iVolanikalou
    Vunau kei na Veiyalayalati 111
    iVakamacala e botona e ra
    Theme

    Wase 111

    Na ivakatakila sa soli yani mai vei Josefa Simici na Parofita mai Selemi, Masasuseti, ena 6 ni Okosita 1836. Era sa dinau vakalevu ena gauna oqo na iliuliu ni Lotu ena vuku ni cakacaka ni veiqaravi. Ni sa rogoci ni na levu na ilavo e rawa ni rawati mai Selemi, eratou a cavutu sara mai Katiladi, Oaio, ko koya na Parofita, kei iratou ko Sidini Rikitoni, Airame Simici kei Oliva Kaudari me ratou la’ki vakadinadinataka mai na itukutuku ko ya ka vunautaka tale ga yani na kosipeli. Eratou a la’ki vakayacora sara e vuqa na cakacaka ni Lotu ka vunau tale ga. Ia ni sa kilai ni na sega na ilavo e soli mai, eratou sa mani lesu tale ki Katiladi. E votu mai ena vosa ni ivakatakila oqo na veika e vuqa ka tiko ena daku ni veika e yaco tiko.

    1–5, Ena vukea na nodra leqa vakayago na Nona tamata na Turaga; 6–11, Ena yalololoma sara ki Saioni ka vakarautaka na veika kece me yaga vei ira na Nona tamata.

    1 Koi Au na Turaga na nomudou Kalou, au sega ni cudruvaka na nomudou lako mai ena ilakolako oqo, e dina ga ni kune kina na nomudou yalowai.

    2 Sa bini tu ena koro oqo na iyau me baleti kemudou, me yaga vei Saioni, kei ira e vuqa na tamata ena koro oqo, ko ira kau na vakasoqoni ira vata ena kena gauna me yaga vei Saioni, ena vua ni nomudou cakacaka.

    3 O koya, sa kilikili kina mo dou veikilai kei ira na lewe ni koro oqo, me vaka dou na vakauqeti kina, ka na vakatakilai yani vei kemudou.

    4 Ka na qai yaco ena kena gauna ni’u na solia ki ligamudou na koro oqo, mo dou lewa, era na sega kina ni kila na nomudou inaki vuni; ka na nomudou na kena iyau me vaka na koula kei na siliva.

    5 Dou kakua ni leqataka na nomudou adinau, ni’u na solia vei kemudou na kaukauwa mo dou sauma rawa kina.

    6 Dou kakua ni leqataki Saioni, ni’u na cakacaka vakayalololoma ki vua.

    7 Dou tei tiko mada ena vanua oqo kei na veiyasana vakavolivolita;

    8 Ia na vanua au na lewa mo dou tiko kina vakalevu cake, ena vakatakilai vei kemudou ena avakacegu kei na kaukauwa ni noqu Yalotabu, ka na drodrovi kemudou yani.

    9 Raica dou na sauma na vale dou na tiko kina. Ia dou vaqaqa matua na kedra itukutuku na qase, ko ira era a tauyavutaka na koro oqo;

    10 Ia dou na kunea ena koro oqo e vuqa na iyau vinaka ka yaga.

    11 O koya, mo dou avuku sara me vaka na gata ia dou kakua ga ni ivalavala ca; io au na solia vei kemudou na veika kecega sa bganiti kemudou, me vaka na ka dou sa gadreva. Emeni.