iVolanikalou
Vunau kei na Veiyalayalati 23


Wase 23

E lima na ivakatakila sa vakatakilai yani mai vei Josefa Simici na Parofita, mai Menijesita, Niu Ioka, ena Epereli, 1830, me baleti Oliva Kaudari, Airame Simici, Samuela H. Simici, Josefa Simici Levu, kei Josefa Naiti Levu. Me isau ni nodratou gagadre na lewe lima sa cavuti koto e cake na yacadratou, me ratou kila na nodratou dui itavi, a vakatataro na parofita vua na Turaga ka ciqoma kina e yadua na ivakatakila me baleti iratou yadua.

1–7, Ko ira na tisaipeli ka ra a kacivi taumada me ra dauvunau, dauveivakauqeti ka vakaukauwataka na Lotu.

1 Raica, au tukuna mada vei iko, Oliva, e vica na vosa. Raica, ko sa vakalougatataki, ka sega ni cudruvi. Ia mo qarauna na aqaciqacia, mo kakua kina ni rawai ena bveitemaki.

2 Vakayacora na nomu ilesilesi vei ira na lewe ni lotu, kei ira tale ga na kai vuravura, ia ena qai dolavi na lomamu mo vunautaka yani na dina, ena gauna oqo ka sega ni mudu. Emeni.

3 Raica, au na tukuna mada vei iko, Airame, e vica na ka; ni ko sa sega talega ni cudruvi ko iko, ka sa dolavi na lomamu ka sereki na wa ni yamemu; ka sa nomu ilesilesi mo aveivakauqeti vei ira na lewe ni lotu. O koya ena dei tikoga kina ki na lotu me sega ni mudu na nomu itavi, ka ni oqo e baleta na nomu matavuvale. Emeni.

4 Raica, au na tukuna mada vei iko, aSamuela e vica na ka; ni ko sa sega talega ni cudruvi ko iko, ka sa nomu ilesilesi mo veivakauqeti, ka vaqaqacotaka na lotu; ka ko se sega mada ni kacivi mo vunau yani ki vuravura. Emeni.

5 Raica, au na tukuna mada vei iko, Josefa, e vica na ka; ni ko sa sega talega ni cudruvi ko iko, ka sa nomu ilesilesi mo veivakauqeti, ka vaqaqacotaka na lotu; ka sa nomu ilesilesi oqo, mai na gauna oqo ka sega ni mudu. Emeni.

6 Raica, au sa vakatakila vei iko, Josefa Naiti, ena veivosa oqo, mo taura cake na nomu akauveilatai ka gumatua sara ena bmasu cvotu e matadra na tamata, kei na nomu masu vuni tale ga, io mo dau masu ena nomu vuvale, ena kedra maliwa na wekamu kei na veivanua kecega.

7 Ia, sa nomu itavi mo acuru ki na lotu dina oqo, ka ia tikoga na veivakavulici kei na veivakauqeti, io mo rawata kina na isau ni nomu cakacaka. Emeni.