Veitikina Digitaki mai na iVakadewa nei Josefa Simici ni iVolatabu

Era sa koto oqori na veitikina digitaki mai na iVakadewa ni iVolatabu na King James (VJS) nei Josefa Simici. A vakauqeta na Parofita ko Josefa Simici na Turaga me vakalesuya mai na dina eso ka sa yali se veisautaki ki na ivakadewa ni iVolatabu na King James, me tekivu mai na gauna a volai taumada kina. Na vakalesui mai oqo e vakamatatataka na ivunau ka vakavinakataka cake na kilai ni ivolanikalou.

Me vaka ni a vakatakila na Turaga vei Josefa na dina eso era a vola o ira era a vola taumada, sa sega kina ni tautauvata na iVakadewa nei Josefa Simici kei na ivakadewa kecega ni iVolatabu era tu e vuravura. Ena vakasama qo, sa vakayagataki kina vakarabailevu cake na vosa ivakadewa mai na kena ivakarau sa matau tu, baleta ni vakavakadewa nei Josefa e levu cake na ka e vakatakilai, mai na veika e vakadewataki ga vakadodonu mai na dua na vosa ki na dua tale.

Na iVakadewa ni iVolatabu na King James nei Josefa Simici e tiko na kena isema se cavuti ena vica vata na iwase ni Vunau kei na Veiyalayalati (raica na wase 37, 45, 73, 76, 77, 86, 91, kei na 132). E vakakina, na ivola i Mosese kei na Josefa Simici—Maciu era tomiki mai na iVakadewa nei Josefa Simici.

Me baleta eso tale na itukutuku ni iVakadewa nei Josefa Simici, raica na “iVakadewa nei Josefa Simici (VJS)” ena iDusidusi ki na iVolanikalou.

Na ivakaraitaki eso oqo e vakaraitaki kina e dua na sabolo digitaki mai na iVakadewa nei Josefa Simici:

iVakatakilakila

sabolo

VJS, Maciu 4:1, 5–6, 8–9. Veidutaitaka Maciu 4:1, 5–6, 8–9; na veisau vata vakaoqo a vakayacori ena Luke 4:2, 5–11

Sa kauti Jisu na Yalo, e sega ni ko Setani.

1 Sa qai kauti Jisu na Yalo, ki na lekutu, me tiko vata kei na Kalou.

5 Sa qai kau ko Jisu ki na koro tabu, ka vakatikori koya na Yalo ena delavuvu ni valetabu.

6 Sa qai lako mai vua na tevoro ka kaya, Kevaka ko sa Luve ni Kalou, mo rika sobu, ni sa volai, Ni na vakaroti ira na nona agilosi ko Koya ena vukumu, ia ena ligadra era na keveti iko cake kina, de dua na siga sa tavutu kina na yavamu ki na vatu.

8 Ka sa tiko vata tale kei Jisu na Yalo, a sa kauti koya cake ki na dua na ulunivanua cecere sara, ka vakaraitaka vua na veimatanitu kecega e vuravura kei na kedra lagilagi.

9 Sa lako tale mai vua na tevoro, ka kaya, a ka kecega oqo kau na solia vei iko, kevaka ko na lolou sobu ka qaravi au.

Na idusidusi oqo ena matanivola kata sai koya na malanivosa mai na ivakadewa ni iVolatabu nei Josefa Simici na King James. Me vaka ni vakalesuya tale mai na vosa ki na iVolatabu na nona ivakavakadewa, ena rawa ni duidui na naba ni tikina ena ivola ko vakayagataka.

Na idusidusi e vakaraitaka na malanivosa ena nomu iVolatabu e dodonu mo vakatauvatana ki na ivakadewa nei Josefa Simici.

Na malanivosa oqo e vakamacalataka na ivunau e vakamatatataka ko Josefa Simici ena nona ivakavakadewa.

Oqo na lewe ni itukutuku me vaka e vakadewataka ko Josefa Simici. (Sa vakuri ena matanivola kala me vakaraitaka na duidui ni kena vosa mai na iVakadewa ni King James.)