iVolanikalou
Vunau kei na Veiyalayalati 63


Wase 63

Na veika sa vakatakilai yani mai vei Josefa Simici na Parofita, mai Katiladi, Oaio, ena 30 ni Okosita, 1831. Eratou sa tadu yani ki Katiladi ena nodratou lesu mai na veisiko mai Misuri, na Parofita, Sidini Rikitoni kei Oliva Kaudari, ena 27 ni Okosita. E vakamacalataki ena itukutuku makawa kei Josefa Simici na ivakatakila oqo: “Ena veisiga taumada oqo ni Lotu, sa dau basika vakalevu na nanamaki me kilai na vosa ni Turaga ena veiulutaga kece sara e baleta na noda vakabulai; ia me vaka ni ka vakayago bibi duadua ena gauna oqo na vanua ko Saioni, au a vakatataro kina vua na Turaga me baleta eso tale na ikuri ni itukutuku me baleta na nodra vakasoqoni vata na Yalododonu, kei na voli ni qele, kei na veika tale eso.”

1–6, Ena yaco na siga ni veicudruvi vei ira na dau caka ca; 7–12, Sa soli na ivakatakilakila ni sa tu na vakabauta; 13–19, Era na cakitaka na vakabauta ko ira sa dauveibutakoci e lomadra ka ra na viritaki yani ki na drano bukawaqa; 20, Ia ko ira sa yalodina era na rawata e dua na ivotavota vakawa ena vuravura vakamataliataki oqo; 21, E se bera ni vakatakilai mai e dua na itukutuku taucoko ni veika a yaco ena Ulunivanua ni Veivakamataliataki; 22–23, Era na ciqoma o ira sa talairawarawa na veika vuni ni matanitu; 24–31, Me voli na qele me ivotavota vakawa mai Saioni; 32–35, Sa lewa na Turaga me yaco na veivaluvaluti, ia era na veivakamatei vakaira na tamata dau caka ca; 36–48, Me ra soqoni vata ki Saioni na Yalododonu ka soli ilavo me tara cake kina; 49–54, Sa vakadeitaki tu ni ra na vakalougatataki ko ira na yalodina, ena iKarua ni Lako Mai, ena Tucake Tale, ka vakakina ena Mileniumi; 55–58, Oqo na siga ni veivunauci; 59–66, Era sa cavuta walega na yaca ni Turaga ko ira era vakayagataka ni sega ni tu vei ira na kena dodonu.

1 Dou vakatudaliga, oi kemudou na noqu tamata, dou dolava na lomamudou ka vakarorogo mai na veivanua vakayawa; ka vakarorogo koi kemudou sa vakatokai kemudou me tamata ni Turaga, ka rogoca na vosa ni Turaga kei na nona lewa me baleti kemudou.

2 Io, au sa kaya vakaidina, dou rogoca na vosa nei koya sa cudruvi ira na dau caka ca kei ira sa aveisaqasaqa.

3 Ko koya sa lewa me kauti ira sa via akauta, ka maroroya tiko mai ko koya ena maroroya;

4 Ko koya sa tara cake ena nona lewa me vaka sa vinaka vua; ka vakarusa ena gauna e vinaka vua, ka sa rawa vua me kolotaka sobu na yalo ki eli.

5 Raica, koi au na Turaga, au sa vakarogoya na domoqu, ka me muri.

6 Ia, au sa kaya vakaidina, me ra vakarorogo na tamata caka ca, ka me ra rere ka sautaninini ko ira sa dauveisaqasaqa; ka me ra tarova na tebe ni gusudra na tawa vakabauta, ni na lako yani vei ira na asiga ni veicudruvi me vaka na bcovulaca, ka na ckila na tamata kecega ni sai Au na Kalou.

7 Ia ko koya sa vakasaqara na ivakatakilakila ena raica na aivakatakilakila, ia ena sega ni vakabulai kina.

8 Au sa kaya vakaidina vei kemudou, era tiko ena kemudou maliwa e so era sa via raica na ivakatakilakila, io era a sa tu sara ko ira oqo mai na ivakatekivu.

9 Ia, raica, sa sega ni yaco mai na vakabauta ena ivakatakilakila, ia na ivakatakilakila ena muri ira era sa vakabauta.

10 Io, na ivakatakilakila ena yaco mai ena avakabauta, e sega ena lewa ni tamata, se me vaka na veika era taleitaka, ia ena lewa ni Kalou.

11 Io, na ivakatakilakila ena yaco mai ena avakabauta, ena cakacaka e veivakurabuitaki, ni kevaka sa sega na vakabauta ena sega ni dua na tamata me vakamarautaka na Kalou; ia ko koya sa cudruva na Kalou sa sega ni marautaka; ia, sai ira oqori ena sega ni vakaraitaka kina na ivakatakilakila, na bcudruvi ga ka ra na ctotogitaki kina.

12 O koya au sa sega ni marautaki ira kina, koi Au na Turaga, ko ira vei kemudou era sa dau vakasaqara na ivakatakilakila kei na veika e veivakurabuitaki me ra qai vakabauta kina, ka sega me ra vinaka kina na tamata ka meu vakalagilagi kina koi au.

13 Ia, au sa solia na ivakaro, ka vuqa era sa gole tani mai na noqu ivakaro ka sega ni muria.

14 Era a tu ena kemudou maliwa na adautagane kei na dauyalewa; eso era sa gole tani mai vei kemudou, ka so era se tu ga vata kei kemudou, era na qai vakatakilai mai.

15 Me ra liaci ira mada ka veivutuni kusarawa ko ira oqori, de na qai tau vei ira na lewa me vaka na icori, ka na qai vakatakilai mai na nodra cala, ka na qai muri ira na nodra ivalavala e matadra na tamata.

16 Kau sa kaya vakaidina vei kemudou, me vaka au a sa tukuna oti, ko ira yadua sa araica na yalewa ka bdodomo kina, se kevaka e dua sa cdauveibutakoci e lomana, ena sega ni tiko vei koya na Yalo, io ena rere ka cakitaka na vakabauta.

17 O koya, au sa kaya kina koi Au na Turaga, ni ko ira sa arere, kei ira sa tawavakabauta, kei ira kece na dau blasulasu, kei ira kecega sa dau taleitaka ka cdau lasu, kei ira na dau cakava na cakacaka ni veidauci, kei ira na daucakaisausau, era na rawata na nodra tikina ena ddrano koya ka sa kama tu ena bukawaqa kei na sulifure, sai koya na eikarua ni mate.

18 Au sa kaya vakaidina, era na sega ni vakaturi cake, ena aimatai ni tucake tale.

19 Ia oqo raica, koi Au na Turaga, au sa kaya vei kemudou, dou sa sega ni avakadonui, ni sa tiko na ka oqo ena kemudou maliwa.

20 Ia ko koya sa avosota tiko ena vakabauta ka vakayacora tiko na lomaqu, sai koya oqori ena qaqa, ka na rawata e dua na bivotavota vakawa e vuravura, ni sa yaco mai na siga ni veivakamataliataki;

21 Ni sa avakamataliataki na bvuravura, me vaka na kena ivalavala sa vakaraitaki vei ira na noqu iapositolo mai na culunivanua; ia na kena itukutuku taucoko dou se bera ni ciqoma.

22 Ia oqo, au sa kaya vakaidina vei kemudou, me vaka au sa kaya ni’u na vakatakila vei kemudou na lomaqu, raica au na vakatakila vei kemudou, e sega ena ivakaro, ni sa lewe vuqa era sega ni dau segata me ra muria na noqu ivakaro.

23 Ia au na solia na veika avuni ni noqu matanitu vei koya sa muria na noqu ivakaro, io ena tu vei koya me vaka e dua na ivurevure ni bwai bula, ena ctovure tiko ki na bula tawavakaiyalayala.

24 Ia oqo, raica, sai koya oqo na nona inaki na Turaga na nomudou Kalou ena vukudra na nona yalododonu, me ra soqoni vata yani ki na vanua ko Saioni, me kakua ena vakusakusa, de na yaco me yakusurasura, ka dau kauta mai na mate dauveitauvi.

25 Raica, na vanua ko aSaioni—sa tu ena qeteqete ni ligaqu, koi Au na Turaga;

26 Ia, koi Au, na Turaga, au sa solia vei aSisa na ka sa nei Sisa.

27 Ia, au sa lewa koi au na Turaga mo dou volia na qele, mo dou kaukauwa kina e vuravura, me rawa kina ni dou kaya ni tu na nomudou ka e vuravura, me ra kakua kina ni vakayavalati me ra veicudruvi.

28 Ni sa vakauqeta na lomadra ko aSetani me ra cudruvi kemudou, ka me vakadavei kina na dra.

29 Ia, ena sega ni tauri wale na vanua ko Saioni ia ena voli ena ilavo se ena dra, kevaka e sega, sa na sega na nomudou ivotavota vakawa.

30 Ia kevaka sa voli ena ilavo, dou sa kalougata kina;

31 Ia kevaka ena tauri ena vakadave dra, me vaka ni sa vakatabui mo dou vakadavea na dra, raica, era na rawai kemudou kina na nomudou meca, dou na vakanakuitataki mai na dua na koro ki na dua tale na koro, mai na dua na valenilotu ki na dua tale na valenilotu, ka na lewe vica wale ga era na tu ka rawata e dua na tikina me nodra ivotavota vakawa.

32 Koi Au na Turaga, au sa cudruvi ira sa caka ca; Au na kauta tani na Yaloqu mai vei ira na lewei vuravura.

33 Au sa bubuluitaka ena noqu cudru, ka lewa me ia na aveivaluvaluti ena delai vuravura, io era na veivakamatei vakai ira na dau caka ca, ka na rere na tamata kecega;

34 Ia ko ira na ayalododonu ena dredre sara me ra dro bula; ia, koi Au na Turaga, au sa tiko vata kei ira, kau na blako sobu mai lomalagi mai na iserau nei Tamaqu ka tilomi ira na dau ccaka ca ena dbukawaqa tawaboko rawa.

35 Raica e sa bera tiko ni yaco na ka oqo, ia ena yaco vakaidina ga.

36 Ia, me vaka ni’u sa lewa koi au na Turaga na veika kece oqo e delai vuravura, au sa lewa kina me ra soqoni vata yani na noqu tamata ki na vanua ko Saioni;

37 Ia na tamata yadua me taura e ligana na ivalavala adodonu, ka vauca na tolodra ena yalodina, ka tabalaka cake na bdomo ni veivunauci vei ira na lewei vuravura; io me ra tukuna yani ena nodra vosa ka vakakina ena nodra sa dro tiko yani, ni sa voleka mai na cveivakarusai vei ira na dau caka ca.

38 Ia, ko ira na noqu tisaipeli mai Katiladi, me ra vakarautaka mada na ka e baleti ira, o ira era tiko ena were oqo.

39 Ia ko Taito Biligi na noqu tamata, ko koya sa qarava tiko, me volitaka yani na qele, ka vakarau me cavutu ena vula itubutubu me lako yani ki na vanua ko Saioni, vata kei ira era sa tawana tiko na were, me vakavo ga ko ira au sa lesia, me ra kakua mada ni lako me yacova na gauna au sa vakarota kina.

40 Ia me vakau na ilavo kece e vo, e sega ni dua na ka vei au kevaka e levu se lailai, io me vakau ki na vanua ko Saioni, vei ira ka’u sa lesia me ra ciqoma.

41 Raica koi Au na Turaga, au na solia vei Josefa Simici Lailai, na noqu tamata, na kaukauwa me rawa kina ni akila ena Yalo o ira me ra lako cake ki na vanua ko Saioni, kei ira na noqu tisaipeli me ra wawa tiko mai.

42 Me se tei taura toka mada ga ko Niueli K. Witini na noqu tamata na nona sitoa, se ena dua tale na kena vosa, na sitoa, me dua na gauna lekaleka.

43 Ia, me solia na ilavo kece e rawa ni solia, me vakau cake ki na vanua ko Saioni.

44 Raica, sa tu ga ena qeteqete ni ligana na ka kece oqori, me cakava ga ena dela ni yalomatua.

45 Au sa kaya vakaidina, me tabaki ko koya me itini vei ira na tisaipeli ka ra na tiko mai, ka me tabaki ki na kaukauwa oqori.

46 Ia oqo mo vakusakusa yani vata kei Oliva Kaudari na noqu tamata, ka sikovi ira na veitabanilotu, ka vakamacalataka na veika oqo vei ira. Raica, oqori na ka au sa lewa, me kumuni na ilavo me vaka ka’u sa vakarota.

47 Ko koya sa ayalodina tiko ga ka dauvosota, ena vakamalumalumutaki vuravura.

48 Ia ko koya sa vakauta yani na nona iyau ki na vanua ko Saioni, sa na rawata na nona aivotavota vakawa ena vuravura oqo, ia ena tauca na vua ni nona cakacaka, ka sa tu na kena isau vua ena vuravura sa bera mai.

49 Io sa kalougata na mate era sa amate ena vuku ni Turaga, mai na gauna oqo ka lako yani, me yacova ni sa lesu tale mai na Turaga, raica ena btakali yani na veika makawa, ka yaco me vou na ka kecega, io era na ctucake mai na mate ka sega ni dmate tale; ka ra na ciqoma mai vua na Turaga e dua na nodra ivotavota vakawa, ena koro tabu.

50 Ia ko koya sa bula tiko ena nona lesu mai na Turaga, ka sa tudei tu ena vakabauta, sa akalougata ko koya; ia ena qai bmate ga ni sa yacova na yabaki ni bula vakatamata.

51 Ia, ko ira na gone aera na btubu cake tiko me yacova ni ra sa qase; ia era na mate na tamata qase; ia era na sega ni moce ena kuvu ni soso, ia era na cvakamataliataki vakasauri me vaka na sauriva ni mata.

52 Ia, ena vuku ni inaki oqo era sa vunautaka kina na iapositolo ki vuravura na nodra tucake tale na mate.

53 Na veika oqo sai koya mo dou namaka tiko; ia, ena nona ivalavala ni vosa na Turaga, era sa avoleka sara mai, ena dua na gauna walega oqo, ia ena siga ena lako mai kina na Luve ni Tamata.

54 Ia me yacova na auwa koya era na tu na agoneyalewa savasava ka lialia ena kedra maliwa na vuku; ia ena auwa koya ena yaco kina na nodra tawasei vakadua na buladodonu mai vei ira na dau caka ca; ia ena siga koya au na tala kina na noqu agilosi me btomiki ira na dau caka ca ka viritaki ira ki na bukawaqa tawaboko rawa.

55 Ia oqo raica, au sa kaya vakaidina vei kemudou, koi Au na Turaga, au sega ni marautaka na noqu tamata ko aSidini Rikitoni; sa bvakalevulevui koya e lomana, ka sega ni ciqoma na ivakasala, ia sa vakararawataka na Yalo;

56 Sa sega ni vakadonuya na Turaga na veika sa avola, ka me cakava tale e dua; ia kevaka ena sega ni ciqoma na Turaga, raica sa na sega tale ni tu ena ilesilesi au sa lesi koya kina.

57 Kei na dua tale, au sa kaya vakaidina vei kemudou, ko aira era gadreva e lomadra ena yalomalua, me ra bvunauci ira na ivalavala ca me ra veivutuni, me ra na tabaki ki na kaukauwa oqo.

58 Ni oqo na siga ni veivunauci, ka sega ni siga ni veivosaki vakalevu. Ni koi Au na Turaga, meu na kakua ni vakalialiai ena veisiga e muri.

59 Raica, Au sa lako mai cake, ia na noqu kaukauwa sa tu talega e ra. Io au sa lewa na ka kecega, ka tiko ena ka kecega, ka curuma na ka kecega, ka avakadikeva na ka kecega, ia ena yaco mai na gauna ena vakarorogo kina vei au na ka kecega.

60 Raica, koi au na aAlifa kei na Omeka, io ko Jisu Karisito.

61 Ia, me ra qarauna na tamata kecega na ivakarau ni nodra cavuta mai tebenigusudra na ayacaqu

62 Ia raica, au sa kaya vakaidina, e lewe vuqa sara era na cudruvi ena ka oqo, o ira era sa cavuta na yaca ni Turaga, ka cavuta wale ga, ni sega tu vei ira na kena dodonu.

63 Ia, me ra veivutunitaka na nodra ivalavala ca na isoqosoqo lewe ni lotu, io koi Au na Turaga au na qai vakadonui ira; kevaka e sega, era na muduki tani.

64 Mo dou nanuma tiko ni sa ka atabu na veika mai cake, sa dodonu me qarauni na kena bcavuti, ka me veidusimaki kina na Yalo; a ka oqo ena sega kina na cudruvi, ia dou na rawata na Yalo cena nomudou masumasu; ia kevaka e sega, ena sega ni oti na cudruvi.

65 Me rau qara mada e dua na nodrau vale ko Josefa Simici Lailai kei Sidini Rikitoni na noqu tamata, io me vaka sa vakatakila vei rau na Yalo ena nodrau amasu.

66 Na veika oqo ena tu me rawai ena dauvosota, me rawa kina vei ira era rawata me ra ciqoma e dua na alagilagi levu ka tawamudu, kevaka e sega, e dua na cudruvi levu. Emeni.