iVolanikalou
Vunau kei na Veiyalayalati 97


Wase 97

Na ivakatakila sa soli yani mai vei Josefa Simici na Parofita mai Katiladi e Oaio, ena 2 ni Okosita 1833. Sa golevi vakabibi ena ivakatakila oqo na veika e baleti ira na Yalododonu e Saioni, ena yasayasa vaka-Jekesoni mai Misuri, me isau ni nona vakatataro na Parofita vua na Turaga me baleta na itukutuku. Era sa vosa vakacacataki sara na lewe ni Lotu mai Misuri ena gauna oqo, ia ena 23 ni Julai 1833, era sa vakasaurarataki kina me ra sainitaka na veiyalayalati me ra na vagalala tani mai na yasayasa vaka-Jekesoni.

1–2, Era sa vakalougatataki e vuqa na Yalododonu e Saioni (na yasayasa vaka-Jekesoni, Misuri) ena vuku ni nodra yalodina; 3–5, Sa vakacaucautaki ko Pali P. Pereta ena vuku ni nona cakacaka ena koronivuli mai Saioni; 6–9, Sa vakadonui ira sa taqomaka na nodra veiyalayalati, na Turaga; 10–17, Me tara mai Saioni e dua na vale me ra raica kina na Kalou ko ira sa savasava na lomadra; 18–21, O Saioni sai ira ka sa savasava na lomadra; 22–28, Ena calati Saioni na veitotogitaki ni Turaga kevaka sa yalodina tiko.

1 Raica au sa kaya vakaidina vei kemudou na wekaqu, au sa vosa vei kemudou ena domoqu, io na domona na Yaloqu, meu vakaraitaka kina vei kemudou na lomaqu ena vukudra na wekamudou ena vanua ko aSaioni, e vuqa vei ira era sa yalomalumalumu ka segata vagumatua sara me ra vuku ka kila na ka dina.

2 E dina, e dina au sa kaya vei kemudou, era sa kalougata ko ira oqori, ni ra na rawata vakaidina; ia koi Au na Turaga, au sa yalololoma sara vei ira sa ayalomalua, kei ira kecega ka’u sa vinakata, io me’u dodonu kina ni’u sa kacivi ira me ra lewai.

3 Raica au na vosa mada vei kemudou, ena vuku ni akoronivuli mai Saioni, koi Au na Turaga, au sa marau sara ni sa tiko na koronivuli mai Saioni, io au sa marau tale ga ena vukui bPali P. Pereta na noqu tamata, kei na nona yalodina tiko ga vei au.

4 Ia kevaka sa yalodina tiko ga vei au, ena liutaka tiko ga na koronivuli ena vanua ko Saioni, me yacova ni’u sa solia tale vua eso na ivakaro.

5 Kau na vakalougatataki koya ena veivakalougatataki e vuqa, ena nona vakatavulica taucoko tiko na ivolanikalou, kei na veika vuni me ra kila ko ira era vuli kei ira ena lotu mai Saioni.

6 Kei ira talega na vo ni lewe ni koronivuli, koi Au na Turaga, au sa lewa meu vakaraitaka na loloma cecere; ia era sa tiko eso sa dodonu me ra avunauci, ka vakatakilai mai na nodra cakacaka.

7 Raica sa no na amatau ena vunikau; ia na kau kecega sa sega ni vuataka na bvua vinaka, ena tamusuki sobu ka biu ki na bukawaqa. Au sa tukuna na veika oqo koi Au na Turaga.

8 Au sa kaya vakaidina vei kemudou, ko ira kecega era kila ni sa dau adina na blomadra, raramusumusu ka bibivoro na yalodra, ka sa clomasoli me ra muria na nodra veiyalayalati ena nodra dsolibula—io, na solibula kecega au sa veivakaroti kina koi Au na Turaga—au na evakadonui ira.

9 Ia koi Au na Turaga, au na vakavuna me ra vua me vaka na kau sa vuavuai vinaka, sa tei ena qele bulabula, ena bati ni uciwai savasava, ka sa vuataka e vuqa na vua vinaka.

10 Au sa kaya vakaidina vei kemudou, niu sa lewa me tara e dua na noqu avale ena vanua ko Saioni, me vaka na kena bivalavala au sa solia vei kemudou.

11 Io, me tara kusarawa sara ena nodra ikatini na noqu tamata.

12 Raica, oqo na aikatini kei na madrali, au gadreva mai ligadra koi Au na Turaga, me tara kina e dua na noqu bvale me vakabulai Saioni—

13 Me nodra vale ni avakavinavinaka na yalododonu kece sara, ka me vanua talega era na dusimaki kina ko ira kece sara era kacivi ki na cakacaka ni veiqaravi, ena nodra ilesilesi kei na nodra itutu kece sara;

14 Io me ra tuberi kina me ra akila vinaka sara na nodra itavi, io ena vakasama, ena ivakavuvuli, kei na ivunau, ena veika kece ni bmatanitu ni Kalou e vuravura, sa soli oti vei kemudou na cidola ni matanitu oqori.

15 Ia kevaka era sa tara e dua na noqu vale ena yaca ni Turaga ko ira na noqu tamata, ka ra sega ni vakatara me curu kina e dua na ka atawasavasava, me kakua kina ni vakadukadukalitaki, ena tiko kina na noqu blagilagi;

16 Io, ena tiko kina na noqu aiserau, ni’u na curu yani kina, ia ko ira sa bsavasava na lomadra era sa curu kina, era na raica na Kalou.

17 Ia kevaka sa vakadukadukalitaki, au na sega ni curu yani kina, ka na sega ni tiko kina na noqu lagilagi; ni’u na sega ni curu ki na valetabu tawasavasava.

18 Ia oqo, raica, kevaka sa vakayacora ko Saioni na veika oqo, ena asautu kina, ena rabailevu ka yaco me lagilagi, me cecere sara, ka vakarerevaki.

19 Ka ra na dokai koya na aveimatanitu e vuravura, ka kaya: Sa koro vakaidina ni noda Kalou ko bSaioni, ka na sega vakaidina ni rawai ko Saioni, ka sega tale ga ni vakayavalati rawa mai na nona tikina, ni sa tiko kina na Kalou, ka sa tiko tale ga kina na liga ni Turaga;

20 Io sa bubuluitaka ena nona kaukauwa, ni na nona ivakabula ka nona avale cecere.

21 Ia sa kaya vakaidina vakaoqo na Turaga, me reki ko Saioni, raica oqo ko aSaioniko ira sa savasava na lomadra; ia, me reki ko Saioni, ni ra sa tagi na tamata dau caka ca.

22 Ia raica, ka rogoca, ena yaco kusarawa mai na aveisausaumi vei ira era sa sega ni vakalou, me vaka na covulaca; ia ko cei ena dro bula rawa mai kina?

23 Na aikuita ni Turaga ena tau tiko ena siga kei na bogi, ka na vakararawataki ira na tamata kecega na kena irogorogo; io, ena ia tiko ga me yacova ni sa lako mai na Turaga;

24 Ia na nona cudru ni lewa dodonu na Turaga sa tau me baleta na nodra itovo vakasisila kei na nodra caka ca.

25 Ia ena abula ko Saioni kevaka sa segata me muria na veika kecega au sa vakarota vua.

26 Ia kevaka sa sega ni segata me muria na veika kecega au sa vakarota vua, au na atalevi koya ena veika rarawa, na mate ca, kei na mate bdauveitauvi, ena iseleiwau ni cveisausaumi, kei na dyameyame ni bukawaqa dau veivakarusai, me vaka na nodra ivalavala.

27 Ia, me tukuni tale mada vakadua e daligana me kila ni’u sa vakadonuya na nona vakacacabo, koi Au na Turaga, raica kevaka sa sega ni ivalavala ca tale, ena asega ni yaco vua e dua vei ira na veika oqori;

28 Kau na avakalougatataki koya ena veivakalougatataki, ka vakalevutaka ki vua ena veivakalougatataki e vuqa, ka vakakina ena nona itabatamata me sega ni mudu ka sega ni mudu, sa kaya na Turaga na nomudou Kalou. Emeni.