1 Na ivakarau ni nodratou ^alesi ira na bete kei na ivakavuvuli ko iratou na tisaipeli, ka ratou a vakatokai na ^bitalatala qase ni lotu—

2 Ni ratou sa masuta oti na Tamada ena yaca i Karisito, eratou sa tabaka na uludra e ligadratou ka kaya:

3 Ena yacai Jisu Karisito au sa tabaki iko kina mo bete (ia kevaka me ivakavuvuli, au sa tabaki iko kina mo ivakavuvuli) mo vunautaka na veivutuni, kei na ^avakabokoci ni ivalavala ca ena vuku i Jisu Karisito, ena vosota ena vakabauta na yacana me yacova na ivakataotioti. Emeni.

4 A sa vakaoqo na ivakarau ni nodratou ^atabaki na bete kei na ivakavuvuli, me vaka na ^bisolisoli kei na veikacivi ni Kalou vei ira na tamata; eratou sa tabaki ira ena ^ckaukauwa ni Yalo Tabu sa tiko vei iratou.