iVolanikalou
Vunau kei na Veiyalayalati 108


Wase 108

Na ivakatakila sa soli yani mai vei Josefa Simici na Parofita, mai Katiladi e Oaio, ena 26 ni Tiseba 1835. A ciqomi na iwase oqo ena nona kerekere o Laimeni Simani, ka se qai tabaki walega me lewe ni vitusagavulu, a lako vua na Parofita ena nona kerea e dua na ivakatakila me vakatakilai vua na nona itavi.

1–3, Sa vosoti na ivalavala ca nei Laimeni Simani; 4–5, Sa na okati vata kei ira na italatala qase liu ena Lotu; 6–8, Sa kacivi me vunautaka yani na kosipeli ka vaqaqacotaki ira na wekana.

1 Sa kaya vakaidina vakaoqo vei iko na Turaga, Laimeni na noqu tamata: Sa vosoti na nomu ivalavala ca, ni ko sa talairawarawa ki na domoqu ena nomu lako cake mai ki ke ena mataka oqo mo vakasalataki mai vei koya au sa lesia.

2 O koya, me vakacegu kina na ayalomu ena vuku ni ituvaki ni nomu bula vakayalo, ka kakua tale ni saqata na domoqu.

3 Ia mo tucake sara ka qaqarauni vinaka me tekivu oqo ka lako yani ena nomu rokova tiko na nomu yalayala ko sa cakava oti, ia ko a cakava dina, ko na qai vakalougatataki ena veivakalougatataki e vakaitamera.

4 Mo wawa ka vosota ga me yacova ni sa kacivi na asoqoni tabu mai vei ira na noqu tamata, ko na qai okati vata kei ira na noqu italatala qase liu, ka ciqoma eso na dodonu ena veitabaki vata kei ira na vo ni noqu italatala qase kau sa digitaka.

5 Raica oqo na ka sa ayalataka vei iko ko Tamaqu, kevaka ko sa yalodina tiko ga.

6 Ia ena vakayacori vakaidina vei iko ena gauna ko ya ko sa na lesi kina mo avunautaka na noqu kosipeli ena veivanua kecega au na talai iko kina, me tekivu oqo ka lako yani.

7 O koya, mo avakauqeti ira kina na wekamu ena nomu vosa kecega, na nomu masumasu kecega, na nomu vunau kecega, kei na nomu ivalavala kecega.

8 Ia raica, ka rogoca, au na tiko vata kei iko me’u vakalougatataki iko ka asereki iko me sega ni mudu. Emeni.