iVolanikalou
    Vunau kei na Veiyalayalati 72
    iVakamacala e botona e ra
    Theme

    Wase 72

    Na veika sa vakatakilai yani mai vei Josefa Simici na Parofita mai Katiladi, Oaio, ena 4 ni Tiseba, 1831. Era sa soqoni vata mai e vuqa na italatala qase kei na lewenilotu me ra vulica na nodra itavi ka vakatataki cake ena ivakavuvuli ni Lotu. Na iwase oqo e biu vata kina e tolu na ivakatakila ka ratou ciqomi vata ena dua na siga. Na tikina e 1 ki na 8 e vakatakilai kina na nona kacivi ko Niueli K. Witini me bisopi. Oti oya sa qai kacivi ka tabaki, ka sa qai ciqomi na tikina e 9 ki na 23, ka soli kina na ikuri ni itukutuku me baleta na nona itavi e dua na bisopi. Sa qai soli na tikina e 24 ki na 26, me idusidusi ni kena vakasoqoni vata ki Saioni.

    1–8, Me ra tukunikataka na italatala qase na itukutuku ni nodra veiqaravi, ki vua na bisopi; 9–15, Me na vakatawana na bisopi na lololo ka dau raici ira na dravudravua kei ira era vakaleqai tu; 16–26, Me ra vakadinadinataka na bisopi na kilikili ni nodra bula na italatala qase.

    1 Dou vakatudaliga, ka vakarorogo ki na domo ni Turaga, Koi kemudou sa soqoni vata mai, koi kemudou na abete levu ni noqu lotu, ka sa soli vei kemudou na bmatanitu kei na kaukauwa.

    2 Ni sa kaya dina vakaoqo na Turaga, sa kilikili vei au me lesi e dua na nomudou abisopi, se me dua vei kemudou, ki na lotu ena yasa ni nona were ni vaini oqo na Turaga.

    3 Ia sa dina sara ni dou sa lewa vakavuku ena veika oqo, ni sa gadreva na Turaga, ena ligadra kece sa adauveiqaravi, me ra tukunikataka na bitukutuku ni nodra cveiqaravi, me baleta na bula oqo kei na gauna tawamudu.

    4 Ia ko koya sa yalodina ka ayalomatua ena bula oqo ena kunei ni sa kilikili me na taukena na bitikotiko vakaturaga sa vakarautaki me baleti koya vei Tamaqu.

    5 Raica au sa kaya vakaidina vei kemudou, ko ira kece na italatala qase ni lotu ena yasa ni noqu awere ni vaini oqo, era na tukunikataka na itukutuku ni nodra veiqaravi ki vua na bisopi, kau na lesia ena yasa ni noqu were ni vaini oqo.

    6 Me na volai tu na veika kece oqo, ka me na qai laki soli ki vua na bisopi mai Saioni.

    7 Ka na vakatakilai na itavi ni abisopi ena ivakaro sa soli, ka vakakina ena domodra na lewenilotu ena koniferedi.

    8 Ia oqo, au sa kaya vakaidina vei kemudou, na noqu tamata ko aNiueli K. Witini sai koya me na lesi ka tabaki ki na kaukauwa oqo. Sai koya oqo na nona inaki na Turaga na nomudou Kalou, na nomudou Dauveivueti. Sa vakakina. Emeni.

    9 Sai koya dina oqo, na nona vosa na Turaga, me ikuri ni lawa sa soli oti, ka vakatakilai kina na itavi ni bisopi ka sa tabaki ki na lotu ena yasa ni were ni vaini oqo—

    10 Me vakatawana na nona alololo na Turaga; me dau ciqoma na isolisoli ena yasa ni were ni vaini oqo;

    11 Me taura na nodra itukutuku na italatala qase me vaka sa vakaroti oti e liu; me avakarautaka na veika era vinakata, ia era na sauma na veika ena soli vei ira, ena veigauna kece e tiko kina vei ira na kena isau;

    12 Na veika oqori me na vakatabui talega ki na iyau ni lotu, ki vei ira na dravudravua kei na vakaleqai.

    13 Ia ko koya sa asega ni tiko vua na ka me sauma kina, me na tauri e dua na kena itukutuku ka soli yani vua na bisopi e Saioni, o koya me na qai sauma na dinau ena veika ena biuta e ligana na Turaga.

    14 Ka vakakina na nodra cakacaka na yalodina o ira era sa cakacakataka na veika vakayalo, ena nodra cakacakataka na kosipeli kei na veika ni matanitu ki na lotu, ka vakakina ki vuravura, me isau ni dinau ki vua na bisopi e Saioni;

    15 Sa vakaoqo na kena sauma na lotu, me vaka sa tukuna na alawa ni tamata kecega sa lako yani ki Saioni sa dodonu me solia na veika kecega e taukena vua na bisopi e Saioni.

    16 Ia oqo, au sa kaya vakaidina vei kemudou, me vaka ni sa dodonu vei ira na italatala qase kecega ena yasa ni were ni vaini oqo me ra tukunikataka na itukutuku ni nodra veiqaravi vua na bisopi ena yasa ni were ni vaini oqo—

    17 E dua na aivolavakadei mai vua na turaganilewa se bisopi ena yasa ni were ni vaini oqo, ki vua na bisopi mai Saioni, era na ciqomi kina na tamata kecega, ka sai koya ga na ka e gadrevi, me nodra ivotavota, ka me ra ciqomi kina ni ra sa bdauveiqaravi yalomatua ka daucakacaka yalodina;

    18 Kevaka e sega, ena sega ni ciqomi koya na bisopi mai Saioni.

    19 Ia oqo, au sa kaya vakaidina vei kemudou, me ra na vakaturi mai na dua na isoqosoqo lotu se na veisoqosoqo lotu era a veiqaravi kina ko ira yadua na italatala qase era na mai soli itukutuku vua na bisopi ni lotu ena yasa ni were ni vaini oqo, me rawa ni vakadonui kina ko koya kei na nona itukutuku.

    20 Kei na dua tale, me soli talega vei ira na noqu tamata era lesi me ra qarava na veika e avolai ena noqu lotu me ra kaya ni dodonu me ra vukei mai vua na bisopi se mai vei ira na bisopi ena veika kecega—

    21 Me na tabaki kina na aivakatakila, ka tete yani ki na iyalayala kei vuravura; me ra rawata na ilavo me na yaga ki na lotu ena veika kecega;

    22 Me ratou gumatua tale ga ena veika kece me ratou vakadonui kina, ka me ratou okati me dauveiqaravi vinaka.

    23 Ia oqo, raica, me vakaoqori na kena ivakarau ena veitabana kecega ena noqu lotu, ena veivanua kecega ena tauyavu kina. Au sa tinia eke na noqu vosa. Emeni.

    24 E vica na vosa me ikuri ni lawa ni matanitu me baleti ira na lewenilotu—o ira era sa alesi mai na Yalo Tabu me ra lako cake ki Saioni, kei ira e nodra galala me ra lako cake ki Saioni—

    25 Me ra kauta yani vua na bisopi e dua na ivolavakadei mai vei iratou e lewe tolu na italatala qase ni lotu, se dua na ivolavakadei mai vua na bisopi;

    26 Kevaka e sega ena sega ni okati o koya ena lako cake yani ki na vanua ko Saioni me dauveiqaravi yalomatua. Oqo tale ga e dua na kena ivakarau e muri. Emeni.