iVolanikalou
Vunau kei na Veiyalayalati 82


Wase 82

Na ivakatakila sa soli vei Josefa Simici na Parofita, mai Inidipenideni ena Yasayasa vaka-Jekesoni e Misuri, ena 26 ni Epereli, 1832. A vakayacori tiko e dua na bose ni bete levu kei na italatala qase ni Lotu. Ena bose oqori a tokoni kina o Josefa Simici me Peresitedi ni Matabete Levu, oqo na itutu sa tabaki oti kina ena dua na nodra koniferedi na bete levu, kei na italatala qase, kei ira na lewenilotu, e Emeusi, Oaio, ena 25 ni Janueri, 1832 (raica na ulutaga ni wase 75). Na ivakatakila oqo e tokaruataki kina na idusidusi a soli ena dua na ivakatakila e liu (wase 78) me tauyavutaki e dua na isoqosoqo—me vakatokai na Kabani Cokovata (ena veidusimaki nei Josefa Simici, a qai vakaisosomitaki e muri na vosa “kabani” ena vosa “isoqosoqo”)—me cicivaki kina na sitoa ni Lotu kei na kena sasaga ni tabaivola.

1–4, Ko koya sa soli vakalevu vua, ena gadrevi vakalevu vua; 5–7, Sa takavi vuravura vakalevu na butobuto; 8–13, Ena vakayacora na nona yalayala na Turaga kevaka eda sa muria na veika e tukuna; 14–18, Ena torocake tiko ga na totoka kei na lagilagi kei Saioni; 19–24, Me vukea na wekana na tamata yadua.

1 E dina, e dina au sa kaya vei kemudou na noqu tamata, kevaka dou sa aveivosoti vakai kemudou ena vuku ni nomudou dui caka cala, au na vosoti kemudou tale ga, koi Au na Turaga.

2 Ia, era sa tu ena kemudou maliwa ko ira sa ivalavala ca vakalevu sara; io, dou sa ivalavala ca akecega; ia au sa kaya vei kemudou, mo dou qarauni kemudou me tekivu oqo ka lako yani, ka lako tani mai na ivalavala ca, de na qai tau ki ulumudou na cudru mosimosi.

3 Ni ko koya sa soli avakalevu vua ena bgadrevi vakalevu mai vua; kei koya sa civalavala ca ni sa tu vakalevu vua na drarama, ena cudruvi vakalevu kina.

4 Dou sa masuta na yacaqu me baleta na aivakatakila, kau sa solia vei kemudou; ia ni dou sa sega ni muria na noqu ivakaro, au sa solia vei kemudou, dou sa dau talaidredre kina; ia na lewa bdodonu kei na veilewai sai koya na itotogi sa lili toka ena noqu lawa.

5 Ia, na veika au sa tukuna vua e dua, au sa tukuna vei kemudou kece: Dou avakatawa, sa vakatetea tiko ga na bmeca na nona kaukauwa, ka sa takavi vuravura vakalevu na cbutobuto;

6 Ia sa waqa na cudru ni Kalou vei ira na kai vuravura; ka sa sega e dua sa cakava na ka vinaka, ni ra sa butu sevata kecega na nodra asala.

7 Ia oqo, au sa kaya vakaidina vei kemudou, koi Au na Turaga, au na sega ni lewai kemudou ena dua na aivalavala ca; dou lako ka kakua ni ivalavala ca tale; ia na yalo sa ivalavala ca tale, ena lesu tale vua na ivalavala ca sa cakava boti, sa kaya na Turaga na nomudou Kalou.

8 Kei na dua tale, au sa kaya vei kemudou, au sa solia vei kemudou e dua na ivakaro avou, mo dou kila kina na lomaqu ena vukumudou;

9 Se, ena dua tale na kena vosa, au sa solia vei kemudou na idusidusi me baleta na nomudou aivalavala e mataqu, mo dou rawata kina na veivakabulai.

10 Koi au, na Turaga, au sa avauci ni dou muria na noqu vosa; ia ni dou sega ni muria na noqu vosa, sa sega na ka e yalataki vei kemudou.

11 O koya, au sa kaya vakaidina vei kemudou, sa kilikili me ratou na vauci avata ena dua na ivau kei na veiyalayalati ka na sega ni voroki rawa ena talaidredre ko Etuwate Patereji kei Niueli K. Witini, ko A. Sidini Kilipati kei Sidini Rikitoni, kei na noqu tamata ko Josefa Simici, kei Joni Witima kei Oliva Kaudari, kei W. W. Felepi kei Matini Erisi, kevaka ena voroki ena yaco kusarawa yani na veilewai, ena itavi duidui dou qarava—

12 Mo dou vakatulewa ena veika e baleti ira na dravudravua, kei na veika kece e baleti ira na matabisopi ena vanua ko Saioni kei na vanua ko Katiladi;

13 Niu sa vakatabuya na vanua ko Katiladi ena gauna au sa lewa me yaga vei ira na nona yalododonu o Koya sa Cecere Sara, ka me dua kina na aiteki kei Saioni.

14 Ni sa dodonu me torocake tiko ga na totoka kei na savasava kei Saioni; io me vakalevutaki na kena iyalayala; me vakadeitaki na kena vei iteki; io, au sa kaya vakaidina vei kemudou, me tucake mai ko aSaioni ka tokara na nona isulu bvakaiukuuku.

15 O koya, au sa solia kina vei kemudou na ivakaro oqo, mo dou vauci kemudou ena veiyalayalati oqo, io me vakayacori me vaka na lawa ni Turaga.

16 Raica, oqo talega na veika au nanuma mo dou vinaka kina.

17 Ka mo dou atautauvata, se ena dua tale na vosa, me tautauvata na veika dou kaya me votai vei kemudou ena iyau, me rawarawa kina na nomudou vakatulewa ena vuku ni veika dou qarava, na tamata yadua me vaka na nona leqa kei na ka sa yaga vua, kevaka e kilai ni ganita—

18 Ia na veika kece oqo me yaga ki na nona lotu na Kalou bula, io me ra vakavinakataka cake na tamata yadua na nodra dui ataledi, ka rawata na tamata yadua na taledi tale e so, io, me vakadrautaki, me biu ki na nona blololo na Turaga, me yaco me iyau raraba ni lotu raraba—

19 Raica na tamata yadua me vukea na wekana, ia me caka na ka kecega ena amata sa vakatabakidua ki na lagilagi ni Kalou.

20 Na aivakarau oqo au sa lesia me na kena ivakarau tawavakaiyalayala tu vei kemudou, kei ira era na sosomitaki kemudou, kevaka dou sa sega ni ivalavala ca.

21 Ia ko koya sa beca na veiyalayalati oqo, ka vakaukauwataka kina na lomana, ena lewai me vaka na lawa ni noqu lotu, ka na soli yani ki na aveivakararawataki nei Setani me yacova na siga ni veivakabulai.

22 Ia oqo, au sa kaya vakaidina vei kemudou, sai koya oqo na yalomatua, mo dou veiwekani kei ira na nomudou meca, me ra kakua kina ni vakarusai kemudou.

23 Dou laiva duadua ga vei au na vakatulewa, me vaka ni noqu ka’u na asauma lesu. Me nomudou na vakacegu; me tikoga vei kemudou na noqu veivakalougatataki.

24 Ni sa nomudou na amatanitu, ia ena sega ni mudu, kevaka dou na tudei tikoga ka sega ni yavalati. Io ena vakakina. Emeni.