iVolanikalou
Vunau kei na Veiyalayalati 79


Wase 79

Na veika sa vakatakilai yani mai vei Josefa Simici na Parofita mai Airame, Oaio, ena 12 ni Maji, 1832.

1–4, Sa lesi ko Jereti Kata me vunautaka na kosipeli, me vaka sa vakatakila vua na Dauveivakacegui.

1 Au sa kaya vakaidina vei kemudou, ni sa noqu lewa me lako tale yani ko Jereti Kata na noqu tamata ki na veivanua mai na tokalau; mai na dua na vanua ki na dua tale, ka vakakina mai na dua na koro ki na dua tale na koro, ena kaukauwa ni aveitabaki sa tabaki kina, ka vunautaka na itukutuku rekitaki, io na kosipeli tawavakaiyalayala.

2 Kau na tala yani vua na aDauveivakacegui, ka na vakavuvulitaka vua na dina kei na sala me muria;

3 Ia kevaka sa yalodina tikoga, au na vakaisalataki koya tale ena ivau sila.

4 Ia mo reki Jereti Kata na noqu tamata, ka kakua ni arere, sa kaya na nomu Turaga, io ko Jisu Karisito. Emeni.