Vunau kei na Veiyalayalati 10
    Footnotes

    Wase 10

    A ivakatakila sa soli vei Josefa Simici na Parofita, e Amoni, Penisilivenia, ena dua na gauna ena Epereli 1829, e dina ni a rawa ni sa ciqomi oti eso na kena iwase ena vulaikatakata ni 1828. Eke sa tukuna kina na Turaga vei Josefa na veika era sa veisautaka na tamata caka ca ena 116 na draunipepa volai ena liga mai na ivakadewa ni ivola i Liai, ena iVola i Momani. Era a yali na draunipepa volai ena gauna a taura voli kina ko Matini Erisi, o koya ka nuitaki tiko vua na draunipepa. (Raica na ulutaga ni wase e 3.) Na nodra inaki ca me ra waraka ka namaka na vakadewataki tale ni veika ka tu ena veidraunipepa ka butakoci ka me qai vakasewasewani kina ko koya na daunivakadewa ena kena vakaraitaki na duidui levu ka vu mai na veisau. Oqori na inaki ca ka a bucini mai vua na tevoro ka sa kila tu na Turaga mai na gauna sara i Momani, na Nifai dauvolaitukutuku makawa, ena nona vakalekalekataka tiko na itukutuku ena peleti ka sa vakasoqoni tiko mai, e vakaraitaki ena iVola i Momani (raica na Vosa i Momani 1:3–7).

    1–26, Sa vakayavalati ira na tamata ca ko Setani me ra saqata na cakacaka ni Turaga; 27–33, Sa segata ko koya me vakarusa na yalo ni tamata; 34–52, Me na lako na kosipeli vei ira na Leimanaiti kei na veimatanitu kecega mai na iVola i Momani; 53–63, Ena yavutaka na Turaga na Nona Lotu kei na Nona kosipeli ena kedra maliwa na tamata; 64–70, Ena vakasoqoni ira era sa veivutuni ki na Nona Lotu ka na vakabulai ira na talairawarawa.

    1 Ia oqo, raica, au sa kaya vei iko, me baleta ni ko a solia na veika volai ka a tu vei iko na kaukauwa mo vakadewataka kina ena veivuke ni aUrimi kei na Cumimi, ki na ligana e dua na tamata bca, ko sa vakayalia kina.

    2 Ka ko sa vakayalia talega kina na nomu isolisoli ena gauna vata ko ya, ka sa lecaika kina na nomu avakasama.

    3 Ia, sa avakalesui tale vei iko na ka oqo; o koya qarauna mo yalodina ka tomana tikoga me yacova ni ko sa vakaotia rawa na cakacaka ni vakavakadewa me vaka ga na nomu a tekivuna.

    4 Mo kakua ni cici avakatotolo se cakacaka vakaukauwa me sivia na nomu bigu kei na veigacagaca sa vakarautaki tu me rawa kina vei iko mo vakavakadewa; ia mo cgumatua tiko ga me yacova na ivakataotioti.

    5 Mo dau amasu tikoga, me rawa ni nomu na qaqa; io, mo rawa ni qaqa kina vei Setani, ka me rawa ni ko drovaka kina na ligadra na italai nei Setani ka tarova tiko na cakacaka oqo.

    6 Raica, era sa segata me ra avakarusai iko; io, ko koya sara mada ga na btamata ko sa vakabauta sa segata talega me vakarusai iko.

    7 A ka oqo au sa vakatokai koya kina me tamata dau caka ca, ni sa segata ko koya me kauta tani na veika sa nuitaki vei iko; io sa segata tale tikoga me vakarusa na nomu isolisoli.

    8 Ia me vaka ni ko sa solia ki ligana na itukutuku volai ena liga, raica, sa ra taura mai kina vei iko na tamata dau caka ca.

    9 O koya, ko sa solia tani kina, io, na veika sa tabu, vei ira na tamata ca.

    10 Ia, raica, ko aSetani sa tugana ki na lomadra me ra vukica na vosa ko sa vakavuna me volai, se me vaka ko sa vakadewataka, ka sa cawadru tani mai ligamu.

    11 Ia raica, au sa kaya vei iko, baleta ni ra sa vukica na vosa, sa duatani kina na kena ibalebale mai na veika ko sa vakadewataka se vakavuna me volai;

    12 Ia, ena sala oqo, sa segata na tevoro me biuta e dua na ilawaki qaseqase, me vakarusa kina na cakacaka oqo;

    13 Me vaka ni sa tugana ki na lomadra me ra kitaka vakaoqo, ena nodra lasu era na kaya kina ni ra sa atoboki iko ena vosa ko mai lasutaka tiko ni ko vakadewataka.

    14 Ia, au sa kaya vakaidina vei iko, au na sega ni vakatarai Setani me vakayacora na nona inaki ca ena veika oqo.

    15 Ia raica, sa uqeta na lomadra ko koya me ra veretaki iko mo vakatovolea na Turaga na nomu Kalou, ena nomu kerea mo vakadewataka vou tale.

    16 Ia, raica, era sa kaya ka nanuma e lomadra—Keimami raica mada ke sa solia na Kalou vua na kaukauwa me vakavakadewa; kevaka e vakakina, ena solia tale vua ko koya na kaukauwa;

    17 Ia kevaka sa solia tale vua na Kalou na kaukauwa, se kevaka sa vakavakadewa tale ko koya, se, ena dua tale na kena vosa, kevaka e tautauvata tikoga na vosa e vakayagataka, raica, sa tiko rawa oqo vei keda, ka da sa vukica oti tu;

    18 O koya era na sega kina ni tautauvata, ka da na kaya ni sa lasu ko koya ena nona vosa, ka ni sega na nona isolisoli, ka sega talega na nona kaukauwa;

    19 O koya eda na vakarusai koya, kei na cakacaka talega; ka da na kitaka oqo me da kakua ni madua kina mai muri, ia ena vakalagilagi keda ko vuravura.

    20 E dina, e dina, au sa kaya vei iko, ni sa lewa tu na lomadra ko Setani; a sa avakayavalati ira sara me ra caka bcala ka vorata na veika vinaka kecega;

    21 Raica sa aca vakalevu na lomadra, ka sa sinai ena bivalavala ca kei na itovo vakasisila; era sa cdomona na dbutobuto mai na rarama, baleta ni sa ca na nodra eivalavala; o koya era sa sega ni kereai kina vei au.

    22 Sa vakayavalati ira tiko ga ko aSetani, me rawa ni bkauta kina na yalodra ki na rusa.

    23 O koya oqo sa navuca kina e dua na ilawaki qaseqase, ka nanuma ni na vakarusa kina na cakacaka ni Kalou; ia au na tarogi ira ena ka oqo; io era na vakamaduataki ka cudruvi kina ena siga ni aveilewai.

    24 Io, sa vakayavalata na lomadra me ra cudruvaka na cakacaka oqo.

    25 Io, sa kaya vakaoqo vei ira: Lawaki ka wawa me da toboki ira, me ra rusa kina; raica, sa sega ni cala oqo. Io sa cavilaki ira, ka kaya vei ra ni sega ni ivalavala ca me ra alasu, me coriti kina e dua ena lasu, me rawa ni ra vakarusai koya kina.

    26 Ia sa cavilaki ira, ka aliutaki ira tikoga me yacova ni sa yarataka sobu na yalodra ki beli; raica e sa vakavuna me ra coko tale ena cicori era a birika.

    27 Ia sa lako cake ka lako sobu, sa veilakoyaki avaka ka vaka e vuravura, ka segata me bvakarusa na yalo ni tamata.

    28 E dina, e dina, au sa kaya vei iko, ena ca ko koya sa lasu me aveivakasewasewani kina baleta ni nanuma ni a lasu e dua tale me veivakasewasewani, ni veika vaka ko ya sa sega ni tarovi kina na blewa dodonu ni Kalou.

    29 Ia oqo, raica, era sa vukica na veivosa oqo, baleta ni sa kaya ko Setani vei ira: Sa lawakitaki kemudou ko koya—ia sa cavilaki ira vakaoqori me ra caka cala, ka sagai kemuni mo ni avakatovolea na Turaga na nomuni Kalou.

    30 Raica, au sa kaya vei iko, mo kakua sara ni vakadewataka tale na veivosa ka sa kaliraki tani mai ligamu;

    31 Ia, raica, era na sega sara ni rawata na nodra inaki ca ena lasu ni veivosa ko ya. Ia, raica, kevaka ko na vakayagataka na vosa vata ga koya era na tukuna ni ko sa lasu, ko lasutaka na nomu vakavakadewa, ia ko sa na saqati iko ga vakataki iko.

    32 Ia, raica, era na vakatetea yani na ka oqo, ena vakaukauwataka ko Setani na lomadra na tamata ka vakayavalata me ra cudruvi iko, ka ra na sega ni vakabauta na noqu vosa.

    33 Ia sa nanuma ko aSetani me vakamalumalumutaka na nomu ivakadinadina ena itabatamata oqo, me kakua kina ni basika mai na cakacaka oqo ena itabatamata oqo.

    34 Ia raica, sai koya oqo na yalomatua, me vaka niu sa vakaraitaka vei iko na ayalomatua, ka solia vei iko na ivakaro me baleta na veika oqo, oqo na ka mo na kitaka, kakua ni vakatakila ki vuravura kecega me yacova ni ko sa vakacavara na cakacaka ni vakavakadewa.

    35 Mo kakua ni kurabui niu sa kaya oqo vei iko: Sai koya oqo na yalomatua, kakua ni vakatakila ki vuravura—niu sa kaya, kakua ni vakatakila ki vuravura, mo na maroroi kina.

    36 Raica, Au sega ni kaya mo na kakua ni vakaraitaka vei ira na yalododonu;

    37 Ia me vaka ni sa dredre mo lewa na tamata ayalododonu, se ni sa dredre mo kila na tamata dau caka ca mai na yalododonu, o koya kau sa kaya kina vei iko mo toka blo ka kakua mada ni vakatakila me yacova niu sa kila ni sa ganita me vakatakilai yani ki vuravura na ka oqo.

    38 Ia oqo, au sa kaya vakaidina vei iko, ni itukutuku ni aveika kece ko sa vola, ka sa yali mai na ligamu, e ceuti tale tu ga ena bpeleti i Nifai;

    39 Io, ko a nanuma ni a tukuni ena itukutuku volai ena liga ko ya, ni sa tu na kena itukutuku matata cake na veika oqo ena peleti i Nifai.

    40 Ia oqo, me vaka ni matata cake na kena itukutuku ka ceuti tu ena peleti i Nifai me baleta na veika, ena noqu yalomatua, au na kauta mai ki na nodra kilaka na tamata ena itukutuku oqo—

    41 O koya, mo na vakadewataka na veika ka ceuti tu ena apeleti i Nifai, me yacova sara na gauna ni lewa i Penijamini na tui; se me yacova na vanua sa yala toka kina na nomu vakavakadewa, ko se maroroya tiko;

    42 Ia raica, mo na tukuna ni sa ivolatukutuku ni Nifai; au sa kitaka oqo me’u vakamaduataki ira kina era sa vakatanitaka na noqu vosa.

    43 Io au na sega ni vakatara me ra vakarusa na noqu cakacaka; io, au na vakaraitaka vei ira ni noqu yalomatua e uasivia sara na ilawaki qaseqase ni tevoro.

    44 Raica, sa tiko wale ga vei ira e dua na kena iwase, se dua na ivakalekaleka ni itukutuku i Nifai.

    45 Raica, e vuqa sara na ka era ceuti tu ena peleti i Nifai era vakamatatataka vinaka na noqu kosipeli; o koya oqo sa noqu lewa yalomatua, mo sa na vakadewataka na itukutuku mai na itekivu ni peleti i Nifai, ka vakarautaki yani ena vuku ni cakacaka oqo.

    46 Ia, raica, na vo kece ni acakacaka oqo e tiko kece kina na veitiki ni noqu bkosipeli ka ra a cmasuta na noqu parofita yalododonu, io, kei ira talega na noqu tisaipeli, me vakatakilai vei ira na tamata oqo.

    47 Kau sa qai kaya vei ira, ni dodonu me asoli vei ira me vaka na nodra bvakabauta ena nodra masu;

    48 Io, ka sa vakaoqo na nodra vakabauta—ni noqu kosipeli, kau a vakatakila vei ira me ra vunautaka ena nodra gauna, de na qai lako mai vei ira na wekadra na aLeimanaiti, kei ira kece era sa yaco me ra Leimanaiti me baleta na nodra veileti.

    49 Ia oqo, e sega ni o koya wale ga o ya—na nodra vakabauta ena nodra masu sai koya me na vakatakilai talega na kosipeli oqo, kevaka e rawa vei ira kecega era na mai tawana na vanua oqo;

    50 Raica era sa mai biuta kina e dua na veivakalougatataki ena vanua oqo ena nodra masu, ko ira kecega ena vanua oqo era na vakabauta na kosipeli oqo era na rawata na bula tawamudu:

    51 Io, me na tu vakarawarawa ga vei ira na veimatanitu, veimataqali, duivosavosa se tamata kecega.

    52 Ia oqo, raica, mai na nodra vakabauta ena nodra masu au na vakatakila kina na tiki ni noqu kosipeli me ra kila na noqu tamata. Raica, au sa sega ni vakatakila mai me vakarusa na veika era sa taukena, ia me tarai cake ga kina.

    53 A ka oqo au sa kaya kina: Kevaka era sa sega ni vakaukauwataka na lomadra na itabatamata oqo, au na tauyavutaka na noqu lotu ena kedra maliwa.

    54 Ia oqo au sa sega ni tukuna meu vakarusa kina na noqu lotu, ia au sa tukuna meu tara cake kina na noqu lotu;

    55 O koya, ko ira kecega na lewe ni noqu lotu me ra kakua ni arere, ni sai ira sa vakaoqo era na brawata na cmatanitu vakalomalagi.

    56 Ia ko ira era sa sega ni arerevaki au, ka sega ni muria na noqu ivakaro ia era sa vakaduria na nodra blotu vakai ira me ra rawa ciyau kina, io, kei ira kece era sa caka ca ka tara cake na matanitu ni tevoro—io, e dina, e dina, au sa kaya vei iko, sai ira oqori kau na vakararawataki ira, ka vakavuna me ra rere ka sautaninini vakaidina.

    57 Raica, koi Au ko Jisu Karisito, na aLuve ni Kalou. Au sa lako mai vei ira na kai noqu, ka ra qai sega ni ciqomi au na kai noqu.

    58 Koi Au na ararama sa cilava na butobuto, ia na butobuto sa sega ni kunea.

    59 Sai Au sa kaya—vei ira na noqu tisaipeli, e so atani tale na Noqu bsipi era sa sega ni tiko ena bai oqo—ka vuqa e kea era sa sega ni ckila na ibalebale ni noqu vosa.

    60 Ia au na vakatakila vei ira na tamata oqo ni tiko dina e so tale na noqu sipi, ka ra sa taba ni amataqali i Jekope;

    61 Ia au na vakatakila mai na cakacaka e veivakurabuitaki, era a vakayacora ena yacaqu;

    62 Io, au na vakatakila tale ga mai na noqu kosipeli ka a vunautaki vei ira, io, raica, era na sega ni cakitaka na veika ko sa ciqoma, ia era na tara cake, ka vakavotuya mai na veitikina dina ni noqu aivunau, io, na ivunau taudua ga ka tiko vei au.

    63 Au sa kitaka na ka oqo meu vakadeitaka kina na noqu kosipeli, me kakua soti kina na veileti; io, ko aSetani sa vakayavalata na lomadra na tamata ki na bveileti ena veitikina dina ni noqu ivunau; ena veika oqo era sa cala kina, ni ra sa cvakatanitaka na ivolanikalou ka sega ni kila na kena ibalebale.

    64 O koya, au na vakatakila vei ira na veika e vuqa sa vuni tu;

    65 Ia, raica, au na avakasoqoni ira vata me vaka na toa yalewa sa vakasoqoni ira na luvena e ruku ni tabana, kevaka era sa sega ni vakaukauwataka na lomadra;

    66 Io, kevaka era na lako mai, me ra lako mai, ka gunuva wale ga na awai ni bula.

    67 Raica, oqo na noqu ivunau—ko koya sa veivutuni ka alako mai vei au, sai koya na lewe ni noqu blotu.

    68 Ia ko koya yadua sa avakuria se musuka na ka oqo, sa sega ni noqu ko koya, ia sa noqu bmeca; o koya sa sega kina ni lewe ni noqu lotu.

    69 Ia oqo, raica, ko koya yadua sa lewe ni noqu lotu, ka vosota tiko ena noqu lotu me yacova na ivakataotioti, sai koya ena yavutaki ena noqu auluvatu, ena sega ni rawati koya na bmatamata ki eli.

    70 Ia oqo, mo nanuma na nona vosa ko koya na vu-ni-bula kei na ararama kei vuravura, na nomu Dauveivueti, na nomu bTuraga, ka nomu Kalou. Emeni.