iVolanikalou
Vunau kei na Veiyalayalati 18


Wase 18

Na ivakatakila vei Josefa Simici na Parofita, Oliva Kaudari, kei Tevita Witima, soli e Feieti, Niu Ioka, June 1829. Me vaka e tukuna na Parofita, a kilai kina mai na ivakatakila oqo “na nodra kacivi na iapositolo le tinikarua ena veisiga e muri oqo, ka vakakina na idusidusi e veiwekani kei na kena tarai cake na Lotu.”

1–5, E vakaraitaka na ivolanikalou na ivalavala ni kena tarai cake na Lotu; 6–8, Sa qai ca vakalevu ga ko vuravura; 9–16, Sa ka talei ena mata ni Kalou na yalo; 17–25, Me rawa na veivakabulai, sa dodonu me vakabauta na tamata na yacai Karisito; 26–36, Sa vakatakilai na veikacivi kei na itavi ni Le Tinikarua; 37–39, Me rau vakasaqarai iratou na Le Tinikarua ko Oliva Kaudari kei Tevita Witima; 40–47, Me rawa na veivakabulai sa dodonu me veivutuni, papitaiso ka muria na vunau na tamata.

1 Ia oqo, raica, me baleta na veika ko sa gadreva mo kila mai vei au ko iko, Oliva Kaudari na noqu tamata, au sa tukuna kina vei iko na veivosa oqo:

2 Raica, au sa dau vakatakila vei iko, mai na Yaloqu ena vuqa sara na ka, ni veika ko sa vola era adina; o koya ko sa kila ni sa dina.

3 Ia kevaka ko kila ni sa dina, raica, au sa solia vei iko e dua na ivakaro, mo vakanuinui ki na veika sa avolai tu;

4 Raica era sa volai tu kina na veika oqo me baleta na yavu ni noqu lotu, noqu akosipeli, kei na noqu buluvatu.

5 O koya, kevaka ko sa tara cake na noqu lotu, ena yavu ni noqu kosipeli kei na noqu uluvatu, ena sega ni rawai iko na matamata ki eli.

6 Raica, sa qai ca vakalevu sara ko avuravura ena caka cala; sa dodonu me ra vakayavalati na luve ni tamata me ra veivutuni, ko ira na bMatanitu tani ka vakatalega kina na mataqali i Isireli.

7 Raica, me vaka ko sa apapitaisotaki ena ligai Josefa Simici Lailai, na noqu tamata, me vaka au sa vakarota vua, io sa vakayacora tiko ko koya na veika au sa vakaroti koya kina.

8 Ia oqo, kakua ni kurabui niu sa kacivi koya ki na noqu inaki, na inaki ka kilai vei au; raica, ia kevaka sa agumatua ni bmuria tiko na noqu ivakaro ena cvakalougatataki ena bula tawamudu; ka na yacana ko dJosefa.

9 Ia oqo, Oliva Kaudari, Au sa kaya vei iko, ka vakatalega kina o Tevita Witima, ena sala ni veivakaroti; ia, raica, au sa vakaroti ira na tamata kecega ena veivanua kecega me ra veivutuni, ia au sa kaya vei iko, me vaka ga vei Paula na noqu aiapositolo, me vaka ni ko sa kacivi ena veikacivi vata ga ko ya ka a kacivi kina ko koya.

10 Nanuma tiko ni sa ka atalei ena mata ni Kalou na byalo ni tamata;

11 Ia, raica, na Turaga na nomudou aDauveivueti sa mai bmate vakayago; o koya sa mai ccolata kina na nodra drarawa na tamata kecega, me rawa vei ira na tamata kecega na veivutuni ka lako mai vua.

12 Ka sa atucake tale mai na mate, me rawa ni kauti ira kece mai na tamata ki vua, ena ivakarau ni bveivutuni.

13 Ka sa na levu vakaidina na nona amarau ena yalo sa veivutuni!

14 O koya, ko sa kacivi kina mo avunautaka na veivutuni vei ira na tamata oqo.

15 Ia kevaka sa yaco mo drau cakacaka tiko ena nomudrau bula taucoko ena vunautaki ni veivutuni vei ira na tamata oqo, ka kauta mai e dua mada ga na ayalo kivei au, sa na vuabale sara na nomudrau marau vata kei koya ena matanitu i Tamaqu!

16 Ia oqo, kevaka sa vuabale na nomudrau marau ena dua na yalo drau sa kauta mai vei au ki na amatanitu i Tamaqu, sa na vakacava na levu ni nomudrau bmarau kevaka drau sa ckauta mai e levu na yalo kivei au!

17 Raica, sa tiko vei kemudrau na noqu kosipeli, kei na noqu uluvatu, kei na noqu aveivakabulai.

18 aKerea na Tamada ena byacaqu ena vakabauta, kei na vakanuinui ni na soli vei kemudrau, ka na soli vei kemudrau na Yalo Tabu, ka sa vakatakila na veika kecega ka na cganita vei ira na luve ni tamata.

19 Ia kevaka sa sega vei kemudrau na avakabauta, binuinui, kei na cloloma uasivi, drau na sega ni rawata e dua na ka.

20 Drau kakua ni aveileti kei na dua tale na matalotu, ia na blotu ga ni tevoro.

21 Mo drau taura na ayacai Karisito, ka bvunautaka cvakadodonu na dina.

22 Ia ko ira kecega sa veivutuni ka apapitaisotaki ena yacaqu, sai Jisu Karisito, ka bvosota me yacova na ivakataotioti, sai ira era na vakabulai.

23 Raica, sai Jisu Karisito duadua ga na ayaca sa solia ko Tamada, ka ni sa sega sara tale e dua na yaca e soli me ra bula kina na tamata;

24 Raica, na tamata kece sa dodonu me ra taura na yaca sa solia ko Tamaqu, ia na yaca ga oqori era na kacivi kina ena siga mai muri;

25 Raica, kevaka era sa sega ni kila na ayaca era sa kacivi kina, ena sega na nodra tikina ena bmatanitu i Tamaqu.

26 Ia oqo, raica, e so tale era a kacivi me ra vunautaka na noqu kosipeli, vei ira ruarua na aMatanitu tani kei ira na Jiu;

27 Io, e lewe tinikarua; ia na aTinikarua eratou na noqu tisaipeli, ka ratou na taura vei iratou na yacaqu; io ko iratou na Tinikarua sai ira ka ra gadreva me ra taura na byacaqu ena lomadra taucoko.

28 Ia kevaka eratou sa via taura na yacaqu ena lomadratou taucoko, eratou sa kacivi me ratou lako ki avuravura taucoko ka vunautaka na noqu bkosipeli vei ira ckecega na tamata.

29 Ka sai ira era sa tabaki mai vei au me ra aveipapitaisotaki ena yacaqu, me vaka na kena icakacaka sa volai tu;

30 Ia sa tu oqori vei kemudou na veika kece sa volai; raica, sa dodonu mo vakayacora na cakacaka oqo me vaka na kena vosa sa volai tu.

31 Ia oqo au sa vosa vei kemudou, na le aTinikarua—Raica, na noqu loloma soli wale sa rauti kemudou; mo dou lako vakadodonu e mataqu, ka kakua ni ivalavala ca.

32 Ia, raica, sai kemudou sa tabaki mai vei au mo dou atabaki ira na bete kei na ivakavuvuli; mo dou vunautaka na noqu kosipeli, me bvaka na kaukauwa ni Yalo Tabu ka sa tiko vei kemudou, me vaka na cveikacivi kei na isolisoli ni Kalou ki na tamata;

33 Ia koi Au, ko Jisu Karisito, na nomudou Turaga ka nomudou Kalou sa kaya na veika oqo.

34 Na avosa kece oqo era sa sega ni vu mai na tamata se vakatamata, ia sa mai vei au; o koya, mo dou vakadinadinataka ni ra sa mai vei au ka sega mai vua na tamata;

35 Ni sa adomoqu ka vosataka vei kemudou; ni ra sa soli vei kemudou ena Yaloqu, ia mai na noqu kaukauwa dou na rawa ni wilika kina vei ira tale eso; ka dou na sega sara ni rawata me tiko vei kemudou kevaka e sega na noqu kaukauwa;

36 O koya, dou sa rawa ni avakadinadinataka ni dou sa rogoca na domoqu, ka kila na noqu vosa.

37 Ia oqo, raica, au sa solia vei iko, Oliva Kaudari, kei iko talega Tevita Witima, mo drau vakasaqarai ira mai na Tinikarua, ka na tiko vei ira na gagadre ni veika au sa tukuna;

38 Ia mai na nodratou gagadre kei na nodratou acakacaka drau na kilai iratou kina.

39 Ia ni drau sa kunei iratou, mo drau vakaraitaka na veika kece oqo vei iratou.

40 Ka mo dou qai tekiduru sobu ka aqaravi Tamada ena yacaqu.

41 Ia e dodonu mo vunau ki vuravura, ka kaya: Sa dodonu mo dou veivutuni ka papitaiso, ena yacai Jisu Karisito;

42 Ni sa dodonu me ra veivutuni ka papitaiso na tamata kecega, sega ni turaga wale ga, ia na marama, kei ira na gone era sa yacova na yabaki ni asaumi taro vakai ira.

43 Ia oqo, ni ra sa taura na veika oqo, me ra muria sara na noqu aivakaro ena ka kecega;

44 Ia mai na ligamudrau, Au na cakava kina e dua na cakacaka aveivakurabuitaki ena kedra maliwa na luve ni tamata, me ra bkila kina na nodra ivalavala ca, me ra veivutuni kina, ka rawata na matanitu i Tamaqu.

45 O koya, na veivakalougatataki kau na solia vei kemudrau sa auasivita na veika kecega.

46 Ia ni drau sa ciqoma oqo, kevaka drau sa sega ni amuria na noqu ivakaro, drau na sega ni rawata na bula ena matanitu i Tamaqu.

47 Raica, koi Au, ko Jisu Karisito, na nomudrau Turaga ka nomudrau Kalou, ka nomudrau Dauveivueti, ena kaukauwa ni noqu Yalotabu sa tukuna na veika oqo. Emeni.