Vunau kei na Veiyalayalati 74

Wase 74

Na veika sa vakatakilai vei Josefa Simici na Parofita mai na Yasayasa vaka-Weini, Niu Ioka ena 1830. Ni se bera mada ga ni tauyavutaki na Lotu, sa tubu tiko na vakatataro me baleta na ivakarau dodonu ni papitaiso, ka vakavuna nona vakasaqara na Parofita na isaunitaro ena ulutaga oqo, e tukuni ena itukutuku makawa kei Josefa Simici ni ivakatakila oqo e ivakamacala ni 1 Korinica 7:14, e dua na ivolanikalou ka dau vakayagataki wasoma me vakadonui kina na nodra papitaiso na gonelalai.

1–5, A veivakasalataki ko Paula ki na Lotu ena nona gauna me ra kakua ni muria na lawa i Mosese; 6–7, Era sa savasava ko ira na gone lalai ka ra sa vakatabui ena vuku ni Veisorovaki.

1 Ni sa vakatabui na tagane ^atawavakabauta mai vua na watina, ka vakatabui na yalewa tawavakabauta mai vua na watina, de ra a tawasavasava beka na luvemu, era sa savasava oqo.

2 Oqo, ena nodra veisiga na iapositolo, sa dau taurivaki kina na lawa ni veicilivi vei ira kece na Jiu ka ra sega ni vakabauta na kosipeli i Jisu Karisito.

3 Ka sa yaco ni sa tubu kina vakalevu ena kedra maliwa na tamata na ^aveileti ena vuku ni lawa ni ^bveicilivi, ni sa gadreva sara na tagane tawavakabauta me ra cilivi na luvena ka yaco me ra talairawarawa ki na ^clawa i Mosese, ia na lawa sa vakayacori oti.

4 Ka sa yaco ni ko ira na gone era sa tuberi cake mai ena lawa i Mosese, era sa muria na nodra ^aivakarau na nodra qase ka sega ni vakabauta kina na kosipeli i Karisito, o koya era sa tawasavasava kina.

5 Ia, ena vuku ni ka oqo sa volavola kina na iapositolo ki na isoqosoqo lewe ni lotu, ka solia kina vei ira e dua na ivakaro, ka sega ni nona na Turaga, ia na nona ga, me kakua ni ^avakamau e dua e vakabauta ki vua e dua na tawavakabauta; ia ena qai rawa ga kevaka era sa sega ni muria na ^blawa i Mosese.

6 Me ra na kakua tu ga ni cilivi na luvedra; ka me kakua kina ni muri na ivakarau makawa oya, ka tukuni kina ni ra sa tawasavasava na gone; ni sai koya oqo na nodra vakabauta na Jiu;

7 Ia era sa ^asavasava ko ira na ^bgone, io era sa ^cvakatabui ena ^dVeisorovaki i Jisu Karisito; raica oqo na ibalebale ni ka sa tukuni ena ivolanikalou.