Vunau kei na Veiyalayalati 78
    Footnotes

    Wase 78

    Na veika sa vakatakilai yani mai vei Josefa Simici na Parofita, e Katiladi, Oaio, ena 1 ni Maji, 1832. Ena siga oya era a soqoni vata kina na Parofita kei ira na iliuliu tale eso me ra veivosakitaka na bisinisi ni Lotu. Na ivakatakila oqo a vakaroti iratou taumada na Parofita, Sidini Rikitoni, kei Niueli K. Witini me ratou lako ki Misuri ka laki tauyavutaka na sitoa ni Lotu kei na sasaga ni tabaivola ena kena tauyavu e dua na “kabani” ka na raica na veisasaga oqo, vakavurei na ilavo me baleta na kena tauyavu ko Saioni kei na nodra vukei na dravudravua. Na kabani oqo ka vakatokai me Kabani Cokovata a tauyavutaki ena Epereli ni 1832 ka bokoci tale ena 1834 (raica na wase 82). Ena dua na gauna ni oti na kena sa bokoci, ena veidusimaki nei Josefa Simici, sa vakaisosomitaki na malanivosa “na isoqosoqo ni volivolitaki kei na tabaivola” ena malanivosa “na veika me baleta na lololo me yaga vei ira na noqu tamata era dravudravua” ena ivakatakila, ka sosomitaka na vosa “kabani” na vosa “isoqosoqo.”

    1–4, Sa dodonu me ra tauyavutaka na Yalododonu e dua na lololo; 5–12, Era na vakabulai kevaka era lewa vakavuku na nodra iyau; 13–14, Me na tu vakataki koya na Lotu mai na kaukauwa vakavuravura; 15–16, Sa cakacaka ko Maikeli (Atama), ena ruku ni nona vakatulewa na Yalo Savasava (Karisito); 17–22, Era sa kalougata ko ira sa yalodina, ni ra na taukena na ka kecega.

    1 Sa vosa na Turaga vei Josefa Simici Lailai, ka kaya: Vakatudaliga vei au, sa kaya na Turaga na nomudou Kalou, koi kemudou dou sa tabaki ki na amatabete levu ni noqu lotu, ka dou sa soqoni vata tiko;

    2 Ka rogoca na nona aivakasala ko koya sa btabaki kemudou mai lagi, ko koya ena tukuna ki daligamudou na vosa ni yalomatua, mo dou vakabulai kina ena veika dou sa kauta mai vei au, sa kaya na Turaga na Kalou.

    3 Niu sa kaya vakaidina vei kemudou, sa yaco mai na gauna, io sa kena gauna oqo; ia raica ka kila, sa dodonu me ra acokonaki na noqu tamata, me vakataulewataki ka tauyavutaki na veika me baleta na blololo me yaga vei ira na noqu tamata era cdravudravua, ena vanua oqo ka vakakina ena vanua ko dSaioni

    4 Me tudei ka tawavakaiyalayala na isoqosoqo kei na ivakarau ena noqu lotu, me vakatetei na inaki, dou sa yalataki kemudou kina, ena nodra vakabulai na tamata, kei na nona lagilagi na Tamamudou sa tiko mai lomalagi;

    5 Mo dou vauci avakatautauvata kina ena veika vakalomalagi, io, kei na veika vakavuravura talega, me baleta na kena rawati na veika vakalomalagi.

    6 Ni kevaka dou sa sega ni tautauvata ena veika vakavuravura ena sega ni rawa ni dou tautauvata ena rawati ni veika vakalomalagi;

    7 Ni kevaka dou sa gadreva me’u solia e dua na tikina vei kemudou ena vuravura avakasilesitieli, sa kilikili mo dou bvakarautaki kemudou ena nomudou cvakayacora taumada na veika au sa vakarota vei kemudou ka gadreva vei kemudou.

    8 Ia oqo, sa kaya dina vakaoqo na Turaga, sa kilikili me vakayacori na ka kecega meu avakalagilagi kina, mai vei kemudou sa vauci vata ena bivakarau oqo;

    9 Se, ena dua tale na kena vosa me ratou lako mada na noqu tamata ko Niueli K. Witini, kei na noqu tamata ko Josefa Simici Lailai kei na noqu tamata ko Sidini Rikitoni, ka dabe vata ena dua na bose, vata kei ira na lewe ni lotu mai Saioni;

    10 De na qai segata ko aSetani me vagolea tani na lomadra mai na dina, ka yaco me ra vakamatabokotaki me ra kakua ni kila na veika sa vakarautaki tu me baleti ira.

    11 Ia, au sa solia vei kemudou e dua na ivakaro, mo dou vakarau ka cokonaki kemudou ena dua na ivau se aveiyalayalati tawavakaiyalayala ka sega ni rawa ni voroki.

    12 Ia ko koya sa voroka ena sivo mai na nona ilesilesi kei na itutu ena lotu, ka na soli yani me avakararawataki koya ko Setani me yacova na siga ni veivueti.

    13 Raica, sai koya oqo na veivakarautaki au sa vakarautaki kemudou kina, kei na yavu, kei na ivakaraitaki au sa solia vei kemudou, mo dou rawata kina na ivakaro sa soli vei kemudou;

    14 Ena noqu veivuke, e dina ni na tu na adredre ka na yacovi kemudou mai, me na tu ga vakaikoya na lotu mai na veika bula kecega ena ruku ni vuravura vakasilesitieli;

    15 Mo dou rawata kina na aisala vakatui sa vakarautaki tu me nomudou, ka mo dou yaco kina mo dou biliuliu ena vuqa na veimatanitu, sa kaya na Turaga na Kalou, na Yalo Savasava ni Saioni, ko koya sa tura na yavu kei cAtama-onitai-Amani;

    16 Ko Koya sa lesi aMaikeli me nomudou ravouvou, ka vakadeitaka na yavana, ka vakacerecerei koya, ka solia ki vua na idola ni veivakabulai ena ruku ni nona vakatulewa ko Koya na Yalo Savasava, o koya sa sega ni vakatekivu na nona gauna se oti na nona bula.

    17 E dina, e dina, au sa kaya vei kemudou, oi kemudou na gonelalai, ka dou sa sega ni kila na cecere ni veivakalougatataki sa koto ena ligana na Tamaqu ka sa vakarautaka me baleti kemudou;

    18 Ka dou sa sega ni akila na ka kecega; ia, dou marau ga, niu na bliutaki kemudou tiko. Sa nomudou na matanitu kei na veivakalougatataki sa koto kina, ka sa nomudou na iyau ni gauna ctawamudu.

    19 Ia ko koya sa avakavinavinakataka na ka kecega sa soli vua ena vakalagilagi; ka na vakaikuritaki vua na veika ni vuravura oqo, io ena bvakadrautaki, ka sivia.

    20 O koya, mo dou cakava kina na ka kecega au sa vakarota vei kemudou, sa kaya na nomu Dauveivueti, io na Luvei aAmani, ko koya sa vakarautaka na ka kece ni bera ni mai bkauti kemudou;

    21 Ni sai kemudou na nona lewe ni alotu na Ulumatua, ia ena bkauti kemudou cake ko koya ena o, ka lesia ki na tamata yadua na nona ivotavota.

    22 Ia ko koya sa yalodina tiko ga ka adauveiqaravi byalomatua, ena rawata na ka ckecega. Emeni.