Lawa

Na ivakaro se na lawa sa yavutaki kina na veivakalougatataki kei na itotogi kece sara mai lomalagi kei vuravura. O ira era muria na lawa ni Kalou era na rawata na veivakalougatataki sa yalataki tu. E vakavuvulitaka na parofita o Josefa Simici ni dodonu vei keda na tamata me da talairawarawa, rokova, ka tokona na lawa ni vanua (Y ni V 1:12).

Na lawa i Mosese e dua na lawa ni vakavakarau me kauti ira mai na tagane kei na yalewa vei Karisito. E lawa ni vakatatabu, veidusimaki, kei na cakacaka vakalotu. Nikua na lawa i Karisito, ka vakataucokotaka na lawa i Mosese, sai koya na taucoko ni kosipeli se na “ivunau vinaka sara ni veisereki” (Jeme. 1:25).

Sa vakayalo na lawa kecega, V&V 29:34.
Sa ciqoma na lawa ni Lotu ena ivakatakila ko Josefa Simici, V&V 42.
Raica ko koya sa muria tiko na lawa ni Kalou ena muria talega na lawa ni vanua, V&V 58:21.
Na rarama i Karisito sai koya na lawa sa liutaki kina na ka kecega, V&V 88:7–13.
Sa virikotora ko koya na lawa ena ka kecega, V&V 88:42–43.
Au sa lewa me ra muria na noqu tamata na lawa ni vanua, V&V 98:4–5.
Ni da rawata e dua na veivakalougatataki mai vua na Kalou, sa rawa ni da sa talairawarawa ki na lawa sa vakayavutaki kina, V&V 130:20–21.
Sa tukuna na Lotu na nona vakabauta ena lawa ni vanua, V&V 134.