iVolanikalou
Vunau kei na Veiyalayalati 53


Wase 53

Na veika sa vakatakilai vei Josefa Simici na Parofita me tukuni vei Alijanoni Sidini Kilipati, mai Katiladi, Oaio, ena 8 ni June, 1831. Ena nona kerekere o Sidini Kilipati, a vakatataro kina vua na Turaga na Parofita me baleta na cakacaka kei na ilesilesi nei Baraca Kilipati ena Lotu.

1–3, Sa tabaki ko Sidini Kilipati ena nona veikacivi kei na nona digitaki ena Lotu me italatala qase; 4–7, Sa soli tale ga vua na ilesilesi vakaitini vua na bisopi.

1 Raica, au sa kaya vei iko Sidini Kilipati na noqu tamata, niu sa rogoca na nomu masu; ia ko sa kerea vei au me vakaraitaki vei iko, mai vua na Turaga na nomu Kalou, me baleta na nomu ilesilesi kei na nomu adigitaki ena lotu, ka’u sa vakaduria cake koi au na Turaga ena veisiga e muri oqo.

2 Raica, koi Au na Turaga, au a alauvako ki na kauveilatai ena vuku ni ivalavala ca ni vuravura, ia au sa vakaroti iko mo bbiuta tani na ka vakavuravura.

3 Ia mo taura matua na noqu i lesilesi, io na i lesilesi vakaitalatala qase mo vunautaka kina na vakabauta kei na veivutuni, kei na avakabokoci ni ivalavala ca me vaka na noqu vosa, io kei na i solisoli ni Yalo Tabu ena veitabaki ni bliga;

4 Ia mo tudei tale ga ena ilesilesi avakaitini ena lotu ena vanua sa lesi iko kina na bisopi, me vaka na ivakaro ka na qai tukuni yani.

5 Io au sa kaya vakaidina vei iko, mo lako vata yani kei rau ko Josefa Simici Lailai kei Sidini Rikitoni na noqu tamata, ena nodrau ilakolako.

6 Raica oqo na imatai ni cakacaka vakalotu sa soli vei iko; ia na kena vo ena qai tukuni vei iko ni ko sa vakayacora vakavinaka tiko na nomu cakacaka ena noqu were ni vaini.

7 Raica au sa vinakata tale ga mo kila ni na vakabulai wale ga ko koya sa avosota me yacova na ivakataotioti. Io ena vakakina. Emeni.