Elisha

Ahyɛmu Dadaw mu nkɔnhyɛnyi a nna ɔwɔ Israel Ahenman a ɔwɔ etsifi no mu no, ɔyɛɛ ɔfotufo nokwafo maa kurow no mu ahemfo pii.

Elisha dwe na noho yɛ enyikã, ɔnntse dɛ no wura Elijah a n’asɛm yɛ dzen no. N’anwanwadze a ɔyɛe (2 Ahem. 2–5; 8) gye dase dɛ nokwar onyaa Elijah no tum no ber a ɔbɛhyɛɛ Elijah n’ananmu dɛ nkɔnhyɛnyi no (2 Ahem. 2:9–12). Mfatoho bi nye dɛ ɔsaa nsu wenwen yar, ɔpaa Esutsen Jordan mu ebien, ɔmaa okunafo no ngo yɛɛ mbɔhombɔho, onyaan aberantsɛ bi fii ewufo mu, ɔsaa ɔkwatanyi yar, ɔmaa daadze ekuma a ɔhyɛ nsu ase bɛtsɛɛw nsuenyi, ɔmaa Syriafo hɔn enyiwa furae (2 Ahem. 2–6). Ɔyɛɛ no somdwuma no mfe eduonum na no mboree ber a nna Jehoram, Jehu, Jehoahaz, na Joash dzi adze no.