iVolanikalou
Vunau kei na Veiyalayalati 19


Wase 19

Na ivakatakila sa soli yani mai vei Josefa Simici e Menijesita, Niu Ioka, kena irairai ena vulaikatakata ni 1829. Ena nona itukutuku makawa sa vakamacalataka kina na Parofita kivei Matini Erisi ni “dua na nona ivakaro na Kalou ka sega ni ka vakatamata, ka solia ko koya sa Tawamudu.”

1–3, Sa tu vei Karisito na kaukauwa kecega; 4–5, Na tamata kecega me ra veivutuni de ra na cudruvi; 6–12, Na cudruvi tawamudu sa itotogi ni Kalou; 13–20, Sa vakararawataki ko Karisito ena vukuda kece meda kua kina ni vakararawataki kevaka eda sa veivutuni; 21–28, Vunautaka na kosipeli ni veivutuni; 29–41, Vunautaka yani na itukutuku rekitaki.

1 Koi Au na aAlifa kei na Omeka, na bKarisito na Turaga; io, sai Au ga ko koya, na ivakatekivu kei na ivakataotioti, na Dauveivueti kei vuravura.

2 Ia koi Au, niu sa mai vakayacora ka avakacavara na lomai koya ka taukeni au, io na Tamada, me baleti au—au sa kitaka na ka oqo meu bvakamalumalumutaka kina vei au na veika kecega—

3 Raica sa tu vei au na akaukauwa kecega, io me bvakarusai sara mada ga kina ko Setani kei na nona cakacaka ena civakataotioti kei vuravura, io ena siga levu ni veilewai, kau na solia vei ira kecega sa tiko kina, ka dlewai ira kina na tamata ena nodra eivalavala kei na veika era a kitaka.

4 Ia sa dina sara me ra aveivutuni na tamata kecega de ra na bcudruvi, ni koi Au, na Kalou, sa ctawacava.

5 O koya, niu sa sega ni dau avakasuka na noqu lewa, ia ena yaco ga na cudruvi, na dautagi, na btagiyaso kei na vakasequruqurubati io, vei ira era na kune ena ligaqu cimawi.

6 Ia, sa asega ni volai ni na sega ni oti na rarawa, ia sa volai ni na btawacava na rarawa oqo.

7 Sa volai tale ga ni ra na cudruvi me atawamudu; o koya sa vakamatatataki sara na tikina oqo mai na ivolanikalou tale eso, me rawa ni cakacaka kina ka uqeta na lomadra na luve ni tamata, na veika kece ko ya me vakalagilagi kina na yacaqu.

8 O koya, au na vakamacalataka vei kemudou na veika vuni oqo, ni sa kilikili mo dou kila me vakataki ira na noqu iapositolo.

9 Au sa tukuna vei kemudou sa digitaki ena vuku ni ka oqo, mo dou vaka e le dua bau ga mo dou curu ki na noqu aivakavakacegu.

10 Ia, raica, na veika avuni ni bula vakalou, sa cecere vakaidina! Ia, raica, Au sa tawacava, ia na itotogi sa soli mai ligaqu sa itotogi tawacava, ni yacaqu ko bTawacava. O koya—

11 Na totogi atawamudu sa itotogi ni Kalou.

12 Na totogi tawacava sa itotogi ni Kalou.

13 O koya, Au sa vakaroti iko kina mo veivutuni, ka muria na noqu aivakaro ko sa ciqoma mai na ligana na noqu tamata ko Josefa Simici Lailai ena yacaqu;

14 Ia mai na noqu kaukauwa cecere ko sa ciqoma kina na veika ko ya;

15 O koya au sa vakarota kina mo veivutuni—veivutuni, deu na yaviti iko ena ititoko ni gusuqu, kei na noqu cudru, kei na noqu cudru waqawaqa, raica ena mosi na nomu ararawa—na kena mosi ko sa sega ni kila, na kena bibi ko sa sega ni kila, io, na kena dredre mo vosota ko sa sega ni kila.

16 Ia raica, koi Au na Kalou, au sa avakararawataki oti ena veika oqo ena vukudra kece, me ra kakua kina ni bsotava na rarawa kevaka era sa cveivutuni;

17 Ia kevaka era sa sega ni veivutuni era na avakararawataki me vakataki Au;

18 Na rarawa sa vakavuna vei au, na Kalou sara mada ga, ko koya sa kaukauwa sara, me sautaninini ena vuku ni mosi, sa titiri kina na dra mai na qara kecega ni yagoqu, ka sa rarawa sara kina na yagoqu kei na yaloqu—kau sa gadreva meu akakua ni gunu mai na bilo wiwi, ka vakasuka—

19 Ia, me vakalagilagi ga ko Tamaqu, kau sa gunuva na bilo ka avakacavara na noqu vakavakarau vei ira na luve ni tamata.

20 O koya, au sa vakaroti iko tale oqo mo veivutuni, deu na vakayalomalumalumutaki iko ena noqu kaukauwa cecere, mo atusanaka na nomu ivalavala ca, de na tau vei iko na itotogi kau tukuna tiko, ka ko a sota kaya na kena ka lailai sara ena gauna au a vakasuka kina na Yaloqu.

21 Au sa vakaroti iko mo kakua ni avunautaka tale e dua na ka ia na veivutuni ga, ia mo bkakua mada ni vakatakila na veika oqo ki vuravura me yacova na gauna au sa lewa vakayalomatua kina.

22 Ni ra se sega ni arawata na lewenimanumanu, ia me ra vagunuvi mada ga ena bsucu; raica, o koya me ra kakua mada ni kila na veika oqo, de ra na rusa kina.

23 Mo vuli vei au, ka muria na noqu vosa; mo abula ena byalomalua ni Yaloqu, ko na rawata kina na noqu cvakacegu.

24 Koi Au ko aJisu Karisito; sa talai au mai ko Tamaqu, kau sa vakayacora na lomana.

25 Kau sa tukuna tale, au sa vakaroti iko mo kakua ni akocova na bwatina na kai nomu; io mo kakua tale ga ni segata mo vakamatea na kai nomu.

26 Kau tukuna tale, au sa vakaroti iko tale ga mo kakua ni kocokoco ena vuku ni nomu iyau, ia mo solia wale ga me tabaki kina na iVola i Momani, ka tiko kina na adina kei na vosa ni Kalou—

27 Oqori na noqu vosa vei ira na aMatanitu tani, ka na sega ni dede sa na lako vei ira na bJiu, ka ra kedra civovo ko ira na Leimanaiti, me ra vakabauta kina na kosipeli, ka kakua ni ra vaqara tiko na dMesaia me lako mai ni sa lako oti mai.

28 Kau tukuna tale, au sa vakaroti iko tale ga mo adaumasu bvotu ka vakatalega kina na masu e vu ni yalomu; io, masu e matana levu se na tikina vuni, ena mata ni lewe levu se na nomu tikina taudua.

29 Ia mo akacivaka yani na itukutuku rekitaki, io, kacivaka ena veiulunivanua, kei na veitikina cecere, ka vakakina ena kedra maliwa na tamata ko na vakatarai mo raici ira.

30 Ka mo vakayacora ena yalomalumalumu, ka avakabauti au, kakua ni vosavakacacataki ira na dau veivakacacani.

31 Raica mo kakua ni vunautaka na aivakavuvuli dredre, ia mo vunautaka ga na veivutuni kei na bvakabauta na iVakabula; kei na cbokoci ni ivalavala ca ena dpapitaiso, kei na ebukawaqa, io, ena fYalo Tabu.

32 Raica, oqo e dua na aivakaro bibi ka sa iotioti kau na solia vei iko me baleta na ka oqo; ni sa na rauta vinaka na nomu bula tiko e veisiga, me yacova na iyalayala ni nomu bula.

33 Ena yaco vei iko na leqa kevaka ko sa beca na aivakasala oqo, io, na vakarusai ni nomu bula kei na nomu iyau.

34 Mo asolia e dua na iwase ni nomu iyau, io, na tiki ni nomu qele, kei na ka kecega me qai vakavo ga na ka me bula kina na nomu matavuvale.

35 Mo sauma na adinau sa bveiyalayalatitaki tu vua na dautabaivola. Vagalalataki iko mai na civesu oqo.

36 Mo abiuta na nomu itikotiko kei na nomu vale, vakavo ga kevaka o gadreva mo mai raica na nomu matavuvale;

37 Mo adauvosa ena galala vei ira kecega; io, vunau, veivakayaloqaqataki, tusanaka na bdina, io vakadomoilevu, ena irorogo ni reki, ka kailavaka—Osana, osana, sa kalougata na yaca ni Turaga na Kalou!

38 Mo adaumasu tiko ga, raica au na bsovaraka vei iko na Yaloqu, ena qai levu kina na nomu kalougata—io, ena sivia sara mai na ka mo a rawata mai na veika talei ni vuravura ka dau caca wale.

39 Raica, ko sa sega li ni marau ena itukutuku oqo ka reki na lomamu ena levu ni mamarau?

40 Se ko sa vakatitiqa tiko ga me vaka e dua na ivakavuvuli mataboko?

41 Se ko sa sega beka ni rawa ni ayalomalua ka yalomalumalumu, ka caka dodonu e mataqu? Io, mo blako mai vei au, na nomu iVakabula. Emeni.