Vunau kei na Veiyalayalati 105
    Footnotes

    Wase 105

    Na ivakatakila sa soli yani mai vei Josefa Simici na Parofita, ena bati ni Uciwai ko Fisigi mai Misuri, ena 22 ni June 1834. Ena nona veiliutaki na Parofita, era tayabe kina na Yalododonu mai Oaio kei na veivanua tale eso ki Misuri ena dua na ilakolako a qai vakatokai e muri me Keba kei Saioni. Na nodra inaki me ra na yadravi ira lesu yani na Yalododonu mai Misuri era a vakasavi ki na nodra vanua mai na Yasayasa vaka-Jekesoni. Era sa rere na kai Misuri era a vakacacani ira mada e liu na Yalododonu de na yaco mai na veivorati mai na Keba kei Saioni era sa mani kabai ira e liu eso na Yalododonu era vakaitikotiko ena Yasayasa vaka-Kilei, Misuri. Ni sa vakasuka na kovana mai Misuri na nona yalayala me tokoni ira na Yalododonu, a ciqoma kina o Josefa Simici na ivakatakila oqo.

    1–5, Ena tara cake ko Saioni ena ivakarau ni lawa vakasilesitieli; 6–13, Yaraki vakalailai na vueti kei Saioni; 14–19, Ena vala na Turaga ena ivalu mai Saioni; 20–26, Me ra yalomatua ka kakua ni boletaka na nodra kaukauwa ko ira na Yalododonu ni ra sa soqoni vata tiko; 27–30, Me voli na qele mai Jekesoni kei na veiyasayasa volekata; 31–34, Me ra la’ki ciqoma na italatala qase e dua na nodra edaumeni ena vale ni Turaga e Katiladi; 35–37, Era na vakatabui ko ira na Yalododonu era sa kacivi ka digitaki; 38–41, Me ra vakarewataka na Yalododonu na tawake ni veisaututaki ki vuravura.

    1 Au sa kaya vakaidina vei kemudou, oi kemudou sa soqoni vata mai mo dou kila na lomaqu me baleta na nodra avueti o ira na noqu tamata era sa vakararawataki tiko—

    2 Raica, au sa kaya vei kemudou, kevaka era a sega ni atalaidredre tiko na noqu tamata, au vosa tiko me baleta na lotu ka sega ni tamata yadua, ke ra a sa vueti oti ena gauna oqo.

    3 Ia raica, era se sega ni vulica me ra talairawarawa ki na veika au gadreva e ligadra, ia era sa sinai ena ivalavala kecega ni caka ca, ka ra sega ni awasea na veika era taukena, me vaka na ivalavala ni yalododonu, ki vei ira na dravudravua kei ira era vakaleqai tu ena kedra maliwa;

    4 Ka ra sa sega ni aduavata me vaka na duavata e gadrevi ena lawa ni matanitu silesitieli;

    5 Ena sega ni tarai cake rawa ko aSaioni bvakavo ga ena ivakavuvuli kei na clawa ni matanitu silesitieli; kevaka e sega, au na sega ni ciqomi koya.

    6 A sa dodonu me ra avunauci na noqu tamata me yacova ni ra sa vulica me ra btalairawarawa, kevaka e dodonu me vakakina, me yaco oqori ena veika era sotava.

    7 Au sega ni vosa tiko oqo me baleti ira era sa lesi me ra liutaki ira na noqu tamata, ko ira sa aliu vei ira na italatala qase ni noqu lotu, ni ra sa sega ni okati kece ki na cudruvi oqo ko ira oqori;

    8 Ia au vosa tiko vei ira na lewe ni noqu lotu ena veivanua—sa lewe vuqa vei ira era na kaya: Sa evei na nodra Kalou? Raica, ena mai vakabulai ira ko koya ni ra sa leqa tu, ia kevaka e sega, tou na maroroya ga na nodatou ilavo ka kakua ni lako cake ki Saioni.

    9 Ia, me vaka ni ra sa atalaidredre na noqu tamata, sa kilikili kina kei au me ra tei waraka vakalailai tale mada na noqu italatala qase na kena vueti ko Saioni—

    10 Me rawa ni ra vakarau vakavinaka cake kina ko ira, ka me ra vakavulici vakavinaka sara na noqu tamata ena veika era sotava, ka kila vakavinaka cake na nodra aitavi, kei na veika au gadreva mai vei ira.

    11 Ia ena sega ni rawa ni vakayacori na veika oqo me yacova ni ra sa avakaivotavota na noqu bitalatala qase ena kaukauwa mai lomalagi.

    12 Ia raica, au sa vakarautaka tu e dua na edaumeni cecere kei na veivakalougatataki me na asovaraki vei ira, kevaka era sa yalodina tiko ka toso tikoga ena yalomalumalumu e mataqu.

    13 O koya sa kilikili kina kei au me ra tei waraka mada vakalailai na noqu italatala qase, na kena vueti ko Saioni.

    14 Ia raica, au sega ni gadreva vei ira me ra vala ena ivalu kei Saioni; ia me vaka au sa tukuna oti ena dua na ivakaro taumada, io kau na vakayacora—Ni’u na avala ena nomudou ivalu.

    15 Raica, au sa tala yani na adauveivakarusai me vakarusai ira na noqu meca ka vakalala na nodra vanua; ia ena sega mada ni oti e vuqa na yabaki era sa na kawaboko sara me mudu kina na nodra vakadukadukalitaka na noqu vanua, io me mudu tale ga na nodra bvosa vakacacataka na yacaqu ena vanua au sa cvakatabuya me ra soqoni vata mai kina na noqu yalododonu.

    16 Raica, au sa vakaroti Josefa Simici Lailai na noqu tamata, me tukuna vei ira na noqu atamata digitaki, io vei ira na noqu tamata ivalu, na noqu cauravou kei na uabula, me ra soqoni vata mai me baleta na nodra vueti na noqu tamata, io me ra talaraka sobu na nodra veivale cecere na noqu meca, ka vakasavi ira na kena bivakatawa;

    17 Ia era sa sega ni muria na noqu vosa ko ira na noqu tamata digitaki.

    18 Ia kevaka era tiko eso era a rogoca na noqu vosa, au sa vakarautaka tu e dua na veivakalougatataki kei na aedaumeni me baleti ira, kevaka era na yalodina tikoga.

    19 Raica au sa rogoca na nodra masu, ka’u na vakadonuya na nodra isolisoli; ka sa kilikili kei au me ra lako vakayawa mai ki ke me vakatovolei kina na nodra avakabauta.

    20 Ia oqo, au sa kaya vakaidina vei kemudou, e dua na ivakaro au sa solia vei kemudou, ko ira kecega era sa lako cake mai ki ke, ka rawa ni ra tiko ena veiyasana vakavolivolita, me ra tiko ga;

    21 Ia ko ira era sega ni rawa ni tiko, ka tu na nodra matavuvale mai na tokalau, me ra tei tiko mada vakalailai, me vaka sa lewa vei ira ko Josefa na noqu tamata;

    22 Ni’u na vakasalataki koya ena vuku ni ka oqo, ia na ka kecega sa lewa vei ira ko koya ena vakayacori.

    23 Ia ko ira kece na noqu tamata era sa tiko ena veiyasana vakavolivolita, me ra yalodina, ka daumasu, ka yalomalumalumu vei au, ka me ra kakua sara ni vakatakila na veika au sa vakatakila vei ira, me yacova ni’u sa lewa vakayalomatua me vakatakilai.

    24 Raica dou kakua ni tukuna na lewa, dou kakua ni aqaciqaciataka na vakabauta se na cakacaka veivakurabuitaki, ia dou vakasoqoni vata vakavinaka, na kena levu ga e rawa ena dua na yasana me vaka na ivakarau ni yalodra na tamata;

    25 Ka raica dou na kune loloma soli wale ka vinakati e matadra, io dou na taqomaki ka tiko avakacegu, ni dou sa kaya tiko vei ira na tamata: Dou veilewai ka vakayacora na lewa dodonu ena vukui keitou me vaka na lawa, ka me vakadodonutaki na neitou cala.

    26 Oqo, raica, au sa kaya vei kemudou na wekaqu, oqo na sala era na taleitaki kemudou kina na tamata, io ena yaco me ra lewe vuqa na amataivalu ni Isireli.

    27 Kau na vakamalumalumutaka na lomadra na tamata, me vaka au a vakamalumalumutaka na lomana na aFero, ena veigauna eso, me yacova na gauna sa vakasoqoni ira vata kina na noqu tamata digitaki, ko Josefa Simici Lailai na noqu tamata, kei ira na noqu italatala qase, au sa lesia.

    28 Raica me ra talai yani na tamata avuku me ra vakayacora na ka au sa vakarota me baleta na kena bvoli na qele kece ena yasayasa vaka-Jekesoni kei na veiyasayasa volekata.

    29 Ni sa noqu lewa me voli na veivanua oqori; ia ni sa voli rawa me qai soli me ra taukena na noqu yalododonu me vaka na alawa ni vakatatabu au sa solia.

    30 Ia ni sa voli oti na veivanua oqori, ena tawacala vei au na amataivalu ni Isireli ni ra tawana na nodra vanua, era a volia ena nodra ilavo, ka talaraka sobu na nodra veivale cecere na noqu meca ka tu kina, ka vakasavi ira tani na kena ivakatawa, io me ra bsauma vei ira na noqu meca ena vukuqu me yacova na ikatolu kei na ikava ni itabatamata vei ira era sa cati au.

    31 Ia me ra lewe vuqa taumada na noqu mataivalu, ia me ra avakatabui mada e mataqu, me serau kina me vaka na matanisiga, ka makare me vaka na bvula, io me ka rerevaki sara na kena drotini vei ira na veimatanitu;

    32 Me ra qai kila na veimatanitu e vuravura ka vakadinadinataka ni sa nona amatanitu na noda Kalou kei na nona Karisito na matanitu ko Saioni; o koya, me da bmuria sara na kena lawa.

    33 Au sa kaya vakaidina vei kemudou, sa kilikili kei au me ra ciqoma na nodra aedaumeni mai lomalagi ena noqu vale ko ira sa liu vei ira na italatala qase ni noqu lotu, na noqu vale ka’u a vakarota me tara ena yacaqu ena vanua ko Katiladi.

    34 Ia me vakayacori kece na veika au a vakarota me baleti Saioni kei na kena alawa, io ena gauna sa vueti oti kina.

    35 A sa dua na siga ni aveikacivi, ia sa qai yaco mai na siga ni digidigi; io me ra digitaki ko ira sa bkilikili.

    36 Ena qai vakatakilai vua na noqu tamata, ena domo ni Yalo, ko ira era sa adigitaki; ia era na bvakatabui;

    37 Ia kevaka era sa muria tiko ga na ka sa avakaroti vei ira, era na vakaukauwataki me ra vakayacora na veika kece me baleti Saioni ni oti e vuqa na siga.

    38 Au sa kaya tale vei kemudou, dou kerea na veisaututaki, raica dou kakua ni kerea wale ga vei ira sa yaviti kemudou, io vei ira kecega na tamata;

    39 Dou vakarewataka na atawake ni bveisaututaki, ka kacivaka yani me yaco na veisaututaki ki na iyalayala kei vuravura;

    40 Dou vakatura vei ira sa yaviti kemudou mo ni veisaututaki me vaka sa vakauqeti kemudou kina na domo ni Yalo sa tiko vei kemudou, raica ena vuavuai vinaka sara vei kemudou na ka akecega.

    41 O koya, mo dou yalodina tiko ga; raica ka rogoca, aau na tiko ga vata kei kemudou me yacova na ivakataotioti. Ia ena vakakina. Emeni.