iVolanikalou
Vunau kei na Veiyalayalati 36


Wase 36

Na veika sa vakatakilai vei Josefa Simici na Parofita, me tukuni vei Etuwate Patereji, volekati Feieti e Niu Ioka, ena 9 ni Tiseba, 1830 (raica na ikau ni wase e 35.) E tukuna na itukutuku makawa kei Josefa Simici ni ko Etuwate Patereji sa “ivakaraitaki ni tamata ivalavala dodonu, ka dua na nona tamata cecere na Turaga.”

1–3, Sa tabaki Etuwate Patereji na Turaga mai na ligai Sidini Rikitoni; 4–8, Me ra kacivi na tagane kecega era sa ciqoma na kosipeli kei na matabete me ra lako yani ka veivunauci.

1 Sa kaya vakaoqo na Turaga na Kalou, o koya na aQaqa i Isireli: Raica, au sa kaya vei iko, I bEtuwate na noqu tamata, ko sa kalougata, ka sa vosoti na nomu ivalavala ca, ia ko sa kacivi mo vunautaka na noqu kosipeli ena domo e vaka na davui.

2 Kau na vakotora e ulumu na aligaqu mai na ligai Sidini Rikitoni na noqu tamata, ia ko na ciqoma na Yaloqu, na Yalo Tabu, io ko koya na bDauveivakacegui, ko koya ena vakavulica vei iko na veika cni sautu ena matanitu;

3 Ia mo qai vunautaka yani ena domo levu, ka kaya: Osana, me vakarokorokotaki na yacana na Kalou sa cecere sara.

4 Raica au sa solia vei iko na veikacivi kei na ivakaro oqo me baleta na tamata kecega—

5 Ia ko ira kecega sa lako mai vei rau na noqu tamata ko Sidini Rikitoni kei Josefa Simici Lailai, ka maroroya na veikacivi kei na ivakaro oqo, me ra atabaki ka talai yani me ra bvunautaka na kosipeli tawavakaiyalayala ki na veivanua kecega—

6 Me ra kacivaka na veivutuni, ka kaya: Dou avakabulai kemudou mai na itabatamata dau rekitaka na ca oqo, dou dro tani mai na bukawaqa, io mo dou cata sara na bisulu sa dukadukali ena yago.

7 Ia ena soli na ivakaro oqo vei ira na italatala qase ni noqu lotu, na tamata kecega ena ciqoma ena lomana taucoko me na tabaki ka talai yani, me vaka ka’u sa tukuna.

8 Koi Au ko Jisu Karisito, na Luve ni Kalou; ia mo vakadreta na ivau ni tolomu, ni’u na lako vakidacala mai ki na noqu avaletabu. Ia ena yaco vakakina. Emeni.