iVolanikalou
Vunau kei na Veiyalayalati 130


Wase 130

Na tiki ni ivakaro eso sa solia ko Josefa Simici na Parofita mai Reimasi e Ilinoi, ena 2 ni Epereli.

1–3, E rawa ni rau na rairai sara ga mai vakatamata vua na tamata na Tamada kei na Luvena; 4–7, Era vakaitikotiko na agilosi ena dua na vuravura vakasilesitieli; 8–9, Na vuravura vakasilesitieli ena vaka e dua na Urimi kei na Cumimi levu; 10–11, Sa soli e yadua na vatu vulavula vei ira kece sa curu ki na vuravura vakasilesitieli; 12–17, Sa sega ni tukuni vei ira na parofita na gauna ni iKarua ni Lako Mai; 18–19, Eda na Tucake Tale mai na mate kei na veika eda sa mai vakavukui kina ena bula oqo; 20–21, Na veivakalougatataki kece e yaco mai ena talairawarawa ki na lawa; 22–23, Erau sa vakalewe ka vakasui ko Tamada kei na Luvena.

1 Ni sa arairai mai na iVakabula eda na qai raica na matana dina. Eda na qai raica ni btamata me vakataki keda ga.

2 Ia na ivakarau ni veimaliwai sa tu vei keda eke ena tu talega vei keda mai kea, ia ena vakaikuritaki toka ena lagilagi atawamudu, na lagilagi oqori eda se bera ni vakila eke.

3 Joni 14:23—Na nodrau rairai mai na aTamada kei na bLuvena ka tukuni ena tikina ko ya, e rairai mai cvakatamata; ia na vakasama ka tukuni kina ni rau dtiko na Tamada kei na Luvena ena lomana e dua na tamata e nodra vakasama eso na matavakabauta makawa vakarisito, ka lasu.

4 Me isau ni taro oqo—Sa vakatau li na iwiliwili ni nona agauna na Kalou, na nodra gauna na agilosi, na nodra gauna na parofita, kei na nodra gauna na tamata ki na vuravura era tiko kina?

5 Au na sauma ka kaya, Io. Ia sa sega na aagilosi tani sa veiqaravi ena vuravura oqo, ko ira ga sa lesi kina kei ira era bula kina e liu.

6 Raica era sa sega ni vakaitikotiko na agilosi ena dua na vuravura me vaka na vuravura oqo;

7 Ia era sa tiko ena iserau ni Kalou, io ena dua na vanua sa vaka na awasa iloilo kei na bbukawaqa, a sa vakaraitaki kina na veika kecega me ra lagilagi kina, io na veika sa yaco oti, na veika sa tu oqo kei na veika e sa bera ni yaco, io era sa rairai kecega ena mata ni Turaga.

8 Raica na vanua e tiko kina na Kalou sa dua na aUrimi kei na Cumimi levu.

9 Na avuravura oqo ena kena itutu vakatabui ka tawacava rawa, ena caka me vaka na karisitala ka na yaco me Urimi kei na Cumimi vei ira sa vakaitikotiko kina, ka na vakaraitaki vei ira sa tiko kina na veika kece e baleta e dua na matanitu lolovira, se na matanitu kece ena ivakatagedegede e ra; ia ena nei Karisito na vuravura oqo.

10 Sa na qai yaco me Urimi ka Cumimi vei ira yadua era na taura e dua, na vatu vulavula ka tukuni ena iVakatakila 2:17, o koya ena vakatakilai kina na veika kece e baleta na veimatanitu cecere cake;

11 Ka na soli e yadua na vatu avulavula vei ira yadua era na curuma yani na matanitu silesitieli, sa volai tu kina e dua na byaca vou, ena sega tale ni dua na tamata e kila ia ko koya ga sa ciqoma. Na yaca vou sai koya na idola.

12 Au sa parofisaitaka, ena yaca ni Turaga na Kalou, ni itekitekivu ni veika adredre ka na vakavuna na dave vakalevu ni dra ni se bera na nona lako mai na Luve ni Tamata ena yaco mai ena bCeva kei Karolaina.

13 E rairai vu beka mai ena ka e baleti ira na bobula. Sa vakatakila vei au e dua na domo na veika oqo, ni’u sa masumasu tiko vagumatua ena vuku ni tikina oqo, ena ika 25 ni Tiseba, 1832.

14 Au a masumasu tiko vagumatua ena dua na gauna meu kila na gauna ena alako mai kina na Luve ni Tamata, au qai rogoca e dua na domo ni cavuta mai na veika oqo:

15 I Josefa na luvequ, kevaka ko sa bula tiko me yacova ni ko sa yabaki walusagavulu kalima, ko na raica na matai koya na Luve ni Tamata; ia mo laiva me sa rauta ga ko ya, ka mo kakua tale ni vakasosataki au ena ka oqo.

16 Au sa mani biu tu kina vakaoqo, meu sega tu ni lewa rawa, na lako mai oqo, sai koya beka na lako mai ena itekivu ni mileniumi se eso beka na rairai sa oti yani, se au na qai raica beka na matana ni’u sa mate.

17 Au vakabauta ni na sega ni rairai mai na Luve ni Tamata ni se bera na gauna ko ya.

18 Se cava ga na ivakatagedegede ni avuku eda mai rawata ena bula oqo, ena tucake vata kei keda ni da sa btucake tale.

19 Ia kevaka e dua na tamata sa levu cake na ka e vulica ka akila ena bula oqo ena nona bgugumatua ka ctalairawarawa mai vua e dua tale, ena dyaga vakalevu cake sara vua ena vuravura sa bera mai.

20 E dua na alawa, ena sega ni vakasukai sa virikotori tu mai lomalagi ni sa bbera ni buli na vuravura oqo, ia sa vakayavutaki kina na cveivakalougatataki kecega—

21 Ia ni da sa rawata e dua na veivakalougatataki mai vua na Kalou, sa rawa ena vuku ni da sa talairawarawa ki na lawa sa vakayavutaki kina—

22 Sa vakalewena ka vakasuina na ayago i koya na bTamada ka rawa ni da tara me vaka ga e dua na tamata; sa vakatale ga kina ko koya na Luvena; ia na cYalo Tabu sa sega ni vakalewena se vakasuina na yagona, raica sa yalo ga ka sa vaka na ibulibuli ni tamata. Kevaka me sega ni vakakina, ena sega ni rawa ni mai tiko e lomada na Yalo Tabu.

23 Sa rawa ni ciqoma na aYalo Tabu e dua na tamata, ena rawa ni siro sobu mai ki vua ka na sega ga ni mai tiko vua.