Vunau kei na Veiyalayalati 16
    Footnotes

    Wase 16

    Na ivakatakila sa soli yani mai vei Josefa Simici na Parofita kivei Pita Witima Lailai e Feieti, Niu Ioka, June, 1829 (raica na ikau ni wase 14). Ko Pita Witima Lailai a qai mai dua vei iratou na lewe Walu ka a Vakadinadina ki na iVola i Momani.

    1–2, Sa koto na liga ni Turaga e vuravura kecega; 3–6, Na vunautaki ni kosipeli kei na vakabulai ni yalo sa ka bibi duadua.

    1 aVakatudaliga mai, Pita na noqu tamata, ka rogoca na vosa i Jisu Karisito, na nomu Turaga ka nomu Dauveivueti.

    2 Ia raica, Au vosa vei iko ena vosa e matata ka kaukauwa, ni sa roboti vuravura taucoko na noqu lewa.

    3 Kau na tukuna vei iko na veika ka sega ni dua tale na tamata e kila o au ga vata kei iko—

    4 Ni sa levu na gauna ko sa dau gadreva mai vei au mo kila na ka e bibi duadua vei iko.

    5 Raica, ko sa kalougata ena ka oqo, kei na nomu vunautaka na noqu vosa kau a solia vei iko me vaka na noqu ivakaro.

    6 Ia oqo, raica, au sa kaya vei iko ni sa ka e bibi duadua vei iko sai koya na tusanaki ni veivutuni vei ira na tamata kece oqo, ka mo kauta mai kina na yalo vei au, ka mo na vakacegu vata kei ira ena matanitu i Tamaqu. Emeni.