iVolanikalou
Vunau kei na Veiyalayalati 28


Wase 28

Na veika sa vakatakilai yani mai vei Josefa Simici na Parofita ki vei Oliva Kaudari, mai Feieti e Niu Ioka, ena Sepiteba, 1830. E tiko vei Airame Peji e dua na lewenilotu, e dua na vatu ka kaya ni sa veivuke tiko ena kena vakatakilai mai na veika me tara cake kina ko Saioni kei na ivakarau ni kena cicivaki na Lotu. E vica na lewenilotu era sa vakacalai ena itukutuku oqori, sa vakacalai sara tale mada ga kina ko Oliva Kaudari. Ni voleka me vakayacori e dua na koniferedi ka sa tuvai oti koto mai, a mani laki vakatataro vagumatua kina vua na Turaga na Parofita ena vuku ni ka oqo, ka qai basika kina na ivakatakila oqo.

1–7, Sa taura tu ko Josefa Simici na idola ni veika vuni e so, ia ko koya duadua ga ena ciqoma na ivakatakila me baleta na Lotu; 8–10, Ko Oliva Kaudari me vunau vei ira na Leimanaiti; 11–16, Sa vakaisini Airame Peji ko Setani, ia sa solia vua na ivakatakila lasulasu.

1 Raica au sa kaya vei iko, aOliva, ni na soli vei iko mo na rogoci ena lotu ena veika kece sara ko na bvakavuvulitaka vei ira mai vua na cDauveivakacegui, me baleta na ivakatakila kei na ivakaro au sa solia.

2 Ia, raica, e dina, e dina au sa kaya vei iko, sa asega tale e dua sa lesi me ciqoma na ivakaro kei na ivakatakila ena lotu oqo, io ko bJosefa Simici Lailai, ga na noqu tamata, ni sa ciqoma ko koya me vakataki Mosese.

3 Ia mo talairawarawa ki na noqu ivakaro kece au na solia vua, me vaka a dau kitaka ko aEroni, mo vunautaka ena yalodina na ivakaro kei na ivakatakila, ena kaukauwa kei na bdodonu vei ira na lewe ni lotu.

4 Ia kevaka ko sa vakauqeti mai vua na Dauveivakacegui mo avosa se mo veivakavulici, se ena veigauna kecega ko vakaroti mo vakayacora vakakina vei ira na lewe ni lotu, mo kitaka sara vakakina.

5 Ia mo kakua ni volavola ena veivakaroti, ia ena yalomatua ga;

6 Ka mo kakua ni vakaroti koya sa liu vei iko, io ko koya na iliuliu ni lotu;

7 Raica au sa solia vua na aidola me kila kina na veika bvuni, kei na ivakatakila ka se dregati tu, me yacova ni’u sa lesia tale e dua me kena isosomi.

8 Ia oqo, raica, au sa kaya vei iko mo lako vei ira na aLeimanaiti ka vunautaka vei ira na noqu bkosipeli; ia kevaka era sa ciqoma na nomu ivakavuvuli, mo qai tauyavutaka sara vei ira na noqu lotu; ena qai soli vei iko eso na ivakatakila, ia mo kakua ni vola me ivakaro.

9 Ia oqo, raica, au sa kaya vei iko ni se bera ni vakatakilai, ka sega ni dua na tamata e kila na vanua me na tara kina na akoro ko bSaioni, ia ena qai vakatakilai ena dua na gauna e muri. Raica, au sa kaya ga vei iko, ena tara ga ena iyalayala ni nodra vanua na Leimanaiti.

10 Mo kakua mada ni biuta na vanua oqo me yacova ni sa oti na koniferedi; raica ena lesi ko Josefa na noqu tamata me vakatulewa ena koniferedi, me vaka na nodra domovata na lewena, ia mo na tukuna ga na veika ena tukuna vei iko ko koya.

11 Ia mo kauti Airame Peji tale na wekamu mo drau veivosaki ataurua ga, ia mo tukuna vua ni veika a vola mai na vatu koya, e sega ni vu yani mai vei au, ka sa bvakaisini koya kina ko cSetani;

12 Ia, raica, sa sega ni lesi vua me kila na veika oqori, ka na sega tale ga ni vakatakilai vua e dua tale ena lotu oqo, me voroka kina na veiyalayalati ni lotu.

13 Ia ena vakayacori na veika kecega me vaka na kena ivakarau, ia me ra avakadonuya kece na lewe ni lotu, ena masu ni vakabauta.

14 Ka mo veivuke ena kena vakadodonutaki na veika oqo, me vaka na veiyalayalati ni lotu, ni bera ni ko qai laki vunau vei ira na Leimanaiti.

15 Ka na qai asoli vei iko ena gauna ko sa lako kina, me yacova na gauna ko sa lesu tale mai kina, na veika mo la’ki kitaka.

16 Mo na dolava tiko na gusumu ena veigauna kece, ka vunautaka tiko na noqu kosipeli ena yalomarau Emeni.