iVolanikalou
Vunau kei na Veiyalayalati 61


Wase 61

Na ivakatakila sa soli yani mai vei Josefa Simici na Parofita, ena bati ni uciwai ko Misuri, ena iTakelo ni wai na Makiliweini, ena 12 ni Okosita, 1831. Ena nodra ilakolako lesu ki Katiladi, eratou a sokota sobu kina na uciwai na Misuri ena bavelo na Parofita kei na le tini na italatala qase. Era a sota kaya e vuqa na ka rerevaki ena ikatolu ni siga ni nodra ilakolako. A raica na raivotu ena siga ko Elder Viliame W. Felepi ni sa lako mai ena kaukauwa na dauveivakarusai ena dela ni wai.

1–12, Sa lewa na Turaga me yaco e vuqa na ka ni veivakarusai e wai; 13–22, Sa cudruva na wai ko Joni, a sa lako voli e matadratou na dauveivakarusai; 23–29, Eso e tu vei ira na kaukauwa me ra lewa na wai; 30–35, Me ra lakolako yarua yani na italatala qase, ka vunautaka na kosipeli; 36–39, Me ra vakavakarau me baleta na nona lako mai na Luve ni Tamata.

1 Raica, ka rogoca na domoi koya sa tu vua na akaukauwa kecega, ko koya sa bula mai na tawavakaiyalayala ki na tawavakaiyalayala, io na bAlifa kei na Omeka, na ivakatekivu kei na ivakataotioti.

2 Raica, sa kaya vakaidina vakaoqo vei kemudou na Turaga, Oi kemudou na italatala qase ni noqu lotu, dou sa soqoni vata ena vanua oqo, koi kemudou sa vosoti na nomudou ivalavala ca, raica koi Au na Turaga, au sa dau avosota na ivalavala ca, au sa byalololoma vei ira sa cvakatusa na nodra ivalavala ca, ka yalomalumalumu;

3 Ia au sa kaya vakaidina vei kemudou, sa sega ni kilikili me ra soko vakusakusa yani ko ira kece na noqu italatala qase, ka ra rusa ena tawa vakabauta ko ira sa tiko ena tai ruarua ni uciwai.

4 Ia, au sa vakatara oqo mo dou vakadinadinataka kina; raica, sa levu tu na veika rerevaki e tu e wai, vakauasivi ena veigauna mai muri;

5 Ia koi Au, na Turaga, au sa lewa ena noqu cudru me yaco e vuqa na ka ni veivakarusai e wai; io ena wai sara ga oqo.

6 Ia, sa tu ena qeteqete ni ligaqu na bula ni tamata kecega, ia ko koya sa yalodina tiko vei kemudou ena sega ni mate e wai.

7 Ia, sa kilikili sara me rau lako kusarawa yani ena nodrau ilesilesi kei na nodrau kaulotu, ko Sidini Kilipati kei aViliame W. Felepi na noqu tamata.

8 Ia, au na sega ni laiva mo dou lako me yacova ni’u sa avakadodonutaki kemudou mada ena vuku ni nomudou ivalavala ca kece sara, mo dou duavata sara, ka kakua ni mate ena bivalavala ca;

9 Ia oqo, au sa kaya vakaidina, sa qai kilikili oqo mo dou lako. Ia ko Sidini Kilipati kei Viliame W. Felepi na noqu tamata, me rau kauti ira tale na nodrau ilala e liu, ka lako kusarawa yani me rau qarava vakavinaka na nodrau ilesilesi, ka rawa na ka kecega ena vakabauta;

10 Ia kevaka era sa yalodina tiko ga era na maroroi, ia koi Au na Turaga, au na tiko vata kei ira.

11 Ia ko ira na kena vo me ra kauta na isulu e ganiti ira.

12 Me kauta ko Sidini Kilipati na noqu tamata na veika e sega ni ganiti koya, me vaka dou sa duavata kina.

13 Ia oqo, raica, au sa avakarota vei kemudou na veika oqo mo dou bvinaka kina; ia koi Au na Turaga, au na dauveivosaki kei kemudou me vaka au a dauveivosaki kei ira na noqu tamata ena gauna e liu.

14 Raica, koi Au na Turaga, au sa vakalougatataka na awai mai na ivakatekivu; ia ena veisiga e muri oqo, au sa bcudruva na wai ena gusui Joni na noqu tamata.

15 Ia, ena yaco mai na siga me na sega kina ni logavinaka rawa na veika bula e wai.

16 Ka na qai dau tukuni ena veisiga mai muri, ni na sega ni lako rawa e dua, e wai, ki na vanua ko Saioni, ia ko ira ga sa buladodonu.

17 Raica koi Au na Turaga, au sa acudruva na qele mai na ivakatekivu, ia au sa vakalougatataka ena veisiga e muri me ra kania na noqu tamata na kena uro ena kena gauna, me ra kalougata kina.

18 Ia oqo au sa solia vei kemudou e dua na ivakaro, na ka au sa vakarota vua e dua au sa vakarota vei kemudou kece, mo dou vakasalataki ira na wekamudou ena vuku ni wai, me ra kakua ni dau veilakoyaki kina, de na qai malumalumu mai na nodra vakabauta ka ra coriti kina;

19 Oqori na ka au sa lewa koi Au na Turaga, sa tiko e wai na dauveivakarusai me cakacaka kina, ka’u na sega ni vakasuka na lewa oqori.

20 Koi Au na Turaga, au a cudruvi kemudou ena noa, ia edaidai sa vagolei tani na noqu cudru.

21 Ia, laivi ira au sa vosa oti me baleti ira, me ra lako kusarawa yani—au sa kaya tale vei kemudou, me ra lako kusarawa yani.

22 Ka ni sa sega ni dua na ka vei au, me vakalailai mada ga, kevaka era sa laki qarava na nodra ilesilesi, se ra soko e wai se taubale e vanua; ia me vakaoqo ni sa vakaraitaki vei ira me vaka na nodra lewa ena veigauna mai muri.

23 Ia oqo, me baleti iratou na noqu tamata, ko Sidini Rikitoni, Josefa Simici Lailai, kei Oliva Kaudari, na noqu tamata, me ratou kakua tale ni soko mai e wai, vakavo ga kevaka eratou soko mai ena ikelimusu ena nodratou ilakolako lesu ki na nodratou veivale; se ena dua tale na kena ivosavosataki me ratou kakua ni soko e wai ena nodratou ilakolako, sa rawa ga me ratou soko ena ikelimusu.

24 Raica, koi Au na Turaga, au sa digitaka e dua na sala ni veilakoyaki vei ira na noqu yalododonu; ia raica, sai koya oqo—ni ra sa biuta na ikelimusu me ra muri tiko ga e vanua, ena veigauna kecega era vakaroti kina me ra lako ka gole cake ki na vanua ko Saioni;

25 Ia era na kitaka me vakataki ira na luvei Isireli, me ra abirika na nodra vale laca ena nodra ilakolako.

26 Ia, raica dou tukuna na ivakaro oqo vei ira na wekamudou.

27 Ia, ko koya sa soli vua na akaukauwa me vakarota na wai, sa soli talega vua mai na Yalo me kila na ivakarau vakalou;

28 Ia, me kitaka ko koya na ka sa vakaroti koya kina na Yalo ni Kalou bula, se ena vanua mamaca se e wai, me vakayacora ga na ka au sa lewa.

29 Ka sa vakatakilai vei iko na ka me ra kitaka na yalododonu, se na nodra sala na yalododonu ni Turaga.

30 Kei na dua tale, au sa kaya vakaidina vei kemudou, me ratou kakua sara ni dolava na gusudratou vei ira na ivavakoso dau caka ca ko Sidini Rikitoni, Josefa Simici Lailai, kei Oliva Kaudari na noqu tamata me yacova ni ratou sa yaco yani ki Sinisinati;

31 Ia mai kea me ratou tabalaka cake na domodratou vua na Kalou me baleti ira na tamata ko ya, io, ki vua sa cudruvi ira ena vuku ni nodra ivalavala ca, na matatamata ka sa avoleka sara ni vakarusai.

32 Ia mai kea me ratou qai lako vei ira na nodra ivavakoso na wekadratou, raica sa gadrevi vakalevu sara na nodratou veivuke vei ira, ka sega soti ki na nodra ivavakoso na dau caka ca.

33 Ia oqo, o ira na kena vo, me ra lako yani ka avunautaka na veivosa oqo vei ira na nodra ivavakoso na tamata dau caka ca, ena kena levu ga me vaka era sa vakauqeti kina;

34 Ia kevaka era sa vakayacora vakavinaka na nodra ilesilesi ena avakasavasavataki na nodra isulu, io era na sega ni tauvi duka e mataqu.

35 Ia me ra lako vata yani, se ra lakolako ayarua, me vaka sa vinaka vei ira, ia ko Rinoli Kauni ga na noqu tamata, kei Samuela H. Simici na noqu tamata, koi rau au sa vakadonuya, me rau na salavata tiko ga me yacova ni rau sa lesu tale ki na nodrau vale, a ka oqo sa tiko kina na noqu inaki vuku.

36 Ia oqo, au sa kaya vakaidina vei kemudou, na ka au sa vakarota vua e dua au sa vakarota vei kemudou kece, dou reki ka marau na agonelalai; niu sa tiko ena kemudou bmaliwa, kau sa sega ni cbiuti kemudou;

37 Ia ena veigauna kece dou sa vakayalomalumalumutaki kemudou kina vei au, ena soli vei kemudou na amatanitu.

38 Dou vakadreta na ivau ni tolomudou ka avakatawa ka yalomatua, dou waraka na nona lako mai na Luve ni Tamata, ni na lako mai ko koya ena auwa dou sa sega ni namaka kina.

39 Dou adau masu tiko ga mo dou kakua kina ni rawai ena bveitemaki, mo dou na veitata kaya ena siga sa lako mai kina ko koya, ni dou sa bula tiko se dou sa mate. Io ena yaco vakakina. Emeni.