iVolanikalou
    Vunau kei na Veiyalayalati 65
    iVakamacala e botona e ra
    Theme

    Wase 65

    Na veika sa vakatakilai yani ena masu mai vei Josefa Simici na Parofita mai Airame, Oaio, ena 30 ni Okotova, 1831.

    1–2, Sa soli na idola ni matanitu ni Kalou vua na tamata e vuravura, ka na qaqa na inaki ni kosipeli; 3–6, Ena vakaduavatataki na matanitu milinieli vakalomalagi kei na matanitu ni Kalou e vuravura.

    1 Dou vakatudaliga, ka rogoca, e dua na domo, me vaka e dua sa talai sobu mai cake sara, ko koya sa kaukauwa ka qaqa, na nona lako yani ena yacova na iyalayala kei vuravura, io, na domona sa baleta na tamata—Dou acaramaka na sala ni Turaga, ka vakadodonutaka na nona salatu.

    2 Sa soli na aidola ni bmatanitu ni Kalou vua na tamata e vuravura, ia mai kea ena qai tete yani na kosipeli me yacova na iyalayala kei vuravura, me vaka na cvatu sa kavida mai na ulunivanua ka sa sega ni ta ena liga, io ena droboti vuravura taucoko.

    3 Io, e dua na domo sa kacikaci—Dou caramaka na sala ni Turaga, dou vakarautaka na aivakayakavi ni Lami, vakarautaka na nona yaco mai na bTagane sa qai Vakawati.

    4 Dou masu vua na Turaga, dou masuta na yacana tabu, io mo dou tukuna yani na nona cakacaka e veivakurabuitaki vei ira na tamata.

    5 Dou masuta vua na Turaga, me toso tiko ga na nona matanitu e vuravura, me ra ciqoma ko ira na tamata, ka ra vakarautaki ira ki na siga ena qai yaco mai, io na siga ka na alako sobu kina mai lomalagi na Luve ni Tamata, ka bvakaisulu ena iserau ni nona clagilagi, me sota kina kei na dmatanitu ni Kalou sa tauyavutaki e vuravura.

    6 O koya, me toso tikoga na amatanitu ni Kalou, me qai yaco mai kina na bmatanitu vakalomalagi, io mo ni vakalagilagi kina na Kalou, mai lomalagi kei vuravura, ia me ra vakamalumalumutaki na nomuni meca; raica sa cnomuni tiko ga na vakarokoroko kei na kaukauwa, kei na lagilagi, me sega ni mudu ka sega ni mudu. Emeni.