iVolanikalou
Vunau kei na Veiyalayalati 45


Wase 45

Na veika sa vakatakilai vei Josefa Simici na Parofita me tukuni ki na Lotu, mai Katiladi, e Oaio, ena 7 ni Maji, 1831. Ena itekivu ni nona itukutuku me baleta na ivakatakila oqo, e tukuna kina na itukutuku makawa kei Josefa Simici ni “ena itabayabaki oqo ni Lotu … sa tabaki tiko kina e vuqa na itukutuku lasu … kei na italanoa lialia … ka veisoliyaki, … me tarovi ira na tamata mai na nodra vakadikeva na cakacaka se na nodra taura na vakabauta. … Ia era sa reki vakalevu na Yalododonu, … Niu sa ciqoma na veika oqo.”

1–5, Sa noda dautataro vei Tamada ko Karisito; 6–10, Na kosipeli sai koya e dua na dautukutuku me mai caramaka na sala ni Turaga; 11–15, Sa ciqomi Inoki kei ira na nona tamata na Kalou ki Vua; 16–23, Sa vakatakila ko Karisito na ivakatakilakila ni Nona lako mai, me vaka a vakamacalataka mai na Ulunivanua ni Veiolive; 24–38, Ena vakalesui tale mai na kosipeli, ka na yaco na nodra gauna na Matanitu Tani, ka na roboti vuravura taucoko na matetaka veivakatalai; 39–47, Na ivakatakilakila, na ka veivakurabuitaki, kei na Tucake Tale ena yaco ena iKarua ni nona Lako Mai; 48–53, Ena tucake na Karisito ena Ulunivanua ni Veiolive, ka ra na raica na Jiu na we ni mavoa e Ligana kei na Yavana; 54–59, Sa na mai vakatulewa na Turaga ena Mileniumi; 60–62, Sa vakaroti vua na Parofita me tekivu vakadewataka na Veiyalayalati Vou, ena qai vakatakilai mai kina e so na itukutuku bibi; 63–75, Era sa vakaroti na Yalododonu me ra soqoni vata ka tara na Jerusalemi Vou, na vanua era na soqoni vata yani kina na tamata mai na veimatanitu kecega.

1 Dou vakatudaliga, Oi kemudou na lewe ni noqu alotu, io koi kemudou sa soli vei kemudou na bmatanitu; dou vakatudaliga ka vakarorogo vei koya sa tura na yavu kei vuravura, ko koya sa cbulia na lomalagi kei ira kecega sa tiko kina, io ko koya sa bulia na ka bula kecega, na ka kecega sa yavala, ka rawata mai vua na nodra bula.

2 Au sa kaya tale, dou rogoca na domoqu, de dou na amate kusarawa; ena bauwa dou sa sega ni vakasamataka kina ni sa oti na vula i katakata, sa cava na ctatamusuki, ka sega ni vakabulai na yalomudou.

3 Dou vakarorogo vei koya na adautataro vei Tamana, io ki vua sa vakamamasu tiko vei koya ena vukumudou—

4 A sa kaya: Tamaqu, mo ni nanuma na nona ararawa ka vakamatei ko koya sa btawacala, ko koya ko ni sa daulomana vakalevu; raica na nona dra na Luvemuni sa mai vakadavei, na nona dra ko koya ko ni sa solia mai mo ni cvakalagilagi kina;

5 Ia Tamaqu, mo ni lomani ira na wekaqu oqo ka ra sa avakabauta na yacaqu, io me ra lako mai vei au ka rawata na bbula tawavakaiyalayala.

6 Dou vakatudaliga na lewe ni noqu lotu, dou vakarorogo kece mai na italatala qase, ka rogoca na domoqu aedaidai, io dou kakua ni vakaukauwataka na lomamudou;

7 Niu sa kaya vakaidina vei kemudou, koi Au na aAlifa kei na Omeka, na ivakatekivu kei na ivakataotioti, na rarama kei na vu-ni-bula kei vuravura—na brarama sa cilava na butobuto, ia na butobuto sa sega ni kunea.

8 Au sa lako mai vei ira na kai noqu, ka ra qai sega ni ciqomi au na kai noqu; ia ko ira kecega sa vakabauti au, au sa solia vei ira na akaukauwa me ra kitaka e levu na cakacaka e bveivakurabuitaki, ka yaco me ra cluve ni Kalou; io ko ira kecega sa dvakabauta na yacaqu, au sa solia vei ira na kaukauwa me ra rawata kina na ebula tawamudu.

9 Raica au sa solia yani ki vuravura na noqu aveiyalayalati btawamudu, io me nodra rarama na kai vuravura, ka civakarau vei ira na noqu tamata, io me ra muria na dMatanitu Tani, ka edautukutuku yani me caramaka na sala e mataqu.

10 O koya mo dou curuma yani koi kemudou, ia ko koya sa curuma, au na veivosaki vata kaya me vaka ka’u a dau kitaka vei ira e liu, ia au na vakaraitaka vei kemudou na akaukauwa ni noqu vosa.

11 O koya, mo dou vakatudaliga kece mai, ka’u na qai vakatakila vei kemudou na noqu vuku—na nona vuku ko koya dou sa vakatoka me Kalou i aInoki, kei ira na nona tamata.

12 Ko ira era a kau atani mai vuravura, au qai ciqomi ira—na bkoro levu sa maroroi tu me yacova ni sa yaco mai na siga ni caka dodonu—na siga era a vakasaqara na tamata yalosavasava kecega, ka ra a sega ni kunea ena vuku ni ivalavala ca kei na itovo vakasisila;

13 Ka ra sa vakatusa ni ra a tiko avulagi ga ka veilakoyaki voli e vuravura;

14 Raica a ayalataki vei ira ni ra na kunea ka raica vakaidina ena yagodra.

15 O koya mo dou vakarorogo, ka’u na veivosaki kei kemudou, io au na vosa ka parofisai vei kemudou me vaka au a dau kitaka vei ira ena gauna e liu.

16 Kau na vakaraitaka vakavinaka me vaka na noqu avakaraitaka vei iratou na noqu tisaipeli, ni’u a tucake tu vakayago e matadratou ka vosa vei iratou ka kaya: Me vaka ni dou sa taroga vei au na bivakatakilakila ni noqu lako mai, ena siga au na lako mai kina ena veio ni lomalagi ena noqu lagilagi, me’u vakayacora na veika au a yalayala kina vei ira na nomudou qase,

17 Me vaka ni dou sa okata me gauna ni veivakabobulataki na nodrau aveitawasei tu vakabalavu na yagomudou kei na byalomudou, au na vakaraitaka vei kemudou na gauna ena yaco kina na siga ni veivueti, kei na nodra cvakalesui mai na Isireli era sa dveiseyaki tu.

18 Ia oqo dou sa raica na valetabu sa duri tu oqo mai Jerusalemi, io dou sa vakatoka me vale ni Kalou, ka ra kaya na nomudou meca ni na sega ni bale rawa na vale oqo.

19 Ia, au sa kaya vakaidina vei kemudou, ena yaco na veivakarusai ki na itabatamata oqo me vaka na daubutako ena bogi, ia era na vakacacani ka veiseyaki ki na veivanua kecega na matatamata oqo.

20 Ia na valetabu dou sa raica tu oqo, ena talaraki sobu ka na sega ni vo e dua na vatu sa veitaqataqai.

21 Ka na qai yaco, ni na sega mada ni sa takali yani na itabatamata ni Jiu ka ra bula tiko oqo, sa na yaco na veivakarusai levu kau sa tukuna oti tiko me baleti ira.

22 Dou sa kaya dou sa kila ni sa voleka na aivakataotioti kei vuravura; dou sa kaya tale ga dou sa kila ni na takali yani na lomalagi kei na vuravura;

23 Ia ena vuku ni ka oqo, dou sa kaya vakaidina kina, ni na vakadina kina; ia na veika au sa tukuna vei kemudou ena sega mada ni takali me yacova ni sa yaco oti na veika kece oqo.

24 Kau sa tukuna vei kemudou na veika oqo me baleti Jerusalemi; ia ni sa yaco mai na siga koya, era na qai aveiseyaki ki na veimatanitu kecega na kedra ivovo;

25 Ia era na avakasoqoni vata tale; ia era na tu ga me yacova ni sa yaco na nodra gauna na bMatanitu Tani.

26 Ia ena siga ako ya dou na rogoca na bivalu, kei na irogorogo ni valu, ena yavavala ko vuravura taucoko, ka ra ckani yatedra na tamata, io era na kaya ni na dvakaberaberataka na nona lesu tale mai na Karisito me yacova na ivakataotioti kei vuravura.

27 Raica ena batabata mai na nodra loloma na tamata, ia ena tubu vakalevu sara na itovo ca.

28 Ia ni sa yaco mai na nodra gauna na aMatanitu Tani, ena cila yani e dua na brarama vei ira sa tu ena butobuto, io sai koya na taucoko ni noqu kosipeli;

29 Ia era na sega ni aciqoma; ni ra sa sega ni raica na rarama, ka ra sa vagoleya tani mai vei au na blomadra ena vuku ni nodra civakavuvuli na tamata.

30 Ia ena itabatamata oqori, ena yaco kina na nodra gauna na Matanitu Tani.

31 Raica e so era na bula tiko ena itabatamata oqori, ka na raica na aveivakanakuitataki rabailevu ena yaco ni bera ni ra mate; io ena robota na vanua taucoko e dua na matetaka veivakatalai.

32 Ia ko ira na noqu tisaipeli era na atudei tu ena veivanua tabu, ka sega ni yavalati rawa; ia ena kedra maliwa na tamata ca, era na tabalaka cake na domodra na tamata ka bvosa vakacacataka na Kalou ka mate yani.

33 Ka na yaco talega na atavuki ni vanua ena veivanua e vuqa, kei na veivakararawataki levu; ia era na vakaukauwataka vei au na tamata na lomadra, ka ra na laveta na nodra biseleiwau me ra veivala vakataki ira, ka ra na veivakamatematei vakataki ira.

34 Ia oqo, ni’u sa vosataka koi au na Turaga, na veivosa oqo, vei ira na noqu tisaipeli, era sa lomaleqa kina.

35 Kau sa qai kaya vei ira: Dou kakua ni ararawa, ni, ena gauna sa yaco kina na veika oqo, mo dou kila sara ni sa vakayacori na veika kecega sa yalataki vei kemudou.

36 Ia ni sa tekivu me cila yani na rarama, ena cilavi ira me vaka na vosa vakatautauvata au na tukuna vei kemudou—

37 Dou rai yani ka raica na vu ni alolo, dou wadrava matua tiko e matamudou, ka dou na kaya beka ni sa lavouvou mai na tabana ka tubu na drauna, ni sa voleka sara na vulaikatakata;

38 Ena vakakina ena siga koya ni ra sa raica na veika oqo, era na qai kila ni sa voleka na kena gauna.

39 Ka na qai yaco ni ko ira sa arerevaki au era sa na bnamaka tiko na kena yaco mai na csiga levu koya ni Turaga, io na divakatakilakila ni nona lako mai na eLuve ni Tamata.

40 Ka ra na raica na ivakatakilakila kei na ka e veivakurabuitaki, ni ra na vakaraitaki mai lomalagi e cake, kei na vuravura e ra.

41 Io era na raica na dra, kei na abukawaqa, kei na o kubou.

42 Ia ni sa bera ni yaco na nona siga na Turaga, ena vakabutobutotaki na amatanisiga ka vuki na vula me dra, ka lutu mai na veikalokalo ni lomalagi.

43 Raica era na qai soqoni vata mai ki na vanua oqo na kena ivovo;

44 Oti era na qai vakasaqarai au, ia, raica, au na lako dina mai; ka ra na raici au ena veio ni lomalagi, ni’u vakaisulu tu ena kaukauwa kei na alagilagi levu; vata kei ira na agilosi yalosavasava; ia ko ira sa sega ni bwaraki au, era na muduki tani.

45 Ia ni sa bera ni tau na liga ni Turaga, ena uvuca mada na nona adavui e dua na agilosi, ka ra na qai btucake mai ko ira na yalododonu era sa moce no, me ra veitata kei au ena co.

46 Ia, ko sa kalougata kevaka ko sa moce koto ena avakacegu; ia me vaka ni dou sa raici au ka kilai au oqo, dou blako tale ga mai vei au cme bula kina na yalomudou, io me taucoko sara na nomudou sereki; ka ra na soqoni vata mai na yalododonu mai na yasai vuravura e va.

47 Raica ena qai tau na alewa ni Turaga ki na veimatanitu.

48 Ia ena qai tu na Turaga ena aulunivanua oqo, ia ena kavida rua, ka na bsakure ko vuravura, ka suaigelegele vaka ka vaka, io ena yavavala ctale ga ko lomalagi.

49 Raica ena vosa na Turaga ka rogo na domona ki na iyalayala kei vuravura; era na atagi na veimatanitu, ka ra na kila na nodra cala ko ira sa dredre.

50 Ena rarawa sara ko koya sa dauveivakalialiai, ka na oti na veivakacacani; ia ko ira sa dauyadra me ia na ka e sega ni dodonu, era na tamusuki sobu ka biu ki na bukawaqa.

51 Era na qai avakaraici au mai na bJiu ka taroga: A we li ni cava oqori e ligamu kei na yavamu?

52 Ia era na qai kila ni sai Au na Turaga; ni’u na kaya vakaoqo vei ira: Na mavoa oqo sai koya na mavoa au a avakamavoataki kina ena vale ni wekaqu. Raica sai au ga sa laveti cake. Koi Au ko Jisu ka a blauvako ki na kauveilatai. Raica sai au na Luve ni Kalou.

53 Ia era na qai atagicaka na nodra caka cala; io era na tagicaka ni ra a vakararawataka na nodra btui.

54 Ia era na qai sereki na veimatanitu atawa lotu, io ko ira sa sega ni kila na lawa era na vakaitavi vakatikina ena imatai ni btucake tale; io ena csega soti ni bibi sara vei ira na lewa e baleti ira.

55 Ka na qai avesu tu ko bSetani, ka na sega ni rawata na lomadra na luve ni tamata.

56 Ia ena asiga ko ya, ni’u sa lako mai ena noqu lagilagi, sa na qai vakayacori na vosa vakatautauvata ka’u a tukuna me baleti iratou na bgoneyalewa savasava e le tini.

57 Ia ko ira sa yalomatua ka vakabauta na adina, ka ra sa taura na Yalo Tabu me nodra bidusidusi, ka ra qai sega ni crawai—au sa kaya vakaidina vei kemudou, era na sega ni tamusuki sobu ka biu ki na dbukawaqa, raica era na tu ena siga ko ya.

58 Ia ena qai soli vei ira ko avuravura me nodra bivotavota vakawa; a ra na tubu me lewe levu ka kaukauwa mai, era na ctubu cake ka sega ni ivalavala ca ko ira na luvedra, io era na rawata na dveivakabulai.

59 Raica ena tiko ena kedra amaliwa na Turaga, ka na serauni ira na nona lagilagi, io ena nodra tui ka nodra bdaunilewa.

60 Ia oqo, raica, au sa kaya vei kemudou, ena sega ni soli vei kemudou mo dou kila e dua tale na ka me baleta na iwase oqo, me yacova ni sa vakadewataki na aVeiyalayalati Vou, ena kilai mai kina na veika kece oqo.

61 O koya au sa vakadonuya kina vei iko mo sa vakadewataka oqo, me rawa ni o vakarautaki iko kina ki na veika ena yaco mai.

62 Ni’u sa kaya vakaidina vei kemudou, ni sa waraki kemudou tu na veika lelevu;

63 Dou sa rogoca na aivalu ena veivanua tani; ia, raica, au sa kaya vei kemudou, sa volekati kemudou sara, io ena mata ni nomudou katuba, ia ena sega soti ni dede dou sa na rogoca na ivalu ena nomudou vanua.

64 A ka oqo au sa kaya kina vei kemudou koi Au na Turaga, dou vakasoqoni kemudou tani mai na veivanua mai na atokalau, dou vakasoqoni kemudou vata vakataki kemudou na italatala qase ni noqu lotu; dou lako yani ki na veivanua ena ra ka vunauci ira na tamata me ra veivutuni, ia ko ira kecega sa veivutuni, dou tauyavutaka vei ira na noqu lotu.

65 Ia mo dou duavata sara ka yalovata, dou kumuna vata na nomudou iyau ka avolia me nomudou ivotavota vakawa na vanua ena vakatakilai vei kemudou.

66 Ia ena vakatokai ko aJerusalemi Vou, na bvanua ni cvakacegu, na didrodro kei na nodra itikotiko na nona yalododonu na Kalou sa Cecere Sara;

67 Ena tiko kina na iserau alagilagi ni Turaga, ka na tiko tale ga kina na nona rerevaki na Turaga, ia era na sega ni curu rawa kina na tamata ca, ia ena yacana ko Saioni.

68 Ka na qai yaco ena kedra maliwa na dau caka ca, ni ko ira kecega era na sega ni cola iseleiwau me vala kei na wekana, me dro ki Saioni me bula kina.

69 Ka ra na asoqoni vata yani kina na veimatanitu kecega e rukui lomalagi; ka ni sai ira duadua ga oqo na matatamata era na sega ni veivaluvaluti vakataki ira.

70 Era na qai kaya na tamata ca: Me da kakua sara ni la’ki valuti Saioni, raica era sa rui vakarerevaki na lewei Saioni; eda na sega ni rawati ira.

71 Ka na qai yaco ni ra na vakasoqoni tani mai na veimatanitu kecega o ira na buladodonu, ka ra na lako mai ki Saioni, ka lagata voli na sere ni reki tawavakaiyalayala.

72 Ia oqo au sa kaya vei kemudou, mo dou kakua mada ni tukuna yani na veika oqo me kila ko vuravura me yacova na gauna sa dodonu kina vei au, mo dou vakayacora ga na nomudou cakacaka e matadra na tamata, kei na matadra na nomudou meca, me ra kakua kina ni kila na nomudou cakacaka me yacova na gauna dou sa vakacavara kina na veika au sa vakarota vei kemudou;

73 Ia ni ra sa kila, era na qai vakananuma na veika oqo.

74 Ni ena gauna sa na basika mai kina na Turaga ena avakarerevaki sara vei ira, io ena kani ira sara na rere, era na tu ga vakayawa, ia era na sautaninini.

75 Ia era na rere na veimatanitu ena nona vakarerevaki na Turaga, era na rerevaka na nona lagilagi kei na nona kaukauwa. Ena yaco vakakina. Emeni.