaco mai na gauna sa na sega kina ni dua na nomudou tui se nomudou turaga, sai Au ga na nomudou atui ka’u na dau wanonovi kemudou.

22 Ia, mo dou rogoca na domoqu ka amuri au, ka dou na yaco me tamata bgalala, ka na sega tale ni dua na nomudou lawa, ia, na noqu lawa ga niu sa lako mai, ni sai Au ga na nomudou cvunilawa, ia ko cei me vakadaroya rawa na ligaqu?

23 Ia, au sa kaya vakaidina vei kemudou, mo dou aveivakavulici vakai kemudou, me vaka na itutu au sa lesi kemudou kina;

24 Ia na tamata yadua me alomana na wekana me vaka sa lomani koya, io mo dou bivalavala savasava ka ccaka dodonu e mataqu.

25 Raica au sa kaya tale vei kemudou, na tamata yadua me lomana na wekana me vaka sa lomani koya.

26 Ia ko cei vei kemudou sa tinikarua na luvena tagane, ka ratou sa tautauvata taucoko vakadua ga vua, ka ratou sa qaravi koya kece ena yalodina, a sa kaya ko koya vua e dua na luvena: Mo tokara na isulu vinaka sara ka mai dabe eke; a sa kaya vua e dua tale: Mo tokara na isulu kakadresudresu ka la’ki dabe ki kea—sa rawa li vua me raici iratou na luvena tagane ka kaya: Au sa dodonu koi au?

27 Raica, au sa tukuna vei kemudou na ka oqo ena vosa vakatautauvata, ni sa baleti au tale ga. Io au sa kaya vei kemudou, mo dou aduavata sara; ia kevaka dou sa sega ni duavata, dou sa sega ni noqu.

28 Ia au sa kaya tale vei kemudou, raica era sa bose vuni tiko na kemudou meca me ra vakarusai akemudou.

29 Dou sa rogoca na aivalu ena veimatanitu tani, ka dou sa kaya sa voleka ni yaco na ivalu levu ena veimatanitu vakayawa, ia dou sa sega ni kila na ivakarau ni yalodra na tamata ena nomudou vanua.

30 Au sa tukuna vei kemudou na ka oqo ena yalomatua ni nomudou masumasu; o koya mo dou akumuna cake ki lomaseremudou na byalomatua, kevaka e sega, ena qai vakatakilai mai vei kemudou ena nodra caka ca na tamata dau caka ca, io dou na rogoca ni na tukuni vakadomoilevu sara vei kemudou ka na yavavala kina ko vuravura; ia kevaka dou sa vakarau vakavinaka tu, dou na sega sara ni rere.

31 Ka mo dou drotaka rawa kina na nona kaukauwa na meca, ka soqoni vata mai vei au ni dou sa tamata yalododonu, ni dou sa sega ni tauvi aduka ka sega ni beitaki ena dua na ka—

32 Ia, ena ka oqo au sa vakaroti kemudou kina mo dou lako ki aOaio; ia au na qai solia vei kemudou mai kea na noqu blawa; ia mai kea dou na qai cvakaivotavota kina ena kaukauwa mai lomalagi;

33 Ia mai kea tale ga, au na talai ira yani ka’u sa lesia me ra alako ki na veimatanitu, ka na qai vakatakilai vei ira na ka me ra kitaka; niu sa vakarautaka tu e dua na cakacaka cecere, oqo na nodra bvakabulai na Isireli, raica au na kauti ira ki na vanua cava ga me vaka na noqu lewa, ka na sega na kaukauwa me ctarova na ligaqu.

34 Ia oqo, au sa solia e dua na ivakaro ki na lotu ena vanua oqo, io era na lesi e so vei ira, ia me ra na lesi kina mai na adomodra na lewe ni lotu;

35 Ka ra na sikovi ira na dravudravua kei ira era leqa tu, io me ra avukea na nodra leqa me ra kakua kina ni kune rarawa; ka vakauti ira sara ki na vanua ka’u sa vakarota vei ira;

36 Ia sai koya oqo na nodra ilesilesi, me ra liutaka na qaravi ni iyauqaqa ni lotu oqo.

37 Ia ko ira sa tu na nodra qele ka sega ni rawa ni volitaki, me ra lewa na ka me ra kitaka kina, me ra biuta tu se solia vakarede vua e dua.

38 Me laurai ni sa maroroi vinaka tu na veika kece; ia ni ra sa avakaivotavota na tamata ena kaukauwa mai lomalagi ka ra sa lako yani, me na qai kumuni vata na veika oqo ki na lomasere ni lotu.

39 Ia kevaka dou sa vakasaqara na aiyau ka sa nona lewa ko Tamada me solia vei kemudou, dou sa na vutuniyau sara vei ira na tamata kecega, ni dou na rawata na iyau ni gauna tawamudu; ia mo dou kila ni’u sa lewa na biyau kei vuravura; dou qarauni kemudou mo dou kakua ni cyaloviavialevu, de dou na yaco me vakataki ira na dNifaiti ena gauna e liu.

40 Ia au sa kaya tale vei kemudou, au sa solia vei kemudou e dua na ivakaro, raica na tamata vakayadua ga, na italatala qase, na bete, na ivakavuvuli kei na lewe ni lotu, me cavutu ka lako yani ka qarava na nona itavi ena nona aigu, me vakarautaka ka rawata na ka au sa vakarota.

41 Ia na nomudou aivunau me domo ni bveivakasalataki, na tamata yadua vua na wekana, ia me caka ena yalomalua kei na yalololoma.

42 Dou lako atani mai vei ira na tamata dau caka ca. Dou vakabulai kemudou. Mo dou savasava koi kemudou sa kauta na iyaya ni Turaga. Ia ena yaco vakakina. Emeni.