Vunau kei na Veiyalayalati 35
    Footnotes

    Wase 35

    Na veika sa vakatakilai vei Josefa Simici na Parofita kei Sidini Rikitoni mai Feieti e Niu Ioka se dua na vanua volekata, ena 7 ni Tiseba, 1830. Oqori ena gauna a ogataka tiko kina e veisiga na Parofita na nona vakadewataka na iVolatabu. A sa tekivu sara na vakavakadewa oqori ena i ka 30 ni June, ka rau a sa vakaitavi ruarua kina vakavunivola ko Oliva Kaudari kei Joni Witima. Ia me vaka ni rau sa kacivi ki na so tale na ilesilesi, sa mani lesi kina vakalou ko Sidini Rikitoni ki na itavi cecere me nona vunivola na Parofita ena cakacaka oqori (raica na tikina e 20). E tukuni kina vaqo ena itukutuku makawa kei Josefa Simici: “A lako mai [Oaio] ko Sidini Rikitoni ena Tiseba me mai taroga na loma ni Turaga ka sala vata mai kei koya o Etuwate Patereji. … Ni rau se qai tadu ga mai vakalailai, sa qai kaya mai vakaoqo na Turaga.”

    1–2, Na sala ena yaco rawa kina na tamata me luve ni Kalou; 3–7, Sa lesi ko Sidini Rikitoni me veipapitaisotaki ka solia na Yalo Tabu; 8–12, Ena vakayacori na ivakatakilakila kei na caka mana ena vakabauta; 13–16, Era na wasewasea na veimatanitu ko ira na nona tamata na Turaga ena kaukauwa ni Yalo Tabu; 17–19, Sa soli vei Josefa Simici na idola ni veika vuni; 20–21, Era sa namaka na tamata digitaki na siga sa lako mai kina na Turaga; 22–27, Ena vakabulai ko Isireli.

    1 Rogoca na domo ni aTuraga na nomudrau Kalou, o koya na bAlifa kei na Omeka, na ivakatekivu kei na ivakataotioti, o koya sa dua na iwavoki tawamudu na nona csala, sa dikoyakoya tiko ga ena siga edaidai ena siga sa oti, ka sega ni mudu.

    2 Koi Au ko Jisu Karisito na Luve ni Kalou, ko koya ka a alauvako ki na kauveilatai ena vuku ni ivalavala ca ni vuravura, ia ko ira kecega sa bvakabauta na yacaqu, me ra na yaco rawa me cluve ni Kalou, me ra dduavata kei au niu sa eduavata kei Tamaqu, ka sa duavata kei au ko Tamaqu, me keimami duavata tale ga vakakina.

    3 Raica, e dina, e dina, au sa kaya vei iko Sidini na noqu tamata, au sa raici iko kei na nomu cakacaka. Au sa rogoca na nomu masu, ka qisi iko ki na dua na cakacaka bibi cake.

    4 Ko sa kalougata ni ko na kitaka na veika cecere. Raica ko sa talai yani me vakataki aJoni, mo caramaka na noqu sala, kei na sala nei bIlaija tale ga ko koya ena qai lako mai, ia ko a sega ni kila.

    5 Ko sa papitaisotaki ira sa veivutuni ena wai, ia era sa sega ni aciqoma na Yalo Tabu;

    6 Ia oqo au sa vakaroti iko, mo lako yani ka aveipapitaisotaki ena wai, ka me ra qai ciqoma na bYalo Tabu ena veitabaki ni cliga, me vakataki ira na iapositolo ena gauna makawa.

    7 Ka na qai yaco e dua na cakacaka cecere ena vanua oqo, vei ira na aMatanitu tani, ni na vakaraitaki mai na nodra yalowai kei na itovo vakasisila e matadra na tamata kecega.

    8 Ni koi Au na Kalou, ka sa sega ni alekaleka na ligaqu; au na vakayacora na bcakacaka mana e vuqa, na civakatakilakila e so kei na ka e veivakurabuitaki, kivei ira kecega era sa dvakabauta na yacaqu.

    9 Ia ko koya sa kerea ena yacaqu ena avakabauta, era na bvakasava tani na ctevoro; ka ra dvakabula na tauvimate; io ena rawa tale ga ni ra kitaka me ra rai na mataboko, ra rogo na didivara, ra vosa na galu ka ra lako na lokiloki.

    10 Ena yaco kusarawa na gauna me na vakaraitaki kina vei ira na luve ni tamata na veika cecere;

    11 Ia kevaka sa asega na vakabauta, ena sega ni dua na ka e vakatakilai mai, ia vakavo ga na brusa mai cPapiloni, io ko koya sa vakamatenitaki ira na veivanua kecega ena waini ni cudru ni nona dveidauci.

    12 Ia sa asega sara sa ivalavala dodonu, ko ira ga sa vakarau tu me ra ciqoma na taucoko ni noqu kosipeli, kau sa tala yani ki na itabatamata oqo.

    13 O koya, au sa digitaka kina na veika amalumalumu e vuravura, ko ira sa bsega ni vuku kei ira sa beci, me ra wasewasei ira na veimatanitu ena kaukauwa ni noqu Yalotabu;

    14 Ia na ligadra ena ligaqu, kau na nodra aisasabai ka nodra ivakaruru; kau na vakadreta na ivau ni tolodra, ka ra na vala vakaukauwa ena vukuqu; ka ra na tiko na nodra bmeca e ruku ni yavadra; au na ctauca na iseleiwau ena vukudra, ka maroroi ira ena dbukawaqa ni noqu cudru.

    15 Ka ra na vunautaka yani vei ira na kosipeli ko ira na adravudravua kei ira sa byalomalua, io era na cwaraka na gauna au na lesu tale mai kina, raica sa dvoleka vakaidina mai—

    16 Ka ra na qai kila na ibalebale ni vosa vakatautauvata ni vu ni alolo, raica sa voleka mai na vulaikatakata.

    17 Kau na qai tala yani na ataucoko ni noqu kosipeli ena ligana na noqu italai ko bJosefa; ia au sa vakalougatataki koya ena veika sa malumalumu kina;

    18 Kau sa solia vua na aidola ni veika vuni sa bdregati tu, io na veika mai na civakatekivu kei vuravura, kei na veika ena yaco ena gauna oqo me yacova ni’u sa lesu tale mai, kevaka sa dina tiko ga vei au, ia kevaka e sega, au na lesia tale e dua me sosomitaki koya.

    19 Ia, mo vakatawai koya tiko kina me kakua ni malumalumu mai na nona vakabauta, ia ena qai soli vua mai vei koya na aDauveivakacegui, io na bYalo Tabu o koya sa kila na ka kecega.

    20 Kau sa vakaroti iko kina—mo nona avunivola; ka na soli yani na ivolanikalou, me vaka ga ni sa tu e lomaqu, me baleta na nodra vakabulai na noqu bdigitaki;

    21 Ni ra na rogoca na adomoqu ka raici au, ka ra na sega ni moce, era na bwaraka tiko na siga au na clesu tale mai kina; ni ra na vakasavasavataki, niu sa dsavasava.

    22 Ia oqo au sa kaya vei aiko, mo drau tiko wawa vata voli ga, ka na tomani iko ko koya ena nomu ilakolako; mo kakua ni biuti koya, raica ena yaco vakaidina na veika kecega oqo.

    23 Ia ena aveigauna kece drau cegu kina ena volavola, raica ena dausoli vua me parofisai; ia ko na vunautaka na noqu kosipeli ka wilika na bnodra vosa na parofita tabu me vakadinadinataka na veika sa tukuna ko koya.

    24 Mo amuria na ivakaro kei na veiyalayalati kecega ko sa vauci kina; kau na vakavuna me byavavala ko lomalagi ena vukumu, ka na sautaninini ko cSetani ia ena dbulabula sara ko Saioni ka vakataudeitaki ena veiulunivanua;

    25 Ia ena avakabulai ko bIsireli ena gauna kau sa lewa; era na tuberi mai ena cidola kau sa solia, ka ra na sega sara ni vakataqayataki tale.

    26 Laveta cake na yalomu ka marau, ni sa voleka na gauna mo avueti kina.

    27 Dou kakua ni rere, na qele ni sipi lailai, raica sa soli vei kemudou na amatanitu me yacova na gauna au sa lesu mai kina. Raica au na blako vakidacala mai. Io ena yaco vakakina. Emeni.