iVolanikalou
    Vunau kei na Veiyalayalati 86
    iVakamacala e botona e ra
    Theme

    Wase 86

    Na ivakatakila sa soli yani mai vei Josefa Simici na Parofita mai Katiladi, Oaio, ena 6 ni Tiseba, 1832. A vakaraitaki vua na Parofita na veika oqo ena gauna e vakadodonutaki tiko kina na ivakadewa ni i Vola Tabu.

    1–7, Sa tukuna na Turaga na ibalebale ni vosa vakatautauvata ni sila vinaka kei na sila ca; 8–11, Sa vakamacalataka na veivakalougatataki ni matabete ki vei ira era na taura ni ra sa kena kawa dina, me vaka na veika vakayago.

    1 Sa kaya vakaidina vakaoqo vei kemudou na noqu italai, na Turaga, me baleta na avosa vakatautauvata ni sila vinaka kei na sila ca:

    2 Raica, au sa kaya vakaidina, na iteitei sai koya na vuravura, ia ko ira na daukabukaburaki sai ira na iapositolo;

    3 Ia ni ra sa moce lutu ena bogi sa lako mai ko koya sa dauvakacacana vakalevu na lotu, io ko koya sa vuki tani, kei koya na dautagane, io ko aPapiloni ka sa rawai ira na veimatanitu kecega me ra gunu mai na nona bilo, a sa tiko e lomadra ko Setani na vu ni ca, ka lewai ira—raica sa lako mai ka kaburaka na sila ca; a sa tubu cake na sila ca ka vakaruguta na sila vinaka, a sa dro kina na blotu ki na lekutu.

    4 Ia raica, ena aveisiga e muri, ena gauna sara mada ga oqo ni sa tekivu me vunautaka tale na vosa na Turaga, a sa buroro ka kadre cake mai ia e se gone ga—

    5 Raica, au sa kaya vakaidina vei kemudou, era sa masuta tiko na Turaga ko ira na aagilosi ena siga kei na bogi, era sa wawa tu me ra talai yani me ra btamusuka sobu na iteitei;

    6 A sa kaya vei ira na Turaga, dou kakua mada ni cavuraka tani na sila ca ni se qai buroro tiko mai na drauna (ni sa malumalumu vakaidina tiko na nomudou vakabauta), de dou vakacacana talega na sila vinaka.

    7 O koya, mo dou qai laiva mada me rau tubu vata ga na sila vinaka kei na sila ca me yacova ni sa dreu matua; ia mo dou qai kumuna vata na sila vinaka mai na sila ca; ia ni dou sa kumuna vata na sila vinaka, dou raica ka rogoca, me qai vesuvesu vata na sila ca, sa na qai vakarau kina me vakamai na logana.

    8 O koya, sa kaya vakaoqo na Turaga vei kemudou sa taura tu na itutu avakamatabete ena kena veisolisolitaki mai vei ira na nomudou qase—

    9 Raica sai kemudou na nodra akawa dodonu me vaka na veika vakayago, ia na nomudou bula sa bvuni vata kei Karisito mai veivuravura vua na Kalou—

    10 A ka oqo dou sa bula tiko kina ka tomani tiko na matabete, ia sa kilikili sara me tudei tiko ga vei ira na nomudou kawa me yacova ni sa avakalesui mai na ka kecega a cavuti mai na gusudra na parofita yalosavasava mai na ivakatekivu kei vuravura.

    11 Raica dou sa kalougata kevaka dou sa tudei tiko ena noqu loloma, mo dou vu ni ararama vei ira na Matanitu Tani, ia mo dou vakabulai ira na noqu tamata na bIsireli ena matabete oqo. A sa kaya vakaoqori na Turaga. Emeni.