Vunau kei na Veiyalayalati 112
    Footnotes

    Wase 112

    Na ivakatakila sa soli yani mai vei Josefa Simici na Parofita ki vei Tomasi B. Masi mai Katiladi, Oaio, ena 23 ni Julai 1837, me baleti iratou na iApositolo Le Tinikarua ni Lami. A ciqomi na ivakatakila oqo ena imatai ni siga erau vunautaka kina na kosipeli mai Igiladi o rau o Elder Iba C. Kimiboli kei Osoni Aidi. A peresitedi tiko ni Kuoramu ni iApositolo e Le Tinikarua ko Tomasi B. Masi ena gauna ko ya.

    1–10, Me ratou vunautaka yani na kosipeli ka laveta na domo ni veivakasalataki vei ira na tamata kecega ena veimatanitu ko iratou na Le Tinikarua; 11–15, Me ra colata na nodra kauveilatai ka muri Jisu, ka vakania na Nona sipi; 16–20, Ko koya sa ciqomi iratou na Mataveiliutaki Taumada sa ciqoma na Turaga; 21–29, Sa ubia tu na vuravura na butobuto, ia era na vakabulai wale ga ko ira sa vakabauta ka papitaisotaki; 30–34, Sa tu vei iratou na Mataveiliutaki Taumada kei na Tinikarua na idola ni itabagauna ni taucoko ni gauna.

    1 Sa kaya vakaidina vakaoqo na Turaga vei iko Tomasi na noqu tamata: Au sa rogoca na nomu masu; ia na nomudou soli ka ni loloma sa lako cake mai vei au meu dau ananuma tiko, ena vukudra na wekamu, era a digitaki me ra vakadinadinataka na yacaqu ka bkauta yani ki na veivanua tani vei ira na veimatanitu, veimataqali, duivosavosa, kei ira na tamata, ka tabaki mai vei ira na noqu tamata.

    2 Au sa kaya vakaidina vei iko, e vica na ka e tu e lomamu ka tu vei iko, au sega ni taleitaka koi Au na Turaga.

    3 Ia me vaka ni ko sa avakamalumalumutaki iko ko na vakacerecerei; o koya, sa vosoti kece kina na nomu ivalavala ca.

    4 Me amarau na lomamu e mataqu; ka mo tukuna yani na yacaqu, sega walega vei ira na bMatanitu Tani, ia vei ira talega na cJiu; ko na vunautaka yani na noqu vosa ki na iyalayala kei vuravura.

    5 Mo dau aveivosakitaka, ena veimataka; kei na veisiga, me lako yani na domo ni bveivunauci; ia ni sa bogi mai mo ia tiko ga na vunau me vakayadrati ira na tamata.

    6 Ia me kilai mai Saioni na nomu itikotiko, io mo kakua ni atoki tani mai na nomu vale; raica koi Au na Turaga, au sa vakarautaka e dua na cakacaka levu mo cakava, mo vunautaka yani na yacaqu vei ira na luve ni tamata.

    7 O koya, mo avakadreta na ivau ni tolomu me baleta na cakacaka oqo. Me vakaivava tale ga na yavamu, ni ko sa digitaki ko iko, ka sa koto na nomu sala ena veiulunivanua ni veimatanitu.

    8 Ia ena nomu vosa era na avakalolovirataki kina e vuqa na ka cecere, kei na nomu vosa era na vakacerecerei kina e vuqa na ka lolovira.

    9 Na domomuni era na vunauci kina na dau talaidredre; io na nomuni veivunauci sa muduka kina na nona vosa vakacaca na yame daukakase.

    10 Mo ayalomalumalumu; ena tuberi iko e ligamu na Turaga na nomu Kalou, ka sauma vei iko na nomu masu.

    11 Au sa kila na lomamu, ka rogoca na nomu masu ena vukudra na wekamu. Mo kakua ni alomani iratou vakalevu cake mai vei ira na kena vo, ia mo lomani ira kecega me vaka ko sa lomani iko; mo lomana vakatautauvata na tamata kecega; kei ira kecega sa vakabauta na yacaqu.

    12 Ka dau masulaki iratou na wekamu na Le Tinikarua. Mo vunauci iratou vakaukauwa ena vuku ni yacaqu, me ratou vunauci ena vuku ni nodratou ivalavala ca kece sara, ka mo yalodina tiko ga vei au kei na ayacaqu.

    13 Ia ni sa oti na nodra avakatovolei, kei na nodra bvakararawataki, raica, koi Au na Turaga, au na qai lako yani vei iratou ka vakataudeitaki iratou, ia kevaka eratou na sega ni vakaukauwataka na lomadratou, ka vakadomoqataki iratou vei au, eratou na csaumaki mai, ka’u na vakabulai iratou.

    14 Oqo, au sa kaya vei iko, ia na veika au sa kaya vei iko, au sa kaya talega vei iratou taucoko na Le Tinikarua: Tucake ka vakadreta na ivau ni tolomu, colata na nomu akauveilatai, muri au, ka bvakania na noqu sipi.

    15 Dou kakua ni vakalevulevui kemudou; dou kakua ni avorati Josefa na noqu tamata; niu sa kaya vakaidina vei kemudou, Au na tiko ga kei koya, ka na vakarurugi koya na ligaqu; ia na bkaukauwa kei na lewa au sa solia vua, ka vakakina vei kemudou, ena sega ni kau tani mai vua me yacova ni’u sa lesu tale mai.

    16 Au sa kaya vakaidina vei iko, I Tomasi na noqu tamata, sai iko na tamata au sa digitaka mo taura na idola ni noqu matanitu, ena vuku ni Le Tinikarua, ki veivanua tani ena veimatanitu kecega—

    17 Mo noqu tamata ena kena dolavi na katuba ni matanitu ena veivanua kece eratou na sega ni rawa ni lako kina na noqu tamata ko Josefa, kei na noqu tamata ko aSidini, kei na noqu tamata ko bAirame;

    18 Niu sa vakacolata vei iratou na cakacaka ni veisoqosoqo ni lotu kecega ena loma ni dua na gauna lekaleka.

    19 Ia, mo lako ki na vanua kecega eratou sa talai iko kina, raica au na sala vata tiko kei iko; ia na veivanua kecega ko sa vunautaka kina na yacaqu ena adolavi kina vei iko e dua na katuba, me ra ciqoma kina na noqu vosa.

    20 Ko koya sa aciqoma na noqu vosa sa ciqomi au, ia ko koya sa ciqomi au, sa ciqomi iratou, na Mataveiliutaki Taumada, au sa tala yani, ko iratou ka’u sa digitaka me ratou nomuni daunivakasala ena vuku ni yacaqu.

    21 Kei na dua tale, au sa kaya vei kemudou, ko koya dou sa tala ena vuku ni yacaqu, ena nomudou domovata na Le aTinikarua, sa vakaturi ka bvakadonui ena kena ivalavala dodonu mai vei kemudou, sa na tu vua na kaukauwa me dolava na katuba ni noqu matanitu ki na veimatanitu kecega dou sa talai koya kina—

    22 Kevaka era sa vakayalomalumalumutaki ira vei au, ka muria na noqu vosa, ka avakatudaligadra ki na domo ni Yaloqu.

    23 E dina, e dina au sa kaya vei kemudou, sa ubi vuravura na abutobuto, ia na butobuto loaloa ena nodra vakanananu na tamata, ka sa bca kina na tamata kecega e mataqu.

    24 Raica, ena yaco kusarawa na siga ni aveisausaumi vei ira na lewei vuravura, e dua na siga ni veicudruvi, na siga ni vakamakama, na siga ni rarawa, na siga ni btagi, na tagiyaso, kei na lele; ia ena lako sobu mai me vaka na covulaca ki na delai vuravura taucoko, sa kaya na Turaga.

    25 Ia ena atekivu ena noqu vale, ka na qai tete yani mai na noqu vale, sa kaya na Turaga;

    26 Ena taumada vei ira vei kemudou, sa kaya na Turaga, era atusanaka ni ra kila na yacaqu ka qai sega ni bkilai au, ka cvosa vakacacataki au ena kedra maliwa na noqu lewe ni matavuvale, sa kaya na Turaga.

    27 O koya, mo dou raica kina mo dou kakua ni lomaocaocataka na veika ni noqu lotu ena vanua oqo, sa kaya na Turaga.

    28 Ia dou avakasavasavataka na lomamudou e mataqu; ka mo dou blako yani ki vuravura taucoko ka vunautaka na noqu kosipeli vei ira na tamata kecega era se bera ni ciqoma;

    29 Ia ko koya sa avakabauta ka bpapitaiso ena vakabulai, ia ko koya sa sega ni vakabauta, ka sega ni papitaiso, ena ccudruvi.

    30 Ni sa soli vei kemudou, na Le aTinikarua, kei iratou, na bMataveiliutaki Taumada, ko iratou eratou sa lesi me ratou nomudou daunivakasala ka iliuliu, na kaukauwa ni matabete oqo, ena veisiga mai muri kei na iotioti ni gauna, sai koya na citabagauna ni taucoko ni gauna,

    31 Na kaukauwa vata oqo sa tu vei kemudou, vata kei ira kece era sa ciqoma oti e dua na itabagauna ena dua ga na gauna me tekivu mai na gauna ni veibuli;

    32 Niu sa kaya vakaidina vei kemudou, na aidola ni itabagauna dou sa ciqoma, sa bvakadewataki sobu mai vei ira na qase, io me kena ilutua sa isolisoli mai lomalagi vei kemudou.

    33 Au sa kaya vakaidina vei kemudou, raica na kena cecere na nomudou ilesilesi. Dou avakasavasavataka na lomamudou kei na nomudou isulu, ia kevaka e sega, ena btarogi vei kemudou na nodra dra na itabatamata oqo.

    34 Mo dou yalodina tiko ga me yacova ni’u sa lesu tale mai, ni’u na alako kusarawa mai; ka sa noqu itavi me’u sauma vei ira na tamata kecega me vaka na nodra bivalavala. Koi au na Alifa kei na Omeka. Emeni.