iVolanikalou
    Vunau kei na Veiyalayalati 90
    iVakamacala e botona e ra
    Theme

    Wase 90

    Na ivakatakila vei Josefa Simici na Parofita, ka a soli mai Katiladi e Oaio, ena 8 ni Maji, 1833. Na ivakatakila oqo e tomani tiko ga kina na ikabakaba ni kena tauyavu na Mataveiliutaki Taumada (raica na ikau ni wase 81); ena vuku ni ivakatakila oqo erau a tabaki kina na daunivakasala ka a vakatakilai mai kina ena 18 ni Maji, 1833.

    1–5, Sa soli vei Josefa Simici na idola ni matanitu, ka na qai dewa yani mai vua ki na Lotu; 6–7, Me rau na veiqaravi ena Mataveiliutaki Taumada ko Sidini Rikitoni kei Veretariki G. Viliame; 8–11, Me vunautaki yani na kosipeli vei ira na kawa i Isireli, ko ira na Matanitu Tani kei ira na Jiu, ka me ra rogoca ena nodra dui vosa; 12–18, Sa itavi nei Josefa Simici kei rau na nona daunivakasala me ratou lewa vakavinaka na cakacaka ni Lotu; 19–37, Sa tau na ivakaro ni Turaga ki vei ira eso me ra lako vakadodonu ka veiqaravi ena Nona matanitu.

    1 Sa kaya vakaoqo na Turaga, e dina, e dina au sa kaya vei iko na luvequ, sa avosoti na nomu ivalavala ca me vaka na nomu kerekere, ni sa rogo cake mai ki daligaqu na nomu masu kei na nodra masu na wekamu.

    2 O koya, ko sa kalougata kina mai na gauna oqo ka lako yani, ni ko sa taura na aidola ni matanitu sa soli vei iko; io na bmatanitu sa mai tauyavu ena kena iotioti ni gauna oqo.

    3 Raica au sa kaya vakaidina vei iko, ena sega ni kau tani mai vei iko na idola ni matanitu oqo, ni ko sa tiko e vuravura, ka sega talega ena vuravura sa bera mai;

    4 Ia, ena qai dewa mai vei iko na aivakatakila ki vua e dua tale, io, vei ira ena lotu.

    5 Ia ko ira kecega sa ciqoma na ivakatakila ni Kalou, me ra aqarauna na ivakarau era taura kina me ra kakua kina ni raica vakamamada ni ra na cudruvi kina, ka ra na tarabe ka bale sobu ni sa cabe mai na cava, ka liwa na cagi, ka tau na buca, ka tabaka na nodra vale.

    6 Kei na dua tale, au sa kaya vakaidina vei rau ko Sidini Rikitoni kei Veretariki G. Viliame na wekamu, ni sa vosoti tale ga na nodrau ivalavala ca, raica erau sa okati me rau tautauvata kei iko ena kena tauri tu na idola ni iotioti ni matanitu oqo;

    7 Ka vakatalega kina ena nomu veiqaravi, na idola ni nodra akoronivuli na parofita, kau sa vakarota me tauyavutaki;

    8 Me ra tuberi kina me uasivi cake na nodra qarava na nodra itavi ena kena vakabulai ko Saioni, kei ira na kawa i Isireli, kei ira na Matanitu Tani, io ko ira kecega sa vakabauta;

    9 Ena nomu veiqaravi me ra na ciqoma kina na vosa, ia ena nodra veiqaravi me na qai tete yani kina na vosa ki na iyalayala kei vuravura, io ena aliu vei ira na bMatanitu Tani, ni oti koya, dou raica ka rogoca, ena qai gole yani vei ira na Jiu.

    10 Ia ena qai yaco na siga ena avakaraitaki mai kina na ligana na Turaga ena kaukauwa me ra vakabauta kina na veimatanitu, ko ira na veimatanitu tawa lotu, kei ira na mataqali i bJosefa, na kosipeli ni veivakabulai.

    11 Ni na qai yaco ena siga ko ya, era na arogoca kina na taucoko ni kosipeli ko ira na tamata kecega ena nodra vosa, kei na nodra ivosavosa, mai vei ira era sa btabaki ki na ckaukauwa oqo, ena nona veiqaravi na dDauveivakacegui, ka soli vei ira me ra vakatakilai Jisu Karisito kina.

    12 Ia oqo, au sa kaya vakaidina vei iko, au sa solia vei iko e dua na ivakaro mo ia tiko ga ena cakacaka ni akaulotu kei na mataveiliutaki.

    13 Ia ni ko sa vakadewataka oti na nodra ivola na parofita, mo qai aqarava na liutaki ni lotu kei na bkoronivuli;

    14 Ia ena veigauna eso, me vaka ena qai dau vakaraitaka tiko na Dauveivakacegui, mo na qai dau ciqoma na aivakatakila eso me tevuki kina na veika bvuni ni matanitu;

    15 Ia mo lewa vakavinaka na cakacaka ni lotu, mo avuli mo bkila ka, ka yaco mo kila na vei ivola vivinaka kecega, ka vakakina na civosavosa, na vosa, kei ira na tamata.

    16 Raica sa nomudou itavi ka nomudou ilesilesi ena vo ni nomudou bula, mo dou dau vakatulewa ena nomudou bose vata, ka lewa vakavinaka na cakacaka ni lotu kei na matanitu.

    17 Dou kakua ni amadua se taqaya; ia dou kakua tale ga ni dauyalolevu se bqaciqacia, ni na yaco me itatacori ni yalomu.

    18 Dou lewa vakavinaka na nomudou veivuvale; ia dou biuta tani sara mai vei kemudou na avucesa kei na veika bdukadukali.

    19 Oqo, au sa kaya vakaidina vei iko, me vakarautaki kusarawa na itikotiko ni vuvale nei Veretariki G. Viliame na nomu daunivakasala ka nomu vunivola, ena kena gauna totolo e rawa.

    20 Ia na qase ko aJosefa Simici Levu na noqu tamata, kei na nona vuvale, me ratou sa toka mada ga ena vanua eratou tiko kina oqo; ia me kakua mada ni volitaki me yacova ni sa vakarota na Turaga.

    21 Ia ko aSidini Rikitoni tale ga na noqu daunivakasala me tiko mada ga ena vanua sa tiko kina oqo, me yacova ni sa vakarota na Turaga.

    22 Ia me vakasaqaqara vagumatua ko koya na bisopi me kunea e dua na aitini, ia sa kilikili me tamata bvutuniyau—io me tamata ni Kalou, ka tudei ena vakabauta—

    23 Io me rawa kina ni sauma na dinau kece; raica me qarauni sara me kakua ni rogo ca na lololo ni Turaga e matadra na tamata.

    24 Dou vakasaqaqara avagumatua ka bdaumasu tiko ga ena vakabauta, ka na yaco me vinaka vei kemudou na veika ckece, kevaka dou sa lako vakadodonu ka muria na dveiyalayalati dou sa veiyalayalati kina vakataki kemudou.

    25 Ia ame kakua ni rui sivia na iwiliwili ni tamata ena nomudou matavuvale, vakabibi vei Josefa Simici Levu, na noqu tamata, oqo sa baleti ira era sega ni lewe dina ni nomudou matavuvale;

    26 Io me kakua ni soli na veika sa vakarautaki vei kemudou me qaravi kina na noqu cakacaka, vei ira sa sega ni kilikili—

    27 Ka me vakataotaki kina na nomudou qarava vakavinaka na cakacaka au sa vakaroti kemudou kina.

    28 Kei na dua tale, au sa kaya vakaidina vei iko, au sa lewa me soli na ilavo vei Viena Jekesa na noqu vada, me saumi kina na nona ilakolako, ka me lako cake ki na vanua ko Saioni;

    29 Ia na vo ni ilavo me qai vakatabui vei au, ia ena qai saumi vua ena gauna au sa lewa.

    30 Au sa kaya vakaidina vei iko, sa kilikili vei au me lako cake ko koya ki na vanua ko Saioni, ka ciqoma e dua na nona ivotavota vakawa mai na ligana na bisopi;

    31 Me na tiko kina ena vakacegu kevaka sa yalodina tiko ga, ka me kakua ni vakawelewele ena nona veisiga mai na gauna oqori ka lako yani.

    32 Ka raica, au sa kaya vakaidina vei iko, mo vola na ivakaro oqo, ka tukuna vei ira na wekamu mai Saioni, io mo kidavaki ira ena loloma, ka tukuna ni’u sa lesi iko mo avakatulewa talega e Saioni ena gauna au sa lewa.

    33 O koya, me ra kakua kina ni vakasosataki au tiko ena vuku ni ka oqo.

    34 Raica, au sa kaya vei iko era sa tekivu veivutuni na wekamu mai Saioni, ka ra sa reki vakalevu ena vukudra na agilosi.

    35 Ia, e vuqa na ka au sega ni marau kina; kau sega soti tale ga ni marautaki rau ko aViliame E. Makilelini kei Sidini Kilipati na noqu tamata; raica sa vakatale ga kina vua na bisopi, io sa vuqa na ka me ra veivutunitaka ko ira na kena vo.

    36 Ia koi Au na Turaga, au sa kaya vakaidina vei iko, au na veivala kei aSaioni, ka lewai ira na nona qaqa, io au na bcudruvi koya tiko me yacova ni sa vakamalumalumutaki koya ka sa csavasava e mataqu.

    37 Raica ena sega ni yavalati mai na nona tikina. Koi Au na Turaga au sa tukuna na ka oqo. Emeni.