Vunau kei na Veiyalayalati 106
    Footnotes

    Wase 106

    Na ivakatakila sa soli yani mai vei Josefa Simici na Parofita mai Katiladi, Oaio, ena 25 ni Noveba 1834. Na ivakatakila oqo e vagolei vei Warani A. Kaudari, na tuakai Oliva Kaudari.

    1–3, Sa lesi ko Warani A. Kaudari me vakailesilesi vakatulewa ena vanua e tiko kina; 4–5, Ena sega ni yaco vakidacala mai na iKarua ni Lako Mai, me vaka na daubutako, ki vei ira na gone ni rarama; 6–8, Era na kalougata vakalevu sara ko ira sa yalodina tiko ga ki na Lotu.

    1 Raica au sa lewa me lesi ka tabaki ko Warani A. Kaudari na noqu tamata, me bete levu veiliutaki ni noqu lotu ena vanua ko aViritomi kei na veiyasana vakavolivolita;

    2 Ia me vunautaka na noqu kosipeli tawavakaiyalayala, ka tabalaka cake na domona me vunauci ira na tamata ena nona vanua kei na veiyasayasa vakavolivolita;

    3 Ka me vagolea taucoko talega na nona gauna ki na ilesilesi cecere ka savasava oqo, ka’u sa solia vua ena gauna oqo, ka me avakasaqara vagumatua na bmatanitu vakalomalagi kei na kena yalododonu, ka na qai vakuri ena veika kecega e ganita; raica na ctamata daucakacaka ena kilikili kaya na kena isau.

    4 Kei na dua tale, au sa kaya vakaidina vei kemudou, sa avoleka na gauna me blesu tale mai kina na Turaga, ka na yaco vakidacala mai me vaka na cdaubutako ena bogi—

    5 O koya, mo dou vakadreta na ivau ni tolomudou, mo dou gone ni ararama, raica ena sega ni btoboki kemudou na kena siga me vaka na daubutako.

    6 Kei na dua tale, au sa kaya vakaidina vei kemudou, sa levu vakaidina na reki mai lomalagi ni sa cuva ko Warani na noqu tamata ki na noqu kaukauwa, ka tawasei koya tani mai na nodra ivadi qaseqase na tamata;

    7 O koya, sa kalougata kina ko Warani na noqu tamata, ni na tiko ga vua na noqu loloma cecere; e dina ga sa adokadoka na lomana, au na laveti koya cake kevaka sa vakayalomalumalumutaki koya vei au.

    8 Raica au na solia vua na aloloma soli wale ka vakataudeitaki koya ena vanua me tu kina; ia kevaka sa yalodina tiko ga ena nona ivakadinadina ka tutuvaka tikoga na cina ki na lotu, au sa vakarautaka me nona na isala vakaturaga ena bvale nei Tamaqu. Io ena vakakina. Emeni.