iVolanikalou
    Vunau kei na Veiyalayalati 55
    iVakamacala e botona e ra
    Theme

    Wase 55

    Na veika sa vakatakilai yani mai vei Josefa Simici na Parofita mai Katiladi, Oaio, ena 14 ni June, 1831 me tukuni vei Viliame W. Felepi. Eratou se qai tadu walega yani ki Katiladi ko Viliame W. Felepi, e dua na dautabaivola kei na nona matavuvale, a sa taroga na Parofita vua na Turaga na ka e baleti koya.

    1–3, Sa kacivi ka digitaki ko Viliame W. Felepi me papitaisotaki, tabaki me italatala qase, ka me vunautaka na kosipeli; 4, Me na dau vola talega na ivola e so me baleti ira na gonelalai ena koronivuli ni Lotu; 5–6, Me na lako ko koya ki Misuri, na vanua me na laki veiqaravi kina.

    1 Raica, sa kaya vakaoqo na Turaga, kivei iko Viliame na noqu tamata, io, na Turaga ni avuravura taucoko, ko sa kacivi ka digitaki; ia ni ko sa bpapitaiso oti ena wai, ia kevaka ko sa cakava vakatabakidua me’u vakalagilagi kina, ena bokoci na nomu ivalavala ca ka ciqoma na Yalo Tabu ena veitabaki ni cliga;

    2 Ia ko na qai tabaki mai na ligai Josefa Simici Lailai, na noqu tamata mo italatala qase ni lotu oqo, mo vunautaka na veivutuni kei na avakabokoci ni ivalavala ca ena papitaiso ena yacai Jisu Karisito, na Luve ni Kalou bula.

    3 Ia ko ira kecega ko sa vakotora kina na ligamu, kevaka sa raramusumusu vei au na yalodra, sa tu vei iko na kaukauwa mo solia na Yalo Tabu.

    4 Kei na dua tale, ko na tabaki mo vukei Oliva Kaudari na noqu tamata ena cakacaka ni taba ivola, ka vakakina na kena digitaki kei na volai ni aivola ni koronivuli ena lotu, me ra ciqoma kina na gone na veidusimaki mai vei au ena sala sa dodonu vei au.

    5 Kei na dua tale, au sa kaya vakaidina vei iko, ena vuku ni ka oqo sa kilikili kina mo lako vata kei rau ko Josefa Simici Lailai, kei Sidini Rikitoni na noqu tamata, mo avakatikori kina ena vanua sa nomudou ivotavota vakawa, mo qarava kina na cakacaka oqo.

    6 Kei na dua tale, me lako vata tale ga kei iratou ko Josefa Kou na noqu tamata. Na kena vo ena qai tukuni yani ena dua na gauna mai muri, io me vaka na noqu lewa. Emeni.