Vunau kei na Veiyalayalati 125
    Footnotes

    Wase 125

    Na ivakatakila sa soli yani mai vei Josefa Simici na Parofita mai Nauvu, Ilinoi, ena Maji 1841, me baleti ira na Yalododonu ena yasayasa vaka-Aioa.

    1–4, Me ra tara koro ka soqoni vata ki na vei iteki kei Saioni ko ira na Yalododonu.

    1 A cava na nona inaki na Turaga me baleti ira na yalododonu ena Yasayasa vaka-Aioa?

    2 Sa kaya vakaidina vakaoqo na Turaga, au sa kaya vei kemudou, kevaka era sa cakava na lomaqu ka muria na noqu ivakaro me baleti ira, ko ira era sa avakatokai ira ena yacaqu ka segata tiko me ra noqu yalododonu, me ra vakasoqoni ira vata ki na veivanua au sa lesia vei ira mai vei Josefa na noqu tamata, ka tara na veikoro ki na yacaqu, me ra vakavakarau kina ki na veika sa vakarautaki tu me baleta e dua na gauna ena qai yaco mai.

    3 Me ra tara e dua na koro ki na yacaqu ena vanua veibasai kei na koro ko Nauvu, ia me vakayacani na koro oqo ena yaca aSaraemala.

    4 Ia me ra la’ki tawana na koro oqori ko ira kece era lako mai na tokalau kei na ra, kei na vualiku, kei na ceva, ko ira kece sa lomadra dina me ra vakaitikotiko kina, me ra laki taura kina e dua na nodra ivotavota vakawa, ka vakakina ena koro ko aNesiveli, se ena koro ko Nauvu, kei na bveiteki kece au sa lesia, sa kaya na Turaga.