iVolanikalou
    Vunau kei na Veiyalayalati 12
    iVakamacala e botona e ra
    Theme

    Wase 12

    Na ivakatakila sa soli yani mai vei Josefa Simici na Parofita kivei Josefa Naiti Levu e Amoni, Penisilivenia, Me, 1829. Ko Josefa Naiti sa vakabauta na itukutuku nei Josefa Simici me baleta na kena tiko vua na peleti ni iVola i Momani kei na cakacaka ni vakavakadewa ka sa toso tiko ena gauna o ya ka so na gauna e dau solia na veivuke vakayago vei Josefa Simici kei na nona vunivola, ka rawa kina vei rau me rau tomana tiko na vakavakadewa. Ena kerekere nei Josefa Naiti, sa vakatataro kina na Parofita vua na Turaga ka ciqoma na ivakatakila.

    1–6, Era na vakabulai na dautatamusuki ena were ni vaini; 7–9, Ko ira kece sa gagadre ka rawata me ra veivuke ena cakacaka ni Turaga.

    1 Sa vakarau yaco e adua na cakacaka levu ka veivakurabuitaki vei ira na luve ni tamata.

    2 Raica, koi Au na Kalou; mo rogoca matua na noqu vosa, ni sa bula ka kaukauwa, sa gata vakalevu ka mucu ga na iseleiwau batirua, a sa wasea rua na isema kei na uto ni sui; o koya mo rogoca matua kina na noqu vosa.

    3 Raica, sa matua tu na were ka sa vakarau na tatamusuki; ia, ko koya sa gadreva me tatamusuki, me curumaka na nona isele takelo ena nona igu ka ia na tatamusuki ni sa siga toka, io me kumuna vata ki yalona na veivakabulai tawavakaiyalayala ena matanitu ni Kalou.

    4 Io, ko koya yadua sa curumaka na nona isele takelo me ia na tatamusuki, sa kacivi dina mai vua na Kalou ko koya.

    5 O koya oqo, kevaka ko na kerea vei au, ena soli vei iko; kevaka ko na tukituki ena dolavi vei iko.

    6 Ia oqo, me vaka ni ko sa kerea, raica, au sa kaya vei iko, muria na noqu ivakaro, ka segata me turi ka yavutaki na inaki kei Saioni.

    7 Raica, au sa tukuna vei iko, ka vakakina vei ira kece era gadreva me turi ka yavutaki na cakacaka oqo;

    8 Ia ena sega ni dua e rawa ni veivuke ena cakacaka oqo vakavo ga kevaka e sa ayalomalumalumu ka sinai ena bloloma, ka tu vua na cvakabauta, dna inuinui kei na eloloma uasivi; io na yalomatua ena ka kecega, se na cava ga e nuitaki vua.

    9 Raica, koi Au na rarama kei na vu-ni-bula kei vuravura, kau sa tukuna na veivosa oqo, o koya mo gumatua ni vakarogoca, ia ni oti ko sa na qai kacivi. Emeni.