Vunau kei na Veiyalayalati 57
    Footnotes

    Wase 57

    Na veika sa vakatakilai yani mai vei Josefa Simici na Parofita, mai Saioni, ena yasayasa vaka-Jekesoni e Misuri, ena 20 ni Julai, 1831. Me muri na ivakasala ni Turaga me ra lako ki Misuri, na vanua ena laki vakatakila kina ko Koya “na vanua ka sa nomudou ivotavota vakawa” (wase 52), era sa lako yani kina na italatala qase ena ilakolako mai Oaio ki na iyalayala ena ra kei Misuri. E vakasamataka o Josefa Simici na kedra ituvaki na Leimanaiti ka vakataroga: “Ena qai se ni naica na lekutu me vaka na rosi? Ena tara ni naica ko Saioni ena kena lagilagi, ka na tara evei na Nomuni valetabu me ra na lako mai kina na veimatanitu ena veisiga mai muri?” Sa qai vakatakilai kina vua na veika oqo.

    1–3, Ena tara na Koro ko Saioni kei na valetabu ena vanua ko Inidipenideni mai Misuri; 4–7, Me ra voli qele na Yalododonu ka me nodra ivotavota vakawa na veivanua mai kea; 8–16, Me vakaduria e dua na sitoa ko Sidini Kilipati, me dautabaivola ko Viliame W. Felepi ia, ko Oliva Kaudari me vakarautaka na itukutuku me tabaki.

    1 Vakatudaliga, Oi kemudou na italatala qase ni noqu lotu, sa kaya na Turaga na nomudou Kalou, koi kemudou kece dou sa vakasoqoni kemudou vata mai me vaka na noqu ivakaro, ena vanua oqo, na vanua ko aMisuri, na bvanua au sa lesia ka cvakatabuya me ra dsoqoni vata mai kina na yalododonu.

    2 Ia, sai koya oqo na vanua yalataki, io na avanua me tara kina na koro ko bSaioni.

    3 Ka sa kaya vakaoqo na Turaga na nomudou Kalou, kevaka dou vinakata na yalomatua, sai koya oqo na yalomatua. Raica, na vanua sa vakatokai ena gauna oqo me o Inidipenideni, sa koto ena loma donu; ia sa koto ena yasana ki na ra na vanua me tara kina na avaletabu, ena dua na qele volekata toka ga na vale ni veilewai.

    4 Ia, era na yalomatua me ra avolia na vanua oqori na yalododonu, ka vakakina na veitiki ni qele yadua sa koto ki na ra, me yacova sara yani na laini ka wasei ira na bJiu mai vei ira na Matanitu Tani;

    5 Ka vakakina na veitiki ni qele ena iyalayala ni vanua veico, kei na veivanua kecega era avolia rawa na noqu tisaipeli. Raica, sai koya oqo na yalomatua, me ra bvolia na vanua oqori ka me nodra ivotavota vakawa tawavakaiyalayala.

    6 Ka me tu ko Sidini Kilipati na noqu tamata ena itutu au sa lesi koya kina, me dausoqona na ilavo, ka aitini ena lotu, io me voli qele ena veiyasana vakavolivolita, na kena levu ga e rawa ena sala dodonu, ka veidusimaki kina na yalomatua.

    7 Ka me tu ko aEtuwate Patereji na noqu tamata ena itutu au sa lesi koya kina, io me bwasewasea vei ira na yalododonu na nodra qele me nodra ivotavota vakawa, me vaka na noqu ivakaro; ka vakakina ko ira sa lesia ko koya me ra vukei koya.

    8 Kei na dua tale, au sa kaya vakaidina vei kemudou, me vakadeitaki koya ena vanua oqo ko Sidini Kilipati na noqu tamata, ka tauyavutaka e dua na sitoa, raica me volitaka kina na ivoli ena sala dodonu, me rawata kina na ilavo ka voli qele me yaga vei ira na yalododonu, ka me tu kina vua na veika kecega era na gadreva na tisaipeli me vakadeitaki ira ena nodra ivotavota vakawa.

    9 Me segata tale ga ko Sidini Kilipati na noqu tamata na nona laiseni—raica sai koya oqo na yalomatua, ia ko koya sa wilika me kila sara—me vakauta talega yani na ivoli vei ira na tamata, mai vei ira e lewa ko koya me vakacakacakataki ira vakavunivola;

    10 Ka me vakarautaka kina na veika me baleti ira na noqu yalododonu, ka me vunautaki yani kina na noqu kosipeli vei ira sa tiko ena abutobuto kei na vanua ni byaloyalo ni mate.

    11 Kei na dua tale, au sa kaya vakaidina vei kemudou, me vakadeitaki ko aViliame W. Felepi na noqu tamata ena vanua oqo, ka me tauyavutaki me bdautabaivola ni lotu.

    12 Ia kevaka era sa taleitaka na nona volavola na kai vuravura—raica sai koya oqo na yalomatua—me rawata na veika kecega e rawa ni rawata ena sala dodonu, me ra vinaka kina na yalododonu.

    13 Io me vukei koya ko aOliva Kaudari na noqu tamata, me vaka na noqu ivakaro, ena veivanua kecega au na lesi koya kina, me lavetaka, ka vakadodonutaka, ka digitaka, me vaka sa dodonu vua, ka sa vakadinadinataka mai vua na Yalo.

    14 Ia me ra vakadeitaki ena vanua ko Saioni ko ira kece au sa cavuta oti, ena kena gauna totolo e rawa, vata kei na nodra matavuvale, me ra cakava na veika au sa tukuna.

    15 Ia oqo me baleta na vakasoqoni vata—Me rau vakayacora na vakavakarau na bisopi kei koya na itini me baleti ira na veimatavuvale era sa vakaroti me ra lako mai ki na vanua oqo, ena kena gauna totolo duadua e rawa, ka vakadeitaki ira ena nodra ivotavota vakawa.

    16 Ia vei ira na vo ni italatala qase kei ira na lewenilotu ena qai soli yani ena dua na gauna e muri na idusidusi tale eso. Io ena vakakina. Emeni.