iVolanikalou
Vunau kei na Veiyalayalati 30


Wase 30

Na veika sa vakatakilai vei Josefa Simici na Parofita, mai Feieti e Niu Ioka, ena Sepiteba, 1830, me tukuni vei iratou ko Tevita Witima, Pita Witima Lailai, kei Joni Witima, ni sa oti na koniferedi siga tolu mai Feieti, ia era se bera ni veisukayaki na italatala qase ni lotu. A volai taumada me tolu na itukutuku; a qai vauca vata na Parofita me dua ga na iwase ena Vunau kei na Veiyalayalati ka tabaki ena 1835.

1–4, Sa cudruvi ko Tevita Witima ni sega ni gumatuataka na nona itavi; 5–8, Me tomani Oliva Kaudari ko Pita Witima Lailai ena ilakolako ni kaulotu vei ira na Leimanaiti; 9–11, Sa lesi ko Joni Witima me vunautaka na kosipeli.

1 Raica, au sa kaya vei iko aTevita, ko sa brerevaka na tamata ka sega ni cvakararavi vei au mo kaukauwa kina me vaka na kena dodonu.

2 Raica sa gole vakalevu cake tiko na nomu vakanananu ki na veika ni avuravura mai na veika e baleti au, ko koya ka a Buli iko, kei na ilesilesi ko sa kacivi kina; ko sa sega ni vakarorogo kina ki na Yaloqu kei ira era sa lesi me ra liutaki iko, ia ko sa vakarorogo vei ira au a sega ni vakarota.

3 O koya, mo sa qai liaci iko ga vakataki iko mai na ligaqu, ka avakasamataka vakabibi na veika sa tau vei iko.

4 Ia mo tiko ga ena vale nei tamamu, me yacova na gauna au na qai vakaroti iko tale kina. Ka vakayacora tiko ga na nomu aitavi ki na lotu, kei ira na tamata e vuravura, kei na veiyasana vakavolivolita. Emeni.

5 Raica, au sa kaya vei iko, aPita, mo drau blako vata kei na wekamu ko Oliva; ni sa yaco mai na cgauna ka sa dodonu kina vei au mo dolava na gusumu ka vunautaka na noqu kosipeli; o koya, mo kakua kina ni rere, ia mo drogoca ga na nona vosa kei na nona ivakasala na wekamu, ka na solia vei iko ko koya.

6 Ka mo rarawa vata kei koya ena veivakararawataki kece sara ena sota kaya, ia mo drau tacake tikoga vei au ena masumasu kei na vakabauta, mo drau na vueti kina; niu sa solia vua na kaukauwa me tara cake na noqu alotu ena kedra maliwa na bLeimanaiti;

7 Ia e sega tale au lesia me vakasalataki akoya ena lotu, me baleta na veika vakalotu, na wekana ga ko Josefa Simici Lailai.

8 O koya, sa kilikili sara mo nanuma matua na veika oqo, ka gumatua ni muria na noqu ivakaro, ia ko na vakalougatataki kina ka rawata na bula tawamudu. Emeni.

9 Raica, au sa kaya vei iko, Joni na noqu tamata, mo avunautaka na noqu kosipeli me tekivu oqo ka lako yani ena domo e vaka na brorogo ni davui.

10 Ia ko na la’ki cakacaka tiko ena vale ni wekamu ko Filipe Buro kei na veiyasana vakavolivolita, io, ena veivanua kecega ko rawa ni rogoci kina, me yacova ni’u sa vakarota mo toki.

11 Ia mo kitaka na nomu cakacaka kecega ena vukui Saioni, ena yalomu taucoko me tekivu sara oqo; io, mo na dau dolava tikoga na gusumu ena vuku ni noqu cakacaka, ia mo kakua ni arerevaka na veika e rawa ni vakayacora na btamata, ni’u sa tiko cvata kei iko. Emeni.