iVolanikalou
Vunau kei na Veiyalayalati 133


Wase 133

Na ivakatakilai sa soli yani mai vei Josefa Simici na Parofita mai Airame, Oaio, ena 3 ni Noveba 1831. Me ikau ni ivakatakila oqo, e tukuna vakaoqo na itukutuku makawa kei Josefa Simici, “Ena gauna oqo sa vuqa sara na ka era gadreva tiko me ra kila na iTalatala Qase me baleta na kena vunautaki na Kosipeli vei ira na lewei vuravura, ka vakakina na veika e baleta na vakasoqoni vata; ka vakakina na sala me rawa kina na lako voli ena rarama dina, ka dusimaki mai cake ena 3 ni Noveba, 1831, au a taroga na Turaga ka ciqoma na ivakatakila bibi oqo.” Na iwase oqo a vakuri taumada ki na ivola ni Vunau kei na Veiyalayalati ka qai lewai e muri me dua na iwase ni ivola.

1–6, Era sa vakaroti na Yalododonu me ra vakavakarau ki na iKarua ni Lako Mai; 7–16, Era sa vakaroti na tamata kecega me ra dro tani mai Papiloni ka lako ki Saioni, ka vakavakarau ki na siga sa levu ni Turaga; 17–35, Ena tucake tu ena Ulunivanua ko Saioni, ena cokovata na veivanua me dua ga, ka ra na lesu mai na yavusa i Isireli era yali tu; 36–40, Sa vakalesui mai ena ligai Josefa Simici na kosipeli me vunautaki yani ki vuravura taucoko; 41–51, Ena lako sobu mai ena veisausaumi na Turaga vei ira na dau caka ca; 52–56, Na yabaki ni Nona veivueti; 57–74, Me vunautaki yani na kosipeli me ra vakabulai na Yalododonu ka ra vakarusai na caka ca.

1 Dou rogoca, oi kemudou na lewe ni noqu lotu, sa kaya na Turaga na nomudou Kalou, ka rogoca na vosa ni Turaga ena vukumudou—

2 Na Turaga ena alako vakasauri mai ki na nona valetabu; na Turaga ka na lako mai ki vuravura vata kei na dua na cudru me ia na bveilewai; io ki na veimatanitu kecega sa guilecava na Kalou, ka vakakina vei ira kecega era sa sega ni vakalou ena kemudou maliwa.

3 Ni na avakaraitaka mai ko koya na ligana tabu ki na veimatanitu kecega, ka na raica na iyalayala kecega kei vuravura na bveivakabulai ni nodra Kalou.

4 O koya, mo dou vakarautaki kemudou, dou vakarautaki kemudou, oi kemudou na noqu tamata; dou vakasavasavataki kemudou; dou vakasoqoni kemudou vata, Oi kemudou na tamata ena noqu lotu, ki na vanua ko Saioni, oi kemudou kece sa sega ni vakaroti mo dou wawa tiko mai.

5 Dou lako tani mai aPapiloni. Mo dou bsavasava mai koi kemudou sa kauta na iyaya ni Turaga.

6 Dou kaciva na nomudou soqoni tabu, dou dau aveivosaki vakawasoma vakataki kemudou. Ia me ra masuta na yaca ni Turaga na tamata vakayadua ga.

7 Io, au sa kaya vakaidina tale vei kemudou, sa yaco mai na gauna sa gole yani kina vei kemudou na domo ni Turaga: Dou lako tani mai Papiloni; dou avakasoqoni kemudou tani mai na veimatanitu, mai na matanicagi e bva, mai na dua na mua i lomalagi ki na dua tale.

8 Dou atalai ira yani na italatala qase ni noqu lotu ki na veimatanitu vakayawa; io ki na bveiyanuyanu ni wasawasa; dou talai ira yani ki na veivanua tani; dou vunauci ira na veimatanitu kecega, me liu vei ira na cMatanitu Tani, ka qai muri vei ira na dJiu.

9 Ia raica, ka rogoca, me vakaoqo na nodra vosa, na domo ni Turaga ki na tamata kecega: Dou lako yani ki na vanua ko Saioni, io me vakarabailevutaki na iyalayala ni nodra vanua na noqu tamata, ka vaqaqacotaki na nodra aiteki, ia me tete yani ko bSaioni ki na veivanua vakavolivolita.

10 Io, me lako yani na nodra vosa vei ira kecega na tamata: Dou yadra ka tucake ka lako yani me veitata kei na aTagane sa qai Vakawati; raica ka rogoca ni sa lako mai na Tagane sa qai Vakawati; dou lako yani koi kemudou, ka sotavi koya. Dou vakarautaki kemudou ki na bsiga sa levu ni Turaga.

11 O koya mo dou avakatawa, ni dou sa sega ni bkila na kena siga se na kena auwa.

12 O koya, me ra dro tale ga yani ki aSaioni ko ira sa tiko ena kedra bmaliwa na Matanitu Tani.

13 Ia me ra dro yani ki aJerusalemi ko ira na kawa i bJuta, io ki na cveiulunivanua ni dvale ni Turaga.

14 Dou lako tani mai na kedra maliwa na veimatanitu, io mai Papiloni, ena kedra maliwa na dau caka ca, sai koya na Papiloni vakayalo.

15 Ia sa kaya vakaidina vakaoqo na Turaga, me kakua ni avakusakusa na nomudou dro, ia me vakarautaki vakavinaka na veika kecega e baleti kemudou; ia ko koya sa dro me bkakua ni rai ki muri, de na rusa vakaidina.

16 Dou vakatudaliga ka rogoca, Oi kemudou na lewei vuravura. Dou avakarorogo vata mai oi kemudou na italatala qase ni noqu lotu, ka rogoca na domo ni Turaga; raica sa kaciva na tamata kecega, ka vakaroti ira na tamata kecega ena veivanua me ra bveivutuni.

17 Raica, sa atala yani na agilosi na Turaga na Kalou, a sa vuka voli ena maliwa kei lomalagi, ka kaya: Dou caramaka na sala ni Turaga ka cakava me bdodonu na nona salatu, ni sa voleka na auwa me clako mai kina ko koya—

18 Na gauna ena tucake tu kina ena aUlunivanua ko Saioni na bLami, ka na tu vata kei koya e cduanadrau vasagavulukava na udolu, ka volai tu e yadredra na yacai Tamana.

19 O koya, mo dou vakarautaki kemudou ena nona alako mai na bTagane sa qai Vakawati; dou lako yani, dou lako yani ka veitata kaya.

20 Ia raica, ena atucake tu ena Ulunivanua ni Veiolive, ka vakakina ena dela ni wasawasa levu, io ena wasaliwa titobu sara, kei na yanuyanu ni veiwasawasa, kei na vanua ko Saioni.

21 Ka na avakarogoya na domona mai bSaioni, ia ena vosa mai Jerusalemi, ka na rogoca na domona na tamata kecega;

22 Ia na domona sa vaka na adomo ni wai levu, ka vaka na domo ni bcava levu, ka na ctalaraka sobu na ulunivanua, ka na yali yani na veibuca.

23 Ena vakarota ko koya na wasaliwa titobu, ka na vakasavi lesu ki na veivanua ena vualiku, ka na yaco na aveiyanuyanu me dua ga na vanua;

24 Ia na vanua ko aJerusalemi kei na vanua ko Saioni erau na vakasukai tale ki na vanua ga erau a tu kina, ia na vuravura ena vaka ga ena veisiga ni se bera ni bwasei.

25 Ia na Turaga, io ko koya na iVakabula, ena tu ena kedra maliwa na nona tamata, ka na alewa na ka bula kecega.

26 Ia ko ira mai na veimatanitu ena avualiku ena nanumi ira na Turaga; ia na nodra parofita ena rogoca na domona, ka ra na sega tale ni tarovi ira rawa; era na yavita na vatu, ka na drodro mai vakayauyau ena kedra iserau na waicevata.

27 Ia ena qai tara cake ena maliwa ni dreke ni wasaliwa titobu na nodra asalatu.

28 Era na rawai ira na nodra meca.

29 Ia ena vanua adravuisiga ena dave mai kina na tobu wai ni bula; ka na sega tale ni viagunu na vanua mamaca.

30 Ia era na kauta mai na nodra iyau talei vei ira na kawa i aIfireimi, ko ira na noqu tamata.

31 Kei na iyalayala ni aveidelana e sega ni oti rawa era na sautaninini ena kedra iserau.

32 Ia mai kea era na qai cuva sobu ka vakaisalataki ena lagilagi, io mai Saioni, ena ligadra na tamata ni Turaga, io ko ira na kawa i Ifireimi.

33 Ka ra na vakasinaiti ena asere kei na reki e sega ni mudu.

34 Raica oqo na nona veivakalougatataki na Kalou sega ni mudu vei ira na ayavusa i Isireli, kei na veivakalougatataki e vutuniyau cake e ului bIfireimi kei ira na nona itokani.

35 Ia ko ira tale ga na yavusa i aJuta, ni ra sa vakararawataki oti, era na qai bvakatabui ena mata ni Turaga, me ra tiko ga ena nona iserau ena siga kei na bogi, me sega ni mudu ka sega ni mudu.

36 Ia oqo, sa kaya vakadina na Turaga, mo dou kila na veika oqo, Oi kemudou na lewei vuravura, au sa tala yani na noqu aagilosi sa vuka voli ena maliwa kei lomalagi, sa tu vua na bkosipeli sega ni mudu, sa rairai o koya vei ira eso ka solia vei ira na tamata, o koya ena rairai vei ira e vuqa sa tiko e vuravura.

37 Ia ena avunautaki yani na bkosipeli oqo ki na cveimatanitu, veimataqali, duivosavosa kei ira na tamata.

38 Ia era na lako yani na italai ni Kalou, ka kaya ena domoilevu: Dou rerevaka na Kalou ka vakalagilagi koya, ni sa voleka ni yaco mai na auwa ni nona veilewai;

39 Dou aqaravi koya sa bulia na lomalagi, kei na vuravura, kei na wasawasa kei na veimata ni wai—

40 Dou kaciva na yaca ni Turaga ena siga kei na bogi, ka kaya: Mo ni adresulaka mada na lomalagi, mo ni lako sobu mada, me drodro sobu mai e matamuni na veiulunivanua.

41 Ia ena saumi vakaidina e uludra; ni na vaka na bukawaqa sa vakawaicalataka na ka, kei na bukawaqa sa akere kina na wai.

42 Oi kemuni na Turaga, mo ni lako sobu mai ka vakarogoya na yacamuni vei ira na nomuni meca, ia era na sautaninini e matamuni na veimatanitu—

43 Ni kemuni sa cakava na veika rerevaki, na veika era a sega ni namaka;

44 Io, ni ko ni sa lako sobu mai, sa yavavala e matamuni na veiulunivanua, ko ni na atavaki koya na tamata sa marau ka cakava na ivalavala dodonu, kei koya sa nanumi kemuni ena nomuni sala.

45 Ia mai na ivakatekivu kei vuravura era sa sega ni rogoca se ciqoma e daligadra na tamata, ka sega talega na mata e kunea, ka vakavo ga koi kemuni na Kalou, na veika cecere ko ni sa avakarautaka vei koya sa bwaraki kemuni.

46 Ia ena qai tukuni: Ko acei oqo sa blako sobu mai vua na Kalou mai lomalagi ka sa vakaisulu boro damudamu tu mai; io, mai na veiyasana tawa kilai, ka daramaka na isulu vakaiukuuku, a sa lako mai ena cecere ni nona kaukauwa?

47 Ia ena qai kaya mai: Koi Au ka’u sa tukuna na ka dodonu, ka kaukauwa me’u ia na veivakabulai.

48 Ia ena adamudamu na nona icurucuru na Turaga, ia na nona isulu sa vaka na nei koya sa sikaraka na ikeli ni waini.

49 Ka na cecere na kena lagilagi ni nona iserau ka sa vunitaka kina ena madua na matana na amatanisiga, ka sa na bureitaka na kena rarama na vula, ka na kolotaki mai na kena itutu na kalokalo.

50 Ka na rogo mai na domona: Au sa asikaraka taudua ga na ikeli ni waini, ka kauta mai na veilewai ki na tamata kecega; ka sega e dua me tiko vata kei au.

51 Ia au sa buturaki ira ena noqu cudru, ka sikaraki ira ena noqu cudru katakata, ka’u sa akuretaka na nodra dra ena noqu isulu, ka lomoca kina na noqu itutuvi; ni sai koya oqo na siga ni veisausaumi ka’u sa nakita e lomaqu.

52 Ia sa qai yaco na nodra yabaki na tamata ka’u sa vakabula; raica era na tukuna na yalololoma levu ni nodra Turaga, kei na veika kece sa solia vei ira me vaka na nona vinaka, ka vakakina na kena levu ni nona loloma, me sega ni mudu ka sega ni mudu.

53 Raica na nodra ararawa kecega sa rarawa kina ko koya. Ia na agilosi sa tiko e matana sa dau vakabulai ira; ia ena nona bloloma, kei na nona lomalomani ira, sa cvakabulai ira kina, ka keveti ira, ka kauti ira ena veisiga kece e liu;

54 Io, kei aInoki talega, kei ira era a tiko vata kaya; ko ira na parofita era a liu vua; kei bNoa talega, kei ira era a liu vua, kei cMosese talega, kei ira era a liu vua;

55 Io mai vei Mosese ki vei Ilaija, mai vei Ilaija ki vei Joni, ko koya ka a tiko vata kei Karisito ena nona atucake tale, kei ira na iapositolo yalosavasava, vata kei Eparaama, Aisake, kei Jekope, era na tiko ena nona iserau na Lami.

56 Ia ena qai atadola na kedra bibulubulu na cyalododonu; era na tucake mai ka tiko ena ligana dimatau na Lami, ni sa tucake tu ko koya ena eUlunivanua ko Saioni, io ena koro tabu tale ga ko fJerusalemi Vou; era na lagata na gsere ni hLami, ena siga kei na bogi me sega ni mudu ka sega ni mudu.

57 Ia ena inaki oqo, me rawa ni vakaivotavota na tamata ena alagilagi ka na qai vakatakilai mai, sa tala yani kina na Turaga na taucoko ni nona bkosipeli, na nona veiyalayalati tawamudu, ka tukuna vakamatata ka rawarawa—

58 Me vakarautaki ira era sa malumalumu ki na veika ena yaco mai ki vuravura, kei na cakacaka ni Turaga ena siga ena vakamaduataki ira kina na vuku na veika amalumalumu, ia ko koya sa blailai ena yaco me matanitu kaukauwa ka na vakasava e tini na udolu e lewe crua.

59 Raica ena veika malumalumu e vuravura, ena awasewasea kina na Turaga na veimatanitu, ena kaukauwa ni nona Yalo Tabu.

60 Ia ena vuku ni veika oqo sa soli kina na ivakaro oqo; a vakaroti me kakua mada ni tukuni ki vuravura ena siga a vakatakilai mai kina, ia oqo me sa akau yani ki na veika bula bkecega

61 Ia oqo me vaka na nona nanuma kei na nona inaki na Turaga, ko koya sa lewa na veika bula kecega.

62 Ia ko koya sa aveivutuni ka bvakatabui koya ena mata ni Turaga, ena soli vua na cbula tawamudu.

63 Ia vei ira sa sega ni amuria na domo ni Turaga, ena vakayacori vei ira na veika a vola ko Mosese na parofita, ni ra na bmuduki tani mai na kedra maliwa na tamata.

64 Ka vakatalega kina na veika a vola na Parofita ko aMalakai: Ia raica, sa yaco mai na bsiga ena cwaqa me vaka na lovo, ia ko ira era sa qaciqacia, io, kei ira era dau caka ca, era na vaka na vu ni co; ia na siga sa roro mai ena vakamai ira, sa kaya na Turaga ni lewevuqa, ka na sega ni vakavoca vei ira na wakana se na tabana.

65 Ia, ena vakaoqo na kena isau ena sauma vei ira na Turaga:

66 Ena siga ko ya ni’u a lako mai vei ira na kai noqu, a sega ni dua vei kemudou e aciqomi au, ia dou sa vakasavi tani kina

67 Ni’u sa kaci tale, sa sega e dua me rogo mai; ia sa sega ni vakalekalekataki na aligaqu me’u sega kina ni rawa ni veivueti, se na noqu bkaukauwa me’u veisereki.

68 Raica, ena noqu veivunauci au sa avakadiva kina na wasawasa. Au sa vukica na uciwai me lekutu; a sa bona na kena ika, ka mate sara ena viagunu.

69 Au sa vakaisulutaka na lomalagi ena butobuto, ka ubia ena isulu taga.

70 Ia dou na rawata na ka aoqo mai na ligaqu—dou na koto sobu ga ena rarawa.

71 Raica, ka rogoca, sa sega e dua me sereki kemudou; ni dou a sega ni muria na domoqu ni’u sa kacivi kemudou mai lomalagi; dou a sega ni vakabauti ira na noqu tamata, ia ni ra sa atalai yani vei kemudou dou a sega ni ciqomi ira.

72 O koya, era sa adregata kina na ivakadinadina ka vauca vata na lawa ka dou sa soli yani ki na butobuto.

73 Ko ira oqo era na lako ki na butobuto e tautuba, na vanua ni atagi, kei na tagiyaso, kei na vakasequruquru bati.

74 Raica sa tukuna na veika oqo na Turaga na nomu Kalou. Emeni.