Vunau kei na Veiyalayalati 48
    Footnotes

    Wase 48

    Na veika sa vakatakilai yani mai vei Josefa Simici na Parofita mai Katiladi, Oaio, ena 10 ni Maji, 1831. Sa taroga na Parofita vua na Turaga na sala me rawata kina na qele me ra tawana na Yalododonu. Oqo e dua na tikina bibi, ni ra sa toki tiko mai na lewe ni Lotu mai na tokalau kei Amerika, ena nodra talairawarawa ki na ivakaro ni Turaga me ra soqoni vata yani ki Oaio (raica na wase 37:1–3; 45:64).

    1–3, Me ra wasea na Yalododonu mai Oaio na nodra qele vei ira na wekadra; 4–6, Me ra voli qele na Yalododonu, me ra tara e dua na koro levu, ka muria na nodra ivakasala na nodra vakailesilesi vakatulewa.

    1 E ganita mo dou sa toka dei mada ga ena gauna oqo ena nomudou itikotiko, ni veirauti kei na veika dou sa rawata.

    2 Ia kevaka e tiko na nomudou qele, dou awasea vei ira na wekamudou ka ra lako mai na tokalau;

    3 Ia kevaka e sega na nomudou qele, me ra qai voli qele ena veiyasana vakavolivolita, me vaka e vinaka vei ira, ni sa dodonu ka ganita me dua na vanua me ra bula tiko kina ena gauna oqo.

    4 Sa dodonu ka ganita sara mo dou maroroya na kena levu ga ni ilavo dou rawa ni maroroya rawa, ia mo dou rawata na veika kece dou rawa ni rawata ena gaunisala dodonu, ni yaco mai na gauna dou sa rawa ni avolia na qele me nomudou ivotavota vakawa, ia na koro sara bmada ga.

    5 Me se tei kakua mada ni vakatakilai na vanua; ia ni ra sa yaco mai na wekamudou mai na tokalau me ra qai lesi eso na aturaga, ka na qai soli vei ira na kaukauwa me ra bkila kina na vanua, se me na qai vakatakilai vei ira.

    6 Ia era na qai lesi me ra la’ki volia na qele, ka tauyavutaka sara na akoro; ia me sa na qai tekivu na nomudou vakasoqoni vata kei na nomudou matavuvale, na tamata yadua kei na nona bmatavuvale, me vaka na ituvaki ni nona bula, ka me vaka na veika sa lesia vua na mataveiliutaki kei na bisopi ni lotu, me vaka na lawa kei na ivakaro dou sa ciqoma, kei na kena dou na qai ciqoma ni oti eke. Io ena vakakina. Emeni.