Ether

Nwoma bi a ɔwɔ Mormon Nwoma a Jaredfo hɔn abakɔsɛm bi wɔ mu. Jaredfo yɛ nyimpakuw bi a wɔtsenaa ase wɔ anee afamu mfe aha pii ansaana Lehi no nkorɔfo reba hɔ. Ether nwoma no wɔfae fii mprɛtse eduonu-anan a Limhi no nkorɔfo hunii no mu (Mosiah 8:8–9).

Etsir 1–2 kã mbrɛ Jaredfo sii fii hɔn fie wɔ Babel Abantsentsen aber do na wotuu kwan kɔr bea a sesei wɔfrɛ hɔ America asaase tɔw no ho asɛm. Etsir 3–6 kyerɛ dɛ Jared no nuabanyin hun Agyenkwa no wɔ ber a nna onnyaa mmbaa asaase do no na dɛ Jaredfo no dze ahɛn awɔtwe tuu hɔn kwan no. Etsir 7–11 kɔ do kã emumuyɛdze a ɔhyɛɛ Jaredfo hɔn abakɔsɛm no mu mã no. Moroni a ekyir no ɔhwɛɛ Ether n’abakɔsɛm mu tsentseen dza ɔakyerɛw no, kyerɛɛw gyedzi a wɔnam do yɛɛ anwanwadze nye Christ na Jerusalem Fofor a ɔbɛba no no ho asɛm wɔ etsir 12–13. Etsir 14–15 no kã mbrɛ osii ma Jaredfo bɛyɛɛ ɔman kɛse na mbom osian emumuyɛdze ntsi ɔkõ sii hɔn mu ma wɔsɛɛ hɔn korakora no ho asɛm.