iVolanikalou
Vunau kei na Veiyalayalati 50


Wase 50

Na veika sa vakatakilai yani mai vei Josefa Simici na Parofita mai Katiladi, Oaio, ena 9 ni Me, 1831. E tukuni ena itukutuku makawa kei Josefa Simici ni so vei ira na italatala qase era sega ni kila na vakaraitaki ni veiyalo duidui eso sa tu voli e vuravura ka mani soli kina na ivakatakila oqo ena vuku ni nona vakatataro me baleta na tikina oqo. Sa curu tiko vakalevu e so na yalo oqori vei ira na lewe ni lotu, a ra sa kaya e so vei ira, ni ra sa raica na raivotu kei na ivakatakila.

1–5, Era sa veilakoyaki voli e vuravura e vuqa na yalo e dauveivakacalai; 6–9, Era na ca ko ira na dauveivakaisini kei ira sa muduki tani mai na Lotu; 10–14, Me ra vunautaka na kosipeli, na italatala qase ena Yalo; 15–22, Me veivakararamataki na Yalo vei ira sa vunau kei ira sa vakarorogo; 23–25, Na ka sa sega ni veivakatataki cake, sa sega ni mai vua na Kalou; 26–28, Era na rawata na ka kecega ko ira era sa yalodina; 29–36, Ena rogoci na nodra masu ko ira era sa vakasavasavataki; 37–46, Sa iVakatawa Vinaka ka Uluvatu ni Isireli ko Karisito.

1 Dou vakatudaliga, oi kemudou na italatala qase ni noqu lotu, ka dolava na daligamudou ki na domo ni Kalou bula; dou muria na vosa ni yalomatua ka na tukuni yani vei kemudou, me vaka na nomudou kerekere ka dou sa duavata kina ena ka e baleta na lotu, kei na yalo era sa veilakoyaki voli e vuravura.

2 Raica, au sa kaya vakaidina vei kemudou, sa tu e vuqa na yalo e adauveivakacalai, era sa veilakoyaki voli e vuravura me ra vakacalai ira na kai vuravura.

3 Ka vakatalega kina ni sa segata ko aSetani me vakacalai kemudou, io me lewai kemudou sara.

4 Raica, koi Au na Turaga, au sa raici kemudou, ka raica na veika vakasisila ena lotu sa avakatokai ena yacaqu.

5 Ia era na kalougata ko ira era sa yalodina ka avosota tiko, ni ra bula tiko se ni ra sa mate, ni ra na rawata na bula tawamudu.

6 Ia ena ca ko ira sa adauveivakacalai kei ira sa dauveivakaisini, ni sai ira oqori au na lewai ira, sa kaya vakaoqo na Turaga.

7 Raica, au sa kaya vakaidina vei kemudou, era sa tu na adauveivakaisini ena kemudou maliwa, io era sa vakacala e so, ka sa solia kina na bkaukauwa vua na cmeca; raica sa rawa me ra na vakabulai tale ko dira oqori;

8 Ia ko ira na dauveivakaisini era na kilai ka amuduki tani, se ni ra se bula tiko se ni ra sa mate, me vaka na noqu lewa; ka na ca vei ira sa muduki tani mai na noqu lotu, ni sa rawai ira ko vuravura.

9 Ia, raica me qarauni koya na tamata yadua de vakayacora na veika e sega ni dina ka dodonu e mataqu.

10 Ia oqo dou lako mai, sa kaya na Turaga, ena Yalo, vei ira na italatala qase ni nona lotu, me datou aveitalanoa mada, mo dou rawa ni kila kina;

11 Me datou veitalanoa mada me vaka ga na nodrau veitalanoa e matana votu e rua na tamata.

12 Raica ni sa vakamacala e dua na tamata, ena kila tale ga na tamata, io ni rau sa veivosaki ga vakatamata; ia sa vakakina koi Au na Turaga, au na veivosaki vakakina kei kemudou, mo dou akila.

13 Ia, koi Au na Turaga au sa tarogi kemudou mada ena taro oqo—ena ilesilesi cava dou sa atabaki kina?

14 Mo dou vunautaka na noqu kosipeli ena aYalo, ko koya na bDauveivakacegui sa talai yani me vakatakila vei kemudou na ka dina.

15 Ia dou sa mai vakabauta tale e so na ayalo dou sa sega ni kila, ka dou ciqoma me vaka ni dou sa ciqoma mai vua na Kalou; dou sa caka dodonu li ena ka oqo?

16 Raica dou na dui sauma ga vakai kemudou na taro oqo; ia, au na yalololoma ga vei kemudou; io au na avakaukauwataki koya sa malumalumu vei kemudou.

17 Au sa kaya vakaidina vei kemudou, ko koya au sa tabaka ka tala yani me avunautaka na vosa ni dina ena nona kaukauwa na Dauveivakacegui, ena Yalo ni ka dina, ena vunautaka li ena bYalo ni ka dina se ena dua tale na sala?

18 Ia kevaka sa caka ena dua tale na sala sa sega ni mai vua na Kalou.

19 Ka dua tale, o koya sa ciqoma na vosa ni dina, sa ciqoma li ena Yalo ni ka dina, se ena sala tani tale e so?

20 Kevaka sa caka ena dua tale na sala sa sega ni mai vua na Kalou.

21 O koya, a cava dou sa sega kina ni raica rawa ka kila, ni ko koya sa ciqoma na vosa ena Yalo ni ka dina sa ciqoma ni sa vunautaki ena Yalo ni ka dina?

22 Ia, ko koya sa vunau kei koya sa ciqoma erau sa aveivakatataki ka bmarau vata.

23 Raica na ka sa sega ni veivakatataki cake, sa sega ni mai vua na Kalou, ia sa vu mai na abutobuto.

24 Na veika sa vu mai vua na Kalou e aveivakararamataki; kei koya sa ciqoma na rarama, ka btudei tiko ga vua na Kalou, ena vakararamataki cvakalevu; io ena tubu cake tiko ga na nona rarama me yacova na siga uasivi ko ya.

25 Kei na dua tale, au sa kaya vakaidina vei kemudou, kau sa kaya mo dou kila kina na adina, mo dou vakasava tani kina na butobuto mai na kemudou maliwa;

26 Ko koya sa tabaki koya na Kalou ka talai yani, sai koya sa lesi me acecere duadua, e dina ga ni sa lailai sara ka nomudou bitalai kecega.

27 Ia, ko koya sa arawata na ka kecega; ni sa lewa na ka kecega, mai lomalagi kei vuravura, na bula kei na rarama, na Yalo kei na bkaukauwa, ka talai mai me vaka na lewa nei Tamana ena vukui Jisu Karisito, na Luvena.

28 Ia sa sega na tamata sa rawata na ka kecega, ko koya ga sa avakavoui ka bvakasavasavataki mai na nona ivalavala ca kecega.

29 Ia kevaka dou sa vakavoui ka vakasavasavataki mai na nomudou ivalavala ca kecega, dou na akerea na ka kecega dou vinakata ena yacai Jisu ena soli vei kemudou.

30 Ia mo dou kila oqo, ena soli vei kemudou na ka dou na kerea; ia ni dou sa lesi mo dou ailiuliu, sa na soli vei kemudou na yalo.

31 Ia, ka na qai yaco, kevaka dou sa raica ni vakaraitaki e dua na ayalo ka dou sega ni rawa ni kila, dou se bera ni ciqoma na yalo oqori, mo dou kerea vua na Tamada ena yacai Jisu; ia kevaka e sega ni solia mai vei kemudou na yalo oqori, dou na qai kila ni sa sega ni vu mai vua na Kalou.

32 Ka na qai soli vei kemudou na akaukauwa mo dou rawa kina na yalo ko ya; io mo dou vunauca sara ka kacivaka vakadomoilevu ni sa sega ni vu mai vua na Kalou—

33 Me kakua ena vosa aveivakacacani kei na veibeitaki, de dou na rawai kina, ia me kakua tale ga ena bdokadoka kei na reki, de dou na coriti kina.

34 Raica ko koya sa ciqoma mai vua na Kalou, me kila tikoga ni sa mai vua na Kalou; io me rekitaka ni raica na Kalou ni sa kilikili kaya me ciqoma.

35 Ia ena nomudou muria ka vakayacora na veika kecega dou sa ciqoma oti, kei na kena dou na qai ciqoma e muri—ka sa soli vei kemudou na amatanitu mai vei Tamada, kei na bkaukauwa mo dou rawa kina na ka kecega sa lewa ko koya—

36 Ia raica, au sa kaya vakaidina vei kemudou, sa kalougata koi kemudou sa rogoca na noqu vosa oqo ena gusuna na noqu tamata, ni sa avosoti na nomudou ivalavala ca.

37 Me rau lako yani na noqu tamata ka’u sa daulomana ko Josefa Wekivili, kei aPali P. Pereta vei ira na veimatalotu ka vaqaqacotaki ira ena vosa ni bveivakauqeti;

38 Ka vakakina ko Joni Korili na noqu tamata, se ko ira kecega na noqu tamata era sa tabaki ki na itutu oqo, ka me ra cakacaka ena noqu awere ni vaini; ia me kakua ni dua e vakataotaka na nodra vakayacora na itavi au sa lesia vei ira—

39 Ia, ena vuku ni ka oqo sa sega kina ni dodonu ko aEtuwate Patereji na noqu tamata; ia me veivutuni ka na qai vosoti.

40 Raica, dou sa gonelalai ga ka sega ni akila na ka kecega; sa kilikili mo dou btubu cake ena cloloma soli wale ka kila na ka ddina.

41 Dou kakua ni arere koi kemudou na bgonelalai, ni dou sa noqu, au sa cvakamalumalumutaki vuravura, io sai kemudou eso vei ira sa dsolia vei au ko Tamaqu;

42 Ka na sega ni dua vei ira sa solia vei au ko Tamaqu ena ayali.

43 Keirau sa aduabau kei Tamaqu. Au sa tu vei Tamaqu ka sa tu vei au ko Tamaqu; ia ni dou sa ciqomi au, dou sa tu kina vei au kau sa tu vei kemudou.

44 Ia, Au sa tu ena kemudou maliwa, ka sai Au na ivakatawa avinaka, ka buluvatu kei Isireli. O koya sa tara cake ena culuvatu oqo ena dsega sara ni bale.

45 Ena yaco mai na siga dou na rogoca kina na domoqu ka araici au, io dou na kila ni sai Au.

46 Dou avakatawa, o koya, mo dou bvakarau tu kina. Io me vakakina. Emeni.