iVolanikalou
    Vunau kei na Veiyalayalati 8
    iVakamacala e botona e ra
    Theme

    Wase 8

    Na ivakatakila sa soli yani mai vei Josefa Simici na Parofita kivei Oliva Kaudari, e Amoni, Penisilivenia, Epereli, 1829. Ena gauna e vakadewataki tiko kina na iVola i Momani, o Oliva o koya ka sa tomana tikoga na veiqaravi vakavunivola, ni vola tiko na veika sa tukuna na Parofita, sa gadreva sara me vakaivotavota ena isolisoli ni vakavakadewa. Sa sauma na Turaga na nona vakatakekere ena nona vakadonuya na ivakatakila oqo.

    1–5, Na ivakatakila e yaco mai ena kaukauwa ni Yalo Tabu; 6–12, Na kilai ni veika vuni ni Kalou kei na kaukauwa me vakadewataki kina na itukutuku makawa e yaco mai ena vakabauta.

    1 aOliva Kaudari, e dina, e dina, au sa kaya vei iko, me vaka ni sa dei ni bula na Turaga, o koya na nomu Kalou ka nomu Dauveivueti, me vaka ga ni ko sa bkila vakaidina na veika ko sa ckerea ena vakabauta, ena yalo e dina, ka vakadinata ni ko na ciqoma e dua na kilaka me baleta na veika sa ceuti tu ena ditukutuku e liu, ka ra sa makawa dina, ka sa tu kina na tiki ni noqu ivolanikalou ka sa mai tukuni ena eveivakatakilai ni Yaloqu.

    2 Io, raica, au na atukuna ki na nomu vakasama kei na vu ni byalomu, ena cYalo Tabu, ka na qai lako mai vei iko ia ka na tiko sara ena lomamu.

    3 Ia oqo, raica, sai koya oqo na yalo ni vakatakila; raica, sai koya oqo na yalo sa kauti ira rawa mai kina na luvei Isireli ko Mosese ka kosova na aWasa Damudamu ena qele mamaca.

    4 O koya sai koya oqo na nomu isolisoli; mo vakayagataka, ko sa kalougata dina, ni na sereki iko mai na ligadra na nomu meca, ia, kevaka e sega ni vakakina, era na yaviti iko ka vakarusa sara na yalomu.

    5 Isa, nanuma na aveivosa oqo, ka muria tiko na noqu ivakaro. Nanuma, ni oqo na nomu isolisoli.

    6 Ia oqo e sega ni o koya kece na nomu isolisoli; me vaka ni tiko tale e dua na nomu isolisoli, ko ya na isolisoli vaka-Eroni; raica, ka sa tukuna vei iko e vuqa sara na ka;

    7 Raica, sa sega tale ni dua na kaukauwa, na kaukauwa duadua ga ni Kalou, ka na rawa ni solia na isolisoli vaka-Eroni me na tiko kei iko.

    8 O koya, mo kakua ni vakatitiqa, ni sa isolisoli ni Kalou; ko na rawa ni taura ena ligamu, ka cakava na ka e veivakurabuitaki; ka na sega na kaukauwa ena rawa ni kauta tani rawa mai ligamu, ni sa cakacaka ni Kalou.

    9 Ia, o koya, na veika kecega ko sa kerea vei au mo kila, au na vakatakila vei iko, ka ko na kila sara vakaidina.

    10 Mo nanuma deivaki ni sega na avakabauta ko na sega ni rawata e dua na ka; o koya mo kerea ena vakabauta. Kakua ni vakawaletaka na veika oqo; mo kakua ni bkerea na veika e sega ni ganita.

    11 Kerea mo kila na veika vuni ni Kalou, ka mo avakadewataka ka rawata na kila ka mai na ivolatukutuku tabu makawa kece ka a vunitaki tu; ia me vaka na nomu vakabauta ena vakayacori vakakina vei iko.

    12 Raica, sai Au sa tukuna na veika oqo; ia koi Au ga sa vosa vei iko mai na ivakatekivu. Emeni.