iVolanikalou
    Vunau kei na Veiyalayalati 64
    iVakamacala e botona e ra
    Theme

    Wase 64

    Na veika sa vakatakilai yani mai vei Josefa Simici na Parofita me tukuni vei ira na italatala qase ni Lotu, mai Katiladi, e Oaio, ena 11 ni Sepiteba, 1831. Sa vakavakarau na Parofita me lako ki Airame, Oaio, me tosoya tale na nona vakadewataka na iVolatabu, ka sa mai tu vakawawa mada ni a tiko mai Misuri. Era sa maqusa tiko e dua na ilawalawa turaga era a vakaroti me ra lako ki Saioni (Misuri) me ra na cavutu ena Okotova. A ciqomi na ivakatakila ena gauna osooso oqori.

    1–11, Era sa vakaroti na Yalododonu me ra dauveivosoti vakai ira, kevaka e sega, ena tiko ga kei ira na ivalavala ca levu cake; 12–22, Me ra na kau mai ki na mataveilewai ni Lotu ko ira sa sega ni veivutuni; 23–25, Ko ira sa saumi ikatini, era na sega ni vakamai ena siga sa lako mai kina na Turaga; 26–32, Era sa vakasalataki na Yalododonu ena vuku ni dinau; 33–36, Era na muduki tani mai na vanua ko Saioni ko ira sa veisaqasaqa; 37–40, Ena lewai ira na veimatanitu na Lotu; 41–43, Ena seraka mai ko Saioni.

    1 Raica, sa kaya vakaoqo vei kemudou na Turaga na nomudou Kalou, Oi kemudou na italatala qase ni noqu lotu, dou vakarorogo ka rogoca, ka ciqoma na noqu lewa ena vukumudou.

    2 Niu sa kaya vakaidina vei kemudou, au sa lewa mo dou arawai vuravura; ia au na qai blomani kemudou.

    3 Era tu ena kemudou maliwa eso era sa ivalavala ca; ia au na kaya ga vakadua oqo vei kemudou, me baleta na noqu alagilagi, kei na nodra vakabulai na yalodra, au sa bvosota kina na nomudou ivalavala ca.

    4 Au na yalololoma sara vei kemudou, ni’u sa solia vei kemudou na matanitu.

    5 Ena sega ni kau tani mai vei Josefa Simici Lailai, na noqu tamata, na aidola ni veika vuni ni matanitu, ena kena ivakarau au sa tauyavutaka, ena nona bula taucoko, kevaka sa talairawarawa ki na noqu bveicakacaka vakalotu.

    6 Era tu eso era sa segata me ra kunea e dua na nona cala ka sega ni dua na kena inaki;

    7 E dina sa ivalavala ca ko koya; ia au sa kaya vakaidina vei kemudou, koi Au na Turaga, au sa avosota na nodra ivalavala ca ko ira era sa bvakatusa vei au na nodra ivalavala ca ka kerea me ra vosoti, io na ivalavala ca ka sega ni yaco kina na cmate.

    8 Ko ira na noqu tisaipeli ena gauna e liu, era dau segata me ra kunea na acala vei ira vakataki ira ka ra sega ni dau veivosoti vakataki ira e lomadra; ena vuku ni ka oqo era sa vakararawataki ka bvakanakuitataki sara kina.

    9 O koya, au sa kaya kina vei kemudou, ni sa dodonu mo dou aveivosoti vakataki kemudou; ni na tu me cudruvi mai vua na Turaga, ko koya sa sega ni bvosota na nona caka cala na wekana, ni sa tu ga vei koya na ivalavala ca e levu cake.

    10 Koi Au na Turaga, au na avosoti ira ga au via vosota, ia koi kemudou sa gadrevi mo dou bvosota na tamata kecega.

    11 Ka sa dodonu mo dou kaya e lomamudou—me alewa mada vei au vata kei iko na Kalou, ka sauma vei iko me vaka na nomu bivalavala.

    12 Ia ko koya sa sega ni veivutunitaka na nona ivalavala ca, ka sega ni vakatusa, mo dou kauta mai ki na alotu, ka cakava vua na veika sa tukuna vei kemudou na ivolanikalou, ena ivakaro se na ivakatakila.

    13 Ia oqo mo dou kitaka me vakalagilagi kina na Kalou—e sega ni baleta ni dou sega ni veivosoti, ka sega ni loloma, ia mo dou dodonu kina ena lawa, me kakua kina ni cudruvi kemudou ko koya na nomudou vunilawa—

    14 Au sa kaya vakaidina, mo dou kitaka na veika oqo ena vuku ni inaki oqo.

    15 Raica koi au na Turaga, au sa cudruvi rau ko Esera Buci ka a noqu tamata tu e liu, ka vakakina na noqu tamata ko Aisake Moli, ni rau sa sega ni maroroya na lawa, se na ivakaro;

    16 Erau sa segata na ivalavala ca e lomadrau, ia koi Au na Turaga, au sa kauta tani na Yaloqu. Erau sa avakacala me ivalavala ca na veika e sega ni ivalavala ca; ia au sa vosoti Aisake Moli na noqu tamata.

    17 Ka vakatalega kina na noqu tamata ko aEtuwate Patereji, raica, sa ivalavala ca ko koya, sa segata sara ko bSetani me vakarusai na yalona; ia ni sa vakatakilai vei ira na veika oqo, ka ra sa veivutunitaka na nodra ivalavala ca, era na vosoti.

    18 Ia oqo, au sa kaya vakaidina ni sa dodonu vei au me lesu tale na noqu tamata ko Sidini Kilipati, ni oti ga e vica na macawa, ki na nona bisinisi, kei na nona itavi vakaitini ena vanua ko Saioni;

    19 Ka me laki tukuna na veika sa raica ka rogoca kivei ira na noqu tisaipeli, me ra kakua kina ni rusa. Oqo na vuna au sa tukuna kina na veika oqo.

    20 Ka’u sa kaya tale vei kemudou, me kakua ni atemaki ko Aisake Moli na noqu tamata me sivia na veika e rawa ni taura, ka soli vua na ivakasala cala mo dou na leqa kina, Au a solia na ivakasala me volitaki na nona iteitei.

    21 E sega ni lomaqu me volitaka na nona vanua ni teitei ko Veretariki G. Viliame na noqu tamata, ni sa lomaqu, koi Au na Turaga, me dei toka mada na noqu lewa ena vanua ko Katiladi, ena loma ni lima na yabaki, au na sega ni vakarusai ira kina na dau caka ca, ia me rawa ni’u bau vakabula kina eso.

    22 Ia ni sa oti na siga ko ya, au na sega ni vakacala koi Au na Turaga, e dua sa alomana dina me lako ki na vanua ko Saioni; ni’u sa gadreva koi Au na Turaga, na byalodra na luve ni tamata.

    23 Raica sa vakatokai na gauna oqo me yacova ni sa alesu tale mai na Luve ni Tamata, me siga bedaidai, sa siga vakaidina sara ni csolibula, ka sa siga ni saumi ikatini ni noqu tamata; ni na sega ni dvakamai ko koya sa saumi eikatini ena gauna ena lako mai kina ko koya.

    24 Ni sa oti na siga edaidai, sa na yaco mai na siga ni aveivakamai—ia sa tukuni tiko oqo me vaka na kena ivalavala vua na Turaga—ni’u sa kaya vakaidina, ni mataka ko ira kece era sa bviavialevu, kei ira kece sa caka ca era na vaka na vu ni co; ka’u na vakamai ira, ni sai au na Turaga ni Lewevuqa; ka’u na sega ni laiva e dua vei ira sa vo tu mai cPapiloni.

    25 O koya kevaka dou sa vakabauti au, dou na cakacaka ni se vakatokai tiko me siga edaidai.

    26 Ka sa sega kina ni dodonu vei au me rau sa tei volitaka mada na nodrau asitoa kei na veika erau taukena eke koi rau na noqu tamata ko bNiueli K. Witini kei Sidini Kilipati; ni sega ni rai yalomatua oqori, me yacova na gauna era sa lako kece kina ki na vanua ko Saioni ko ira na vo ni lewenilotu era se tiko eke.

    27 Raica, sa tukuni ena noqu lawa, se sa vakatabui, mo adinau tu vei ira na nomu meca;

    28 Ia raica, e sa sega mada ni tukuni ena dua na gauna me kakua ni taura na Turaga na ka sa vinakata, ka sauma ena ka e dodonu vua.

    29 Ia, me vaka ni dou itini, dou sa vakaitavi kina ena cakacaka ni Turaga; ia na veika kecega dou sa vakayacora me vaka na nona inaki na Turaga sa nona cakacaka na Turaga.

    30 Sa lesi kemudrau ko koya mo drau qaravi ira na nona yalododonu ena veisiga e muri oqo, io me ra rawata kina na nodra aivotavota vakawa ena vanua ko Saioni.

    31 Ia raica, koi au na Turaga au sa kaya vei kemudou, ka sa dei na noqu avosa ka na sega ni tale bwale, ni ra na rawata vakaidina.

    32 Raica ena yaco na ka kecega ena kena gauna.

    33 O koya mo dou kakua kina ni aoca ena cakacaka vinaka, ni dou sa tura tiko na yavu ni dua na cakacaka cecere. Ia ena tubu mai ena veika blalai na veika cecere.

    34 Raica, sa agadreva na Turaga na byalo kei na vakasama sa vakarau tu; ia ko ira sa vakarau tu ka ctalairawarawa era na kania na veta ni vuata ena vanua ko Saioni ena veisiga mai muri.

    35 Ia ko ira sa adauveisaqasaqa era na bmuduki tani mai na vanua ko Saioni, ka ra na vakasavi tani, ka na sega na nodra tikina ena vanua koya.

    36 Niu sa kaya vakaidina, ko ira sa dauveisaqasaqa era sa sega ni dra i aIfireimi, o koya era na cavuraki laivi kina.

    37 Raica, koi Au na Turaga, au sa vakaduria na noqu lotu ena veisiga e muri oqo me vaka e dua na turaganilewa sa dabe ena dua na delana, se ena dua na vanua cecere, me lewai ira na veimatanitu.

    38 Ni na qai yaco ni ra na avakatulewa me baleta na veika kece e baleti Saioni ko ira na lewei Saioni.

    39 Io era na qai vakatakilai ira na daulasu kei na dauveivakaisini, ka ra na kilai talega o ira na aiapositolo kei na parofita vakailasu.

    40 Ka vakakina na abisopi, o koya na bturaganilewa, kei rau na nona daunivakasala, kevaka eratou sa sega ni yalodina tiko ena nodratou cveiqaravi eratou na cudruvi, ka ra na biu deso me sosomitaki iratou.

    41 Ia, raica au sa kaya vei kemudou, ena seraki koya ko aSaioni, ka na tiko kina na blagilagi ni Turaga;

    42 Ka na yaco me nodra adrotini na tamata, ia ena lako mai vua eso na tamata mai na veimatanitu kecega e rukui lomalagi.

    43 Ka na yaco mai na siga era na asautaninini kina na veimatanitu e vuravura ena vukuna, ka ra na rerevaki ira na lewena. Oqo na ka sa tukuna na Turaga. Emeni.