iVolanikalou
    Vunau kei na Veiyalayalati 44
    iVakamacala e botona e ra
    Theme

    Wase 44

    Na veika sa vakatakilai vei Josefa Simici na Parofita kei Sidini Rikitoni, mai Katiladi, Oaio, ena mua ni vula ko Feperueri, 1831. Me vakadonui kina na gagadre sa virikotori tu, sa lokuca kina na Lotu me vakayacori ena itekivu ni vula o June sa roro mai e dua na koniferedi.

    1–3, Sa vakaroti me ra soqoni vata na italatala qase ena koniferedi; 4–6, Me ra cakacaka me vaka na lawa ni matanitu ka vukei ira na dravudravua.

    1 Raica, sa kaya vakaoqo na Turaga vei kemudrau na noqu tamata, au sa lewa me ra kacivi vata mai na italatala qase ena noqu lotu, mai na tokalau kei na ra, ka vakakina mai na vualiku kei na ceva, io me volai yani se tukuni vei ira ena dua tale na kena sala.

    2 Ka na qai yaco, ni ena veigauna kece era na yalodina, ka vakabauti au, au na sovaraka vei ira na aYaloqu ena siga era sa soqoni vata kina.

    3 Ka na qai yaco ni ra na lako yani ki na veiyasana vakavolivolita, ka avunautaka na veivutuni vei ira na tamata.

    4 Raica e lewe vuqa era na asaumaki mai, me rawa kina ni tu vei kemudou na kaukauwa mo dou cokonaki kemudou kina me bvaka na lawa vakatamata;

    5 Me kakua kina ni rawai kemudou na nomudou ameca; mo dou maroroi kina mai na veika kecega; me rawa kina vei kemudou mo dou muria na noqu lawa; raica ena vakamalumalumutaki na ivesu kecega sa segata na meca me vakarusai ira kina na noqu tamata.

    6 Raica, au sa kaya vei kemudou, mo dou araici ira na dravudravua kei na vakaleqai ka vukea na nodra leqa, io me ra karoni tiko kina me yacova ni sa vakayacori na ka kecega me vaka na noqu lawa dou sa ciqoma. Emeni.