Hezekiah

Judahman mu ɔhen tseneneenyi bi a ɔwɔ Ahyɛmu Dadaw no mu. Odzii hen mfe eduonu-akron, wɔ ber a nna Isaiah yɛ nkɔnhyɛnyi wɔ Judah no (2 Ahem. 18–20; 2 Mber. 29–32; Isa. 36–39). Isaiah boaa no ma ɔsanee sakyeer asɔr nye ɔman no. Ɔmaa abosonsom kɔr famu na ɔsanee pegyaa temple som. Ɔnam gyedzi mpaabɔ do ma wɔdze mfe duenum too Hezekiah no nkwa do (2 Ahem. 20:1–7). N’ahendzi ahyɛse no yɛɛ prɔmprɔm kakra, mbom n’etuatsew wɔ Assyriahen do no (2 Ahem. 18:7) maa Assyriafo tuu hɔn do sa mprenu: Dza odzi kan no wɔakyerɛkyerɛ mu wɔ Isaiah 10:24–32, dza otsia ebien no so wɔ 2 Ahem. 18:13–19:7. Ɔsa tu a otsia ebien no no, Ewuradze no bɔfoe na ɔgyee Jerusalem nkwa (2 Ahem. 19:35).