Vunau kei na Veiyalayalati 71
    Footnotes

    Wase 71

    Na veika sa vakatakilai vei Josefa Simici na Parofita kei Sidini Rikitoni mai Airame, Oaio, ena 1 ni Tiseba, 1831. Sa vakuria na Profita na nona vakadewataka na iVolatabu, ka nona vunivola ko Sidini Rikitoni me yacova ni sa ciqomi na ivakatakila oqo, sa mani tu mada kina vakawawa me rawa ni rau qarava mada na ivakaro sa koto. Me rau na lako na turaga oqo ka vunau me rau walia na maliwa ca sa basika ka saqati kina na Lotu, ka vu mai ena kena tabaki eso na ivola a vola ko Esera Buci, e dua ka sa vuki tani mai na Lotu.

    1–4, Erau sa talai ko Josefa Simici kei Sidini Rikitoni me rau vunautaka na kosipeli; 5–11, Era na vakamaduataki na meca ni Lotu.

    1 Raica, sa kaya vakaoqo na Turaga vei kemudrau Josefa Simici Lailai, kei aSidini Rikitoni na noqu tamata, ni sa yaco vakaidina mai na gauna sa kilikili kina vei au mo drau dolava na gusumudrau ena kena bvunautaki na noqu kosipeli, na veika ni matanitu, ka vakamacalataka na kena veika cvuni mai na ivolanikalou, me vaka na tiki ni Yalo kei na kaukauwa ka na soli vei kemudrau, io me vaka au sa lewa.

    2 Au sa kaya vakaidina vei kemudrau, mo drau vunau yani ki vuravura ki na veiyasana vakavolivolita, ka vakatalega kina ena lotu, me yacova mada e dua na gauna, io me yacova na gauna sa na qai vakatakilai kina vei kemudrau.

    3 Sa dina sara oqo na itavi ni dua ga na gauna, kau sa solia vei kemudrau.

    4 O koya, mo drau cakacaka ena noqu were ni vaini. Drau kacivaka yani vei ira na lewei vuravura, ka vakadinadinataka, ka vakarautaka na sala me baleta na ivakaro kei na ivakatakila ena qai yaco mai.

    5 Raica oqo na vuku; o koya sa wilika, me akila sara ka bvakabauta talega;

    6 Ni na soli avakalevu sara vei koya sa vakabauta, io na kaukauwa.

    7 O koya, mo drau avakamaduataki ira na nomudrau meca; drau bolei ira mo ni bsota e matana levu se ena dua na vanua vuni; ia kevaka drau sa yalodina tiko ga, ena qai vakavotui mai na nodra madua.

    8 O koya, mo drau laiva me ra tusanaka mai na ka era sa saqata kina na Turaga.

    9 Sa kaya dina vakaoqo vei kemudrau na Turaga—ena sega ni rawata e dua na ka na aiyaragi kecega sa caka me saqati kemudrau;

    10 Ia kevaka e dua na tamata sa tabalaka cake na domona me saqati kemudrau ena vakamaduataki ena gauna au sa lewa.

    11 O koya, mo drau muria na noqu vunau; ni sa mana sara ka dina. Io sa vakakina. Emeni.